skip to Main Content
ᐱᓇᓱᒉᑦ ᑲᑎᕕᒃ ᐃᓕᓴᕐᓂᓕᕆᓂᕐᒥ

ᐱᓇᓱᕝᕕᑎᓐᓂ ᑭᓯᐊᓂ ᒪᓂᔭᐅᔪᖅ – ᐃᓕᓭᔩᑦ ᐊᖓᔪᕐᖄᖓᑕ ᑐᖓᓕᖓ

ᐱᓇᓱᒐᖅ:

ᐃᓕᓭᔩᑦ ᐊᖓᔪᕐᖄᖓᑕ ᑐᖓᓕᖓ

ᐊᓪᓚᕕᖓ:

ᐃᓕᓐᓂᐊᕖᑦ ᐊᐅᓚᑕᐅᓂᖏᑦ

ᐱᓇᓱᒐᐅᑉ ᑭᑎᑦᔪᑎᖓ:

VP060/1911-01

ᓇᓃᓐᓂᓴᖓ:

ᐃᓱᒻᒪᓴᕐᕕᒃ – ᖁᐊᕐᑕᖅ

ᖃᓄᐃᑦᑐᑑᓂᖓ:

ᐃᓗᐃᑦᑐᖅ ᐃᓇᖐᒪᔪᒧᑦ ᐃᓂᒃ

ᐱᒋᐊᕐᕕᓴᖓᑕ ᐅᓪᓗᖓ:

ᑏᓯᒻᐱᕆ 2019

ᑲᑎᕕᒃ ᐃᓕᓴᕐᓂᓕᕆᓂᖅ ᐃᓕᓴᕐᓂᓕᕆᓂᐅᕗᖅ ᐃᓕᓐᓂᐊᓂᓕᕆᓂᕐᒥᒃ ᐱᑕᖃᕐᑎᓯᑦᓱᓂ ᓄᓇᓕᓐᓂ 14-ᓂᒃ ᓄᓇᕕᒻᒥ

ᐃᓂᖓ ᐱᓇᓱᐊᕆᐊᓕᖏᓪᓗ:

ᐊᖓᔪᕐᖄᖃᕐᓗᓂ ᑐᑭᒧᐊᑦᑎᓯᔨᖓᓂᒃ ᐃᓕᓐᓂᐊᕖᑦ ᐊᐅᓚᑕᐅᓂᖏᑦ, ᐃᓕᓐᓂᐊᑎᑦᓯᔩᑦ ᐊᖓᔪᕐᖄᖏᑦᑕ ᑐᖓᓕᖓ ᑲᒪᒋᔭᖃᕆᐊᓕᒃ ᐃᑲᔪᕐᓂᒥᒃ ᐃᓕᓐᓂᐊᑎᑦᓯᔩᑦ ᐊᖓᔪᕐᖄᖓᓂᒃ ᐃᓕᓐᓂᐊᓂᕐᒨᓕᖓᔪᓂᒃ ᑲᒪᒋᔭᖃᕐᓂᒥᒃ ᐃᓕᓐᓂᐊᕕᒻᒥ ᐱᓇᓱᐊᕐᑕᐅᔪᓂᒃ ᐊᒻᒪᓗ ᐊᑐᕋᑦᓴᖏᓐᓂᒃ ᒪᓕᓪᓗᒋᑦ ᒪᓕᑦᑕᐅᒋᐊᓖᑦ ᐃᓕᓴᕐᓂᓕᕆᓂᕐᒥ.

ᐱᒍᓐᓇᐅᑎᒋᒋᐊᓕᖏᑦ:

  • ᐃᓕᓐᓂᐊᑎᑦᓯᒍᓐᓇᐅᑎᖃᕆᐊᓕᒃ (Brevet) ᐁᑦᑑᑎᐅᓯᒪᔪᒥᒃ ᑐᕐᖃᑕᕐᕕᖓᓄᑦ ᐃᓕᓐᓂᐊᓂᓕᕆᓂᕐᒥ, ᐳᕐᑐᓂᕐᓴᒥ ᐃᓕᓐᓂᐊᓂᕐᒥ ᐊᒻᒪᓗ ᖃᐅᔨᓴᕐᓂᒥᒃ (MEESR) ᐅᕝᕙᓘᓐᓃᑦ ᐃᓕᓐᓂᐊᑎᑦᓯᒍᓐᓇᐅᑎᒥᒃ ᐃᓕᑕᕆᔭᐅᓂᓕᒻᒥᒃ ᐃᓕᓐᓂᐊᓂᓕᕆᓂᕐᒧᑦ ᐱᖁᔭᖓᓄᑦ ᑯᔩᒃᑯᓄᑦ, ᐃᓄᓐᓄᑦ ᐊᒻᒪᓗ ᓇᔅᑳᐱᒃᑯᓄᑦ ᐊᑖᒍᑦ (R.S.Q., c.1-14);
  • ᐃᓕᓐᓂᐊᕕᕐᔪᐊᒥ ᐳᕐᑐᓂᕐᓴᐅᑉ ᐊᓪᓕᖓᓂ ᐱᔭᕇᕈᑎᖃᕐᓗᓂ ᐃᓕᓐᓂᐊᓂᓕᕆᓂᕐᒧᑦ ᐅᕝᕙᓘᓐᓃᑦ ᐃᓕᓐᓂᐊᕕᕐᔪᐊᒥ ᐳᕐᑐᓂᕐᓭᑦ ᐱᖓᔪᖓᓂ ᐱᔭᕇᕈᑎᑖᕐᓯᒪᓗᓂ ᐱᓇᓱᒐᕐᒨᓕᖓᔪᓂᒃ ᓇᓗᓀᕐᑕᐅᒪᓂᖃᕐᓗᓂ ᐃᑭᓐᓂᐹᓂᒃ ᐊᕐᕌᒍᓂᒃ ᐱᖓᓱᓂᒃ ᐃᓕᓐᓂᐊᕕᕐᔪᐊᒥ ᐃᓕᓐᓂᐊᑕᐅᓲᓂᒃ ᐅᕝᕙᓘᓐᓃᑦ ᐳᕐᑐᓂᕐᓴᒥ ᐅᕝᕙᓘᓐᓃᑦ ᐱᓇᓱᑦᑎᑐᖃᐅᓗᓂ ᐱᓇᓱᒐᕐᒥ ᐃᓕᓴᕐᓂᓕᕆᓂᕐᒥ ᐃᓕᓐᓂᐊᕕᕐᔪᐊᒥ ᐊᓪᓕᖓᓂ ᐱᔭᕇᕈᑎᖃᕆᐊᓕᒻᒥ ᐃᑭᓐᓂᐹᒥᒃ ᐱᒍᓐᓇᐅᑎᐅᒋᐊᓕᓐᓂᒃ ᐅᕝᕙᓘᓐᓃᑦ ᐱᓇᓱᒐᖃᕐᓗᓂ ᐃᓕᓐᓂᐊᑎᑦᓯᔩᑦ ᐊᖓᔪᕐᖄᖏᑦᑕ ᑐᖓᓕᖓᓂᒃ.

ᐃᓕᓐᓂᐊᓂᓕᕆᓂᖅ ᖁᓛᓂ ᐅᖃᕐᑕᐅᔪᓂᒃ ᐊᑐᖕᖏᑑᑎᑦᓯᒍᓐᓇᑐᖅ ᐱᒍᓐᓇᐅᑎᒋᔭᐅᒋᐊᓕᓐᓂᒃ ᓈᒻᒪᑐᕆᑦᓯᒍᓂ ᐊᖏᖃᑎᒌᓐᓂᒧᑦ ᐃᓚᐅᒍᑎᖃᕐᑐᒥᒃ ᐱᓇᓱᒐᕐᑖᕋᓱᐊᕐᑐᒥᒃ. ᐃᓕᓐᓂᐊᓂᓕᕆᓂᐅᓪᓗ ᐱᒋᐅᕐᓴᑎᑦᓯᒍᑎᖏᓐᓂᒃ ᐃᓚᐅᕕᖃᕋᔭᕐᓂᒥᒃ ᐊᖏᕐᓯᒪᔪᒥᒃ.

ᐊᑐᕈᓐᓇᕆᐊᓕᖏᑦ:

  • ᐊᕐᕌᒍᓂ ᑕᓪᓕᒪᓂᒃ ᐱᓇᓱᑦᓯᒪᒋᐊᓕᒃ ᐃᓕᓐᓂᐊᑎᑦᓯᔨᐅᓂᕐᒥᒃ ᐅᕝᕙᓘᓐᓃᑦ ᐱᒍᓐᓇᐅᑎᓕᓐᓄᑦ ᐱᓇᓱᒐᖃᕐᓗᓂ ᐃᓚᐅᑎᓪᓗᒋᑦ ᐱᖓᓱᓂᒃ ᐊᕐᕌᒍᓂᒃ ᐃᓕᓐᓂᐊᑎᑦᓯᔨᐅᓯᒪᓗᓂ;
  • ᐅᖄᒍᓐᓇᓯᐊᕐᓗᓂ ᒪᕐᕉᓂᒃ ᐅᖃᐅᓰᓐᓂᒃ ᐱᓇᓱᑦᑏᑦ ᐅᖃᐅᓯᖏᓐᓂ ᐃᓕᓴᕐᓂᓕᕆᓂᕐᒥ (ᐃᓄᑦᑎᑐᑦ, ᖃᓪᓗᓈᑎᑐᑦ ᐊᒻᒪᓗ ᐅᐃᒍᐃᑎᑐᑦ)
  • ᐱᓇᓱᐊᕐᓯᒪᓗᓂ ᓯᕗᓕᕐᑎᐅᓂᕐᒥᒃ ᐃᓗᕐᖁᓯᖃᑎᒌᖕᖏᑐᓂ ᐱᓇᓱᕝᕕᓂ ᐱᐅᒋᔭᐅᒐᔭᕐᑐᖅ.

ᐱᓇᓱᒐᖓᑕ ᑌᔭᐅᓂᖓ / ᑮᓇᐅᑦᔭᓵᖏᑦ / ᐃᓱᕐᕉᑎᑦᓴᖏᓪᓗ:

ᐳᕐᑐᓂᖓ 8 ᒪᓕᑦᓱᒋᑦ ᑲᑎᕕᒃ ᐃᓕᓐᓂᐊᓂᓕᕆᓂᐅᑉ ᐱᓇᓱᒐᖃᕐᓂᒥ ᖃᓄᐃᑦᑐᒦᓐᓂᖃᕈᑎᖏᑦ ᐊᐅᓚᑦᓯᓂᓕᕆᔨᓄᑦ / $84,166 -ᓂᑦ $112,219-ᓄᑦ ᐊᕐᕌᒍ ᑕᒫᑦ ᐃᓕᓐᓂᐊᕕᐅᑉ ᐊᖏᓂᖓ ᒪᓕᓪᓗᒍ, ᐱᒍᓐᓇᐅᑎᒋᒋᐊᓕᖏᑦ ᐱᓇᓱᐊᕐᓯᒪᓂᖏᓪᓗ ᑐᖕᖓᕕᒋᓗᒋᑦ.

ᑮᓇᐅᑦᔭᓵᖏᓐᓄᑦ ᐃᓚᐅᑎᓪᓗᒍ ᐅᑯᓂᖓ ᐱᕙᓪᓕᖁᑎᑖᕈᓐᓇᒥᔪᖅ:

  • 25 ᐅᓪᓗᐃᑦ ᐊᕐᕌᒍᑕᒫᑦ ᑭᑲᕈᑏᑦ
  • ᖁᓕᓐᓄᑦ ᐅᓪᓗᓄᑦ ᑎᑭᑦᑐᑦ ᐅᓪᓗᐃᑦ ᕿᑲᑫᓐᓇᕆᐊᖃᕐᓂᒧᑦ ᖃᓂᒪᔪᕕᓂᐅᓗᓂ
  • ᒪᕐᕉᓂᒃ ᐱᓇᓱᐊᕈᓰᓐᓂᒃ ᕿᑲᕐᓇᓯᐅᕐᓇᐅᓂᖓᓂ

ᒪᑯᓂᖓᓗ ᐱᕙᓪᓕᖁᑎᑖᕈᓐᓇᓱᓂ:

  • ᐅᐱᕐᖔᓯᐅᑎᓂᒃ ᑫᕙᓪᓚᒍᓯᖃᕐᓂᖅ
  • ᐅᑭᐅᕐᑕᑐᒥᐅᖑᓂᕐᒧᑦ ᐊᑭᓕᕐᑕᐅᒋᐊᓪᓛᕈᑏᑦ
  • ᐊᓂᕐᕋᑫᓐᓇᓂᕐᒧᑦ ᖃᖓᑦᑕᐅᑏᑦ
  • ᓂᕿᓂᒃ ᖃᖓᑦᑕᔫᒃᑯᑦ ᑎᑭᓭᓃᑦ   

ᐱᕙᓪᓕᖁᑎᑖᕈᑎᓕᒫᑦ ᐱᖃᕐᑎᑕᐅᔪᑦ ᑐᖕᖓᕕᒋᑦᓱᒋᑦ ᐱᔭᑦᓴᖏᑦᑕ ᐳᓴᓐᑎᖏᑦ.

ᐃᓱᓕᕝᕕᓴᖓ ᐱᓇᓱᒐᕐᑖᕋᓱᐊᕐᓂᐅᑉ: 4:00-ᖑᐸᑦ, ᑏᓯᒻᐱᕆ 11, 2019

ᖃᐅᔨᑎᑦᓯᓛᕐᑐᒍᑦ ᐱᓇᓱᒐᕐᑖᕋᓱᐊᕐᑐᓂᒃ ᐱᒍᓐᓇᐅᔪᕆᔭᑦᑎᓂᒃ.

 

*ᐃᓕᓴᕐᓂᓕᕆᓂᖅ ᐱᓇᓱᒐᕐᒨᕋᓱᐊᕐᑐᓂᒃ ᖃᐅᔨᓴᕐᑕᐅᑎᑦᓯᒍᓐᓇᑐᖅ ᖃᐅᔨᓴᕐᓂᒧᑦ ᐱᒍᓐᓇᑕᖏᑦᑕ ᐳᕐᑐᓂᖓᓂᒃ.

Back To Top