skip to Main Content
ᐱᓇᓱᒉᑦ ᑲᑎᕕᒃ ᐃᓕᓴᕐᓂᓕᕆᓂᕐᒥ

ᐃᓗᓯᕐᓱᓯᐊᖕᖏᑐᓂᒃ ᐃᓕᓐᓂᐊᑎᑦᓯᔨ

ᐱᓇᓱᒐᖅ:

ᐃᓗᓯᕐᓱᓯᐊᖕᖏᑐᓂᒃ ᐃᓕᓐᓂᐊᑎᑦᓯᔨ

ᐊᓪᓚᕕᖓ:

ᐱᒍᑦᔨᒋᐊᓪᓛᕕᒃ

ᐱᓇᓱᒐᐅᑉ ᑭᑎᑦᔪᑎᖓ:

PSYED1910-09

ᓇᓃᓐᓂᓴᖓ:

ᓇᓗᓀᕐᑕᐅᓚᕐᑐᖅ ᓄᓇᕕᒻᒦᓗᓂ ᓄᓇᓖᑦ ᓇᓪᓕᖏᓐᓂ

ᖃᓄᐃᑦᑐᑑᓂᖓ:

ᐅᓪᓗᓕᒫᕐᑐᒥᒃ ᐱᓇᓱᒐᖅ ᐊᑌᓐᓇᑐᖅ

ᐱᒋᐊᕐᕕᓴᖓᑕ ᐅᓪᓗᖓ:

ᐆᑦᑐᐱᕆ 2019

ᑲᑎᕕᒃ ᐃᓕᓴᕐᓂᓕᕆᓂᖅ ᐃᓕᓴᕐᓂᓕᕆᓂᐅᕗᖅ ᐃᓕᓐᓂᐊᓂᓕᕆᓂᕐᒥᒃ ᐱᑕᖃᕐᑎᓯᑦᓱᓂ ᓄᓇᓕᓐᓂ 14-ᓂᒃ ᓄᓇᕕᒻᒥ

ᐃᓂᖓ ᐱᓇᓱᐊᕆᐊᓕᖏᓪᓗ:

ᐊᖓᔪᕐᖄᖃᕐᓗᓂ ᑐᑭᒧᐊᑦᑎᓯᔨᐅᑉ ᐃᑲᔪᕐᑎᖓᓂᒃ ᐱᒍᑦᔨᒋᐊᓪᓛᕕᒻᒥ, ᐃᓗᓯᕐᓱᓯᐊᖕᖏᑐᓂᒃ ᐃᓕᓐᓂᐊᑎᑦᓯᔨ ᐱᓇᓱᖃᑎᖃᕋᔭᕐᑐᖅ ᐱᒍᑦᔨᒋᐊᓪᓛᕕᒻᒥ ᐱᓇᓱᑦᑎᓂᒃ, ᓄᓇᓕᒻᒥ ᐃᓄᐃᑦ ᐱᐅᓯᐅᓪᓗᑯᖕᖏᑐᒃᑯᑦ ᑭᖕᖒᒪᒋᔭᓕᓐᓂᒃ ᐱᓪᓗᑯᒋᐊᓕᓕᕆᔩᑦ, ᐃᓄᒍᕐᓭᔩᑦ ᐊᓯᖏᓪᓗ ᐱᓇᓱᑦᑏᑦ ᐱᓇᓱᐊᕈᑎᖃᕐᓂᒧᑦ ᐱᐅᓯᕐᓲᑎᖃᕐᓂᐅᓲᓂᒃ ᐱᓐᓀᓗᑕᐅᑦᓱᑎᒃ ᑐᑭᓯᒪᑦᓯᐊᓗᒍ, ᐊᑕᐅᑦᓯᑰᕐᑎᓯᐊᕐᓗᒍ, ᐃᑲᔪᕐᓯᒪᓂᕐᒧᓗ ᐃᓕᓐᓂᐊᕕᐅᑉ ᐊᕙᑎᖓᓂᒃ ᐃᑲᔪᕐᓯᓇᕐᑐᓂᒃ ᐃᓕᓐᓂᐊᓂᕐᒧᑦ.

ᐃᓘᓐᓈᒍᑦ, ᑖᓐᓇ ᐱᓇᓱᒐᖅ ᒪᑯᓂᖓ ᑲᒪᒋᔭᑦᓴᔭᓕᒃ:

  • ᓇᓗᓀᕐᓯᓗᓂ, ᐸᕐᓀᓗᓂ ᐱᓇᓱᐊᕐᓗᓂᓗ ᐃᓗᕐᓱᓯᐊᖕᖏᑐᓄᑦ ᐃᓕᓐᓂᐊᑎᑦᓯᒍᑎᓅᓕᖓᔪᓂᒃ ᓇᐅᑦᓯᑐᕐᓂᖅ ᐃᓕᓐᓂᐊᑎᓂᒃ ᓱᕐᖁᐃᓯᓂᕐᒧᑦ ᐱᐅᓯᕐᓲᑎᖏᑦᑕ ᖃᐅᔨᓴᕐᑕᐅᓂᖏᓐᓂᒃ ᐃᓅᖃᑎᒌᓐᓂᒧᓪᓗ ᑭᖕᖒᒪᒋᔭᖏᓐᓂᒃ ᐱᓐᓀᓗᑕᖃᖕᖏᓂᕐᓴᐅᒋᐊᕐᓂᒧᑦ;
  • ᓇᐅᑦᓯᑐᕐᓂᖅ ᐱᐅᓯᕐᓲᑎᖏᓐᓂᒃ ᐃᓕᓐᓂᐊᑏᑦ ᐃᓕᓐᓂᐊᕕᒻᒥ ᐱᓇᓱᑦᑎᓄᑦ ᑲᒪᒋᔭᐅᖁᔭᐅᔪᒥᒃ ᐃᓅᖃᑎᖃᕐᓂᒥᒃ ᐱᓐᓀᓗᑕᖃᓲᒧᑦ
  • ᐊᔪᖀᒋᐊᕐᑎᓂᒃ ᐱᓇᓱᐊᑎᖃᓲᖑᓗᓂ ᐸᕐᓀᕈᑎᖃᕐᓂᒧᑦ ᕿᒥᕐᕈᓂᕐᒧᓗ ᐃᓕᓐᓂᐊᑎᐅᑉ ᐃᒻᒥᒎᕐᑐᓂᒃ ᐃᓕᓐᓂᐊᕈᑎᖃᕐᓂᒧᑦ;
  • ᐸᕐᓀᓗᓂ, ᐃᓂᓪᓚᑎᕐᓗᓂ ᐊᐅᓚᑦᓯᓗᓂᓗ ᐱᓇᓱᐊᕐᑕᐅᔪᑦᓴᓂᒃ ᐃᓕᓐᓂᐊᖃᑎᒌᓄᑦ ᐊᑦᔨᒌᒐᓚᓐᓂᒃ ᐱᓐᓀᓗᑕᖃᕐᑐᓄᑦ ᐃᓕᓐᓂᐊᑎᑦᓯᒍᓐᓇᓂᕐᒧᑦ ᓂᖕᖓᐅᒪᑦᑌᓕᒍᓯᕐᓂᒃ, ᐹᕐᓯᖓᐅᑎᒍᑎᓂᒃ ᐋᕐᖀᓂᖅ ᐱᐅᓯᕐᓲᑎᑦᓯᐊᖃᕐᓂᒧᓪᓗ;
  • ᐃᓕᓐᓂᐊᑏᑦ ᓇᓗᓀᕐᑕᐅᒪᔪᑦ ᑲᑎᖃᑦᑕᓗᒋᑦ ᐃᓄᑑᖃᑎᒋᓗᒍ;
  • ᐱᐅᓕᓂᐊᒐᕐᓂᒃ ᐊᑐᐃᓐᓇᕈᕐᑎᖃᑦᑕᓗᓂ ᐱᓇᓱᑦᑕᐅᒋᐊᓕᓐᓂᓗ ᓇᓗᓓᕐᓯᒍᓐᓇᓂᕐᒧᑦ ᐱᓇᓱᖃᑎᖃᕐᓂᒧᓪᓗ ᐃᓕᓐᓂᐊᑎᓂᒃ ᐱᐅᓯᕐᓘᑎᖃᓪᓚᕆᑦᑐᓂᒃ;
  • ᐱᓇᓱᖃᑎᒋᓗᒋᑦ ᕿᑐᕐᖓᓖᑦ, ᐃᓕᓐᓂᐊᕕᒻᒥ ᐱᒍᓐᓇᐅᑎᓖᑦ ᐊᐅᓚᑦᓯᓂᓕᕆᔩᓪᓗ;
  • ᑲᑎᒪᓂᐊᕈᓯᖃᕐᑎᓯᖃᑦᑕᓗᓂ ᐱᓇᓲᑎᖃᕐᑎᓯᓗᓂᓗ ᐃᓄᒍᐃᔨᓂᒃ;
  • ᖃᐅᔨᒪᔭᐅᒋᐊᓕᓐᓂᒃ ᐊᑐᐃᓐᓇᕈᕐᑎᖃᑦᑕᓗᓂ, ᓇᐅᑦᓯᑐᕈᑎᓂᒃ, ᐱᕙᓪᓕᐊᒍᑏᓪᓗ ᐃᓱᓕᒍᑎᖏᓐᓂᒃ ᐅᑎᕐᕕᖃᖃᑦᑕᓗᓂᓗ ᑐᓴᕐᑎᓯᒍᑎᓄᑦ ᐊᑯᓐᓂᖁᑦᓯᐅᑎᓂᕐᒧᑦ ᐸᕐᓇᓯᒪᐅᑎᓄᑦ.

ᐱᒍᓐᓇᐅᑎᒋᒋᐊᓕᖏᑦ:

  • ᐃᓕᓐᓂᐊᕕᕐᔪᐊᒥ ᐱᔭᕇᕈᓯᕐᓯᒪᓗᓂ ᐃᓗᓯᕐᓱᓯᐊᖕᖏᑐᓂᒃ ᐃᓕᓐᓂᐊᑎᑦᓯᔨᐅᓂᕐᒥ
  • ᐃᓚᐅᔫᕕᖃᕐᓗᓂ ᑲᑐᑦᔨᖃᑎᒌᑦᑎᓄᑦ “l’Ordre des psychoéducateurs et psychoéducatrices du Québec”
  • ᐊᕐᕌᒍᓂ ᐱᖓᓱᑦᔪᐊᓂᓪᓘᓃᑦ ᐱᓇᓱᐊᕐᓂᖃᕐᓯᒪᓗᓂ ᐱᓐᓀᓗᑦᓯᓯᒪᓲᓂᒃ ᐅᕕᒃᑲᓂᒃ ᓄᐃᑦᓯᓂᕐᒥᓗ ᐃᒻᒥᒎᕐᑐᓂᒃ ᐃᓕᓐᓂᐊᓂᕐᒧᑦ ᐸᕐᓇᓯᒪᐅᑎᖃᕈᑎᓂᒃ.

ᐃᓕᓐᓂᐊᓂᓕᕆᓂᖅ ᖁᓛᓂ ᐅᖃᕐᑕᐅᔪᓂᒃ ᐊᑐᖕᖏᑑᑎᑦᓯᒍᓐᓇᑐᖅ ᐱᒍᓐᓇᐅᑎᒋᔭᐅᒋᐊᓕᓐᓂᒃ ᓈᒻᒪᑐᕆᑦᓯᒍᓂ ᐊᖏᖃᑎᒌᓐᓂᒧᑦ ᐃᓚᐅᒍᑎᖃᕐᑐᒥᒃ ᐱᓇᓱᒐᕐᑖᕋᓱᐊᕐᑐᒥᒃ. ᐃᓕᓐᓂᐊᓂᓕᕆᓂᐅᓪᓗ ᐱᒋᐅᕐᓴᑎᑦᓯᒍᑎᖏᓐᓂᒃ ᐃᓚᐅᕕᖃᕋᔭᕐᓂᒥᒃ ᐊᖏᕐᓯᒪᔪᒥᒃ.

ᐊᑐᕈᓐᓇᕆᐊᓕᖏᑦ:

  • ᐱᓇᓱᑦᑎᖑᕋᓱᐊᕐᑐᖅ ᐱᓇᓱᐊᕈᓐᓇᓂᖃᑦᓯᐊᕆᐊᓕᒃ ᐅᐃᒍᐃᑎᑐᑦ ᖃᓪᓗᓈᑎᑐᓪᓗ;
  • ᐅᑭᐅᕐᑕᑐᒥ ᐃᓗᕐᖁᓯᖃᑎᒌᖕᖏᑐᓂᓪᓘᓃᑦ ᐱᓇᓱᐊᕐᓯᒪᒍᓂ ᐱᐅᔫᒐᔭᕐᑐᖅ;
  • ᓄᓇᕕᒻᒥ ᐊᕐᕕᑕᒐᓓᓐᓇᓲᖑᓚᖓᒋᐊᒥᒃ ᖃᓄᐃᑦᓴᖏᑦᑑᓗᓂ.

ᐱᓇᓱᒐᖓᑕ ᑌᔭᐅᓂᖓ / ᑮᓇᐅᑦᔭᓵᖏᑦ / ᐃᓱᕐᕉᑎᑦᓴᖏᓪᓗ:

ᒪᓕᑦᓱᒋᑦ ᐱᓇᓱᒍᑦᔨᓂᕐᒧᑦ ᐊᖏᕐᓯᒪᐅᑎᖃᕈᑎᖏᓐᓃᑐᑦ SPPOM-ᑯᑦ ᑲᑐᑦᔨᖃᑎᒌᓐᓂᖓᓂ ᐱᒍᓐᓇᐅᑎᓖᑦ / $46,114-ᓂᑦ $82,585-ᓄᑦ ᐊᕐᕌᒍᑕᒫᑦ ᑎᑭᐅᑎᒍᓐᓇᑐᑦ ᐱᒍᓐᓇᐅᑎᒋᒋᐊᓕᖏᑦ ᐱᓇᓱᐊᕐᓯᒪᓂᖏᓪᓗ ᒪᓕᓪᓗᒋᑦ.

ᑮᓇᐅᑦᔭᓵᖏᓐᓄᑦ ᐃᓚᐅᑎᓪᓗᒍ ᐅᑯᓂᖓ ᐱᕙᓪᓕᖁᑎᑖᕈᓐᓇᒥᔪᖅ:

  • 20 ᐅᓪᓗᐃᑦ ᐊᕐᕌᒍᑕᒫᑦ ᑭᑲᕈᑏᑦ
  • ᒪᕐᕉᓂᒃ ᐱᓇᓱᐊᕈᓰᓐᓂᒃ ᕿᑲᕐᓇᓯᐅᕐᓇᐅᓂᖓᓂ

ᒪᑯᓂᖓᓗ ᐱᕙᓪᓕᖁᑎᑖᕈᓐᓇᓱᓂ:

  • ᐅᐱᕐᖔᓯᐅᑎᓂᒃ ᑫᕙᓪᓚᒍᓯᖃᕐᓂᖅ
  • ᐃᓪᓗᖃᕐᓂᖅ
  • ᐅᑭᐅᕐᑕᑐᒥᐅᖑᓂᕐᒧᑦ ᐊᑭᓕᕐᑕᐅᒋᐊᓪᓛᕈᑏᑦ
  • ᐊᓂᕐᕋᑫᓐᓇᓂᕐᒧᑦ ᖃᖓᑦᑕᐅᑏᑦ
  • ᓂᕿᓂᒃ ᖃᖓᑦᑕᔫᒃᑯᑦ ᑎᑭᓭᓃᑦ   

ᐱᕙᓪᓕᖁᑎᑖᕈᑎᓕᒫᑦ ᐱᖃᕐᑎᑕᐅᔪᑦ ᑐᖕᖓᕕᒋᑦᓱᒋᑦ ᐱᔭᑦᓴᖏᑦᑕ ᐳᓴᓐᑎᖏᑦ.

ᐃᓱᓕᕝᕕᓴᖓ ᐱᓇᓱᒐᕐᑖᕋᓱᐊᕐᓂᐅᑉ: 4:00-ᖑᐸᑦ, ᐅᒃᑑᐱᕆ 16, 2019

ᖃᐅᔨᑎᑦᓯᓛᕐᑐᒍᑦ ᐱᓇᓱᒐᕐᑖᕋᓱᐊᕐᑐᓂᒃ ᐱᒍᓐᓇᐅᔪᕆᔭᑦᑎᓂᒃ.

 

*ᐃᓕᓴᕐᓂᓕᕆᓂᖅ ᐱᓇᓱᒐᕐᒨᕋᓱᐊᕐᑐᓂᒃ ᖃᐅᔨᓴᕐᑕᐅᑎᑦᓯᒍᓐᓇᑐᖅ ᖃᐅᔨᓴᕐᓂᒧᑦ ᐱᒍᓐᓇᑕᖏᑦᑕ ᐳᕐᑐᓂᖓᓂᒃ.

ᐃᓕᒐᓱᐊᕈᑏᑦ
















  • Accepted file types: pdf.


Back To Top