skip to Main Content
ᐱᓇᓱᒉᑦ ᑲᑎᕕᒃ ᐃᓕᓴᕐᓂᓕᕆᓂᕐᒥ

ᐊᓪᓚᕕᒻᒥ ᐱᓇᓱᑦᑎ – ᐳᕐᑐᓂᕐᐹᖅ / ᑮᓇᐅᑦᔭᓵᓕᕆᕕᒃ (ᐱᓇᓱᕝᕕᑎᓐᓂ ᑭᓯᐊᓂ ᒪᓂᔭᐅᔪᖅ)

ᐱᓇᓱᒐᖅ:

ᐊᓪᓚᕕᒻᒥ ᐱᓇᓱᑦᑎ – ᐳᕐᑐᓂᕐᐹᖅ / ᑮᓇᐅᑦᔭᓵᓕᕆᕕᒃ

ᐊᓪᓚᕕᖓ:

ᐱᓇᓱᑦᑐᓕᕆᕖᑦ ᑮᓇᐅᑦᔭᓵᓕᕆᕖᓪᓗ

ᐱᓇᓱᒐᐅᑉ ᑭᑎᑦᔪᑎᖓ:

OAPCPAY2001-01

ᓇᓃᓐᓂᓴᖓ:

ᒪᓐᑐᔨᐊᓪ

ᖃᓄᐃᑦᑐᑑᓂᖓ:

ᐅᓪᓗᓕᒫᕐᓯᐅᑎ

ᐱᒋᐊᕐᕕᓴᖓᑕ ᐅᓪᓗᖓ:

ᕕᕗᐊᕆ 2020

ᑲᑎᕕᒃ ᐃᓕᓴᕐᓂᓕᕆᓂᖅ ᐃᓕᓴᕐᓂᓕᕆᓂᐅᕗᖅ ᐃᓕᓐᓂᐊᓂᓕᕆᓂᕐᒥᒃ ᐱᑕᖃᕐᑎᓯᑦᓱᓂ ᓄᓇᓕᓐᓂ 14-ᓂᒃ ᓄᓇᕕᒻᒥ

ᐃᓂᖓ ᐱᓇᓱᐊᕆᐊᓕᖏᓪᓗ:

ᑲᒪᔨᖃᕐᓗᓂ ᑐᑭᒧᐊᕐᑎᓯᔨᐅᑉ ᐃᑲᔪᕐᑎᖓᓂᒃ, ᐊᓪᓚᕕᒻᒥ ᐱᓇᓱᑦᑎ ᐳᕐᑐᓂᕐᐹᖅ ᐃᓂᓪᓚᑎᕆᒋᐊᓕᒃ, ᑐᑭᒧᐊᕐᑎᓯᓗᓂ ᑲᒪᒋᔭᖃᕐᓗᓂᓗ ᐊᓪᓚᕕᒻᒥ ᐱᓇᓱᑦᑏᑦ ᐱᓇᓱᐊᕐᑕᖏᓐᓂᒃ, ᑲᒪᒋᔭᖃᕐᓗᓂᓗ ᓈᒻᒪᓈᑦᓯᐊᒪᖔᑕ ᓈᓂᖏᑦ.

  • ᐃᓂᓪᓚᑎᕆᒋᐊᓕᒃ, ᑐᑭᒧᐊᕐᑎᓯᖃᑦᑕᓗᓂ ᑲᒪᒋᔭᖃᖃᑦᑕᓗᓂᓗ ᐊᓪᓚᕕᒻᒥ ᐱᓇᓱᑦᑎᐅᖃᑎᖏᑦᑕ ᐱᓇᓱᐊᕐᑕᖏᓐᓂᒃ;
  • ᐱᓇᓱᑦᑏᑦ ᐊᓪᓚᓯᒪᔪᒃᑯᕕᖏᓐᓂᒃ ᓄᐃᑦᓯᖃᑦᑕᓗᓂ;
  • ᓄᐊᑦᓯᓗᓂ, ᓈᒻᒪᓈᕐᒪᖔᑕ ᑲᒪᒋᔭᖃᖃᑦᑕᓗᓂ ᐊᓪᓚᖃᑦᑕᓗᓂᓗ ᑫᕙᓪᓚᒍᓯᓕᐊᕕᓂᕐᓂᒃ ᐊᒻᒪᓗ ᐱᓇᓱᑦᑏᑦ ᓄᐃᖕᖏᓂᕃᒍᑎᖏᓐᓂᒃ;
  • ᓄᐃᑦᓯᖃᑦᑕᓗᓂ, ᐃᓕᐅᕐᙯᖃᑦᑕᓗᓂ ᑲᒪᖃᑦᑕᓗᓂᓗ ᑮᓇᐅᑦᔭᓵᕆᔦᑦ ᐲᔭᕐᑕᐅᓂᖏᓐᓂᒃ ᐆᑦᑑᑎᒋᓗᒍ (ᑲᕙᒪᒃᑯᓄᑦ ᐁᑦᑑᑎᒋᔭᐅᕆᐊᓕᓐᓂᒃ, ᐃᓪᓗᓄᑦ ᐊᑭᓕᕐᑑᑎᓄᑦ ᐅᕝᕙᓘᓐᓃᑦ ᑮᓇᐅᑦᔭᓵᕗᑦ ᐊᒻᒪᓗ ᐃᓂᕐᕋᔪᓕᕆᕖᑦ);
  • ᐱᓇᓱᑦᑏᑦ ᑮᓇᐅᑦᔭᓵᖏᓐᓂ ᑭᓯᒍᓐᓇᓗᓂ ᐊᑑᑎᕆᐊᖃᓕᕈᓂ;
  • ᐋᕐᕿᓱᐃᕈᓐᓇᓗᓂ ᑐᓴᐅᒪᔭᐅᒋᐊᓕᓐᓂᒃ ᐱᓇᓱᑦᑏᑦ ᐊᓪᓚᓯᒪᔪᒃᑯᕕᖏᓐᓂᒃ;
  • ᐊᐅᓚᑦᓯᔩᑦ ᐱᓇᓱᑦᑏᓗ ᑐᑦᓯᕋᐅᑎᖏᓐᓂᒃ ᑭᐅᖃᑦᑕᓗᓂ ᑮᓇᐅᑦᔭᓵᑦ ᐱᓀᓗᑦᓯᐅᑎᖏᓐᓂᒃ;
  • ᐊᓪᓚᓯᒪᔪᒃᑯᕕᓕᐅᕈᓐᓇᓗᓂ ᐊᓪᓚᖁᑎᓂᒃ;
  • ᐱᓇᓱᑦᑎᓂᒃ ᐃᓕᓐᓂᐊᓯᒪᑎᑦᓯᓯᐊᕐᓗᓂ;
  • ᖃᓄᕐᑑᖃᑦᑕᓗᓂ ᐅᓐᓂᑑᑎᖃᖃᑦᑕᓗᓂᓗ ᐋᕐᕿᒋᐊᕆᐊᓕᓐᓂᒃ ᐊᓪᓚᕕᒻᒥ ᐱᓇᓱᑦᑏᑦ ᐊᐅᓚᑕᐅᓂᖏᓐᓂᒃ;
  • ᐊᓯᖏᓐᓂᓗ ᐱᓇᓱᐊᕈᓐᓇᓗᓂ ᐱᓇᓱᐊᕐᑕᐅᖁᔭᐅᔪᓂᒃ.

ᐱᓇᓱᐊᕈᓐᓇᕆᐊᓕᒃ ᐊᕐᓱᕈᕐᓇᑐᓂᒃ ᐱᔭᑦᓴᒥᓂᒃ; ᓇᕝᕚᕈᓐᓇᓗᓂ, ᐊᑐᐃᓐᓇᕈᕐᑏᓗᓂ ᑲᒪᒍᓐᓇᓗᓂ ᑲᑎᕐᓱᐊᓂᒃ; ᐊᑐᐃᓐᓇᕈᕐᑏᖃᑦᑕᓗᓂ ᐊᓪᓚᖁᑎᓂᒃ ᖃᐅᔨᑎᑦᓯᒍᑎᓂᓪᓗ, ᑲᑎᕐᓱᐊᓂᒃ ᑐᑭᓯᓇᓕᕐᑎᕆᒍᓐᓇᓗᓂ, ᓇᕝᕚᑕᒥᓂᒃ ᐃᓕᓴᕐᓂᓕᕆᓂᐅᑉ ᐃᓗᐊᒍᑦ ᓯᓚᑖᕈᓪᓘᓃᑦ.

ᐱᓇᓱᑦᑎ ᐃᓄᓐᓅᓕᖓᔪᓂᒃ ᐱᓇᓱᐊᕆᐊᓕᒃ ᐱᓇᓱᑦᑎᓅᓕᖓᔪᓂᓪᓗ, ᐊᑭᓕᕐᑕᐅᕈᑎᑦᓴᖏᓐᓂᒃ ᖃᓄᕐᑑᑎᐅᓗᓂ ᐊᓯᖏᓐᓂᓗ ᐱᒍᓐᓇᕆᐊᓕᒥᓂᒃ.

ᐱᓇᓱᑦᑎ ᖃᕆᑕᐅᔭᕈᓐᓇᕆᐊᓕᒃ ᖃᕆᑕᐅᔭᕈᑎᒥᓪᓗ ᐊᑐᖃᑦᑕᓗᓂᓗ ᐱᓇᓱᐊᕆᐊᓕᒥᓂᒃ ᐱᓇᓱᐊᕐᓗᓂ ᐊᓪᓚᖁᑎᓕᐅᕐᓂᒥᒃ, ᑲᑎᕐᓱᐃᕕᓐᓄᑦ ᐃᓕᐅᕐᙯᖃᑦᑕᓗᓂ, ᐊᓪᓚᓯᒪᔪᓕᐅᕐᓗᓂ ᐃᓗᓕᓕᒫᖏᓐᓂᓗ ᐱᓇᓱᐊᕐᑕᓂᒃ; ᖃᕆᑕᐅᔭᒃᑯᑦ ᖃᐅᔨᓴᕈᓐᓇᓗᓂ; ᖃᕆᑕᐅᔭᒃᑯᓗ ᐊᐅᓪᓚᑎᑦᓯᒍᓇᓗᓂ. ᐃᑲᔪᒍᓐᓇᕆᐊᓕᒃ, ᐱᓇᓱᑦᑎᐅᖃᑎᒥᓂᒃ ᖃᕆᑕᐅᔭᕐᒨᓕᖓᔪᓂᒃ ᐱᓇᓱᑦᑏᓗ ᐊᑐᓲᖏᓐᓂᒃ.

ᐱᒍᓐᓇᐅᑎᒋᒋᐊᓕᖏᑦ:

ᐳᕐᑐᓂᕐᓴᖅ 5-ᒥᒃ ᐱᔭᕇᕐᑕᐅᕈᑎᖃᕆᐊᓕᒃ ᐱᓇᓱᐊᕐᓯᒪᓗᓂᓗ 6-ᓂᒃ ᐊᕐᕌᒍᓂ ᐊᑦᔨᐸᓱᖓᓂᒃ

ᐃᓕᓐᓂᐊᓂᓕᕆᓂᖅ ᖁᓛᓂ ᐅᖃᕐᑕᐅᔪᓂᒃ ᐊᑐᖕᖏᑑᑎᑦᓯᒍᓐᓇᑐᖅ ᐱᒍᓐᓇᐅᑎᒋᔭᐅᒋᐊᓕᓐᓂᒃ ᓈᒻᒪᑐᕆᑦᓯᒍᓂ ᐊᖏᖃᑎᒌᓐᓂᒧᑦ ᐃᓚᐅᒍᑎᖃᕐᑐᒥᒃ ᐱᓇᓱᒐᕐᑖᕋᓱᐊᕐᑐᒥᒃ. ᐃᓕᓐᓂᐊᓂᓕᕆᓂᐅᓪᓗ ᐱᒋᐅᕐᓴᑎᑦᓯᒍᑎᖏᓐᓂᒃ ᐃᓚᐅᕕᖃᕋᔭᕐᓂᒥᒃ ᐊᖏᕐᓯᒪᔪᒥᒃ.

ᐊᑐᕈᓐᓇᕆᐊᓕᖏᑦ:

  • ᖃᕆᑕᐅᔭᒨᕐᓯᒍᓐᓇᕆᐊᓕᒃ
  • ᖃᕆᑕᐅᔭᒃᑯᑦ ᐊᑐᕈᓐᓇᕆᐊᓕᒃ Microsoft office software
  • ᒪᕐᕉᓂᒃ ᐱᖓᓱᓂᓪᓘᓃᑦ ᐅᖃᐅᓯᕐᓂᒃ ᐊᑐᕐᑕᐅᓲᓂ ᐃᓕᓴᕐᓂᓕᕆᕕᒻᒥ ᐊᑐᕈᓐᓇᕆᐊᓕᒃ (ᐃᓄᑦᑎᑐᑦ, ᒍᐃᒍᐃᑎᑐᑦ, ᖃᓪᓗᓈᑎᑐᓪᓗ). ᐊᓪᓚᒍᓐᓇᓗᓂ ᐃᓄᑦᑎᑑᒍᓐᓇᓗᓂ ᐱᐅᔪᕆᐊᓪᓚᐅᕋᔭᕐᑐᖅ.
  • ᖃᐅᔨᒪᒋᐊᓕᒃ ᑮᓇᐅᑦᔭᓵᓕᕆᐅᑎᓂ GRICS payroll system.
  • ᐃᒻᒥᓂᕐᓱᕈᓐᓇᕆᐊᓕᒃ

ᐱᓇᓱᒐᖓᑕ ᑌᔭᐅᓂᖓ / ᑮᓇᐅᑦᔭᓵᖏᑦ / ᐃᓱᕐᕉᑎᑦᓴᖏᓪᓗ:

ᐊᖏᖃᑎᒌᓐᓂᒦᑦᑐᐃᑦ ᒪᓕᑦᓱᒋᑦ AENQ – ᑯᑎᒍᑦ ᐱᓇᓱᑦᑎᑐᐃᓐᓇᒨᓕᖓᔪᑦ / ᐱᒋᐊᕐᓗᑎᒃ $21.62 ᐅᕗᖓ $26.47 ᐃᑲᐅᕐᓂᑕᒫᑦ ᐱᔪᓐᓇᓂᖓ ᒪᓕᓪᓗᒍ

ᑮᓇᐅᑦᔭᓵᖏᓐᓄᑦ ᐃᓚᐅᑎᓪᓗᒍ ᐅᑯᓂᖓ ᐱᕙᓪᓕᖁᑎᑖᕈᓐᓇᒥᔪᖅ:

  • 20 ᐅᓪᓗᐃᑦ ᑕᙯᕐᓯᕖᑦ ᐊᕐᕌᒍᑕᒫᑦ
  • ᐱᓇᓱᐊᕈᓰᓐᓂ ᒪᕐᕉᓂ ᖁᕕᐊᓱᕝᕕᓯᐅᕐᓂᖅ

ᒪᑯᓂᖓᓗ ᐱᕙᓪᓕᖁᑎᑖᕈᓐᓇᓱᓂ:

  • ᐅᐱᕐᖔᓯᐅᑎᓂᒃ ᑫᕙᓪᓚᒍᓯᖃᕐᓂᖅ
  • ᐃᓪᓗᖃᕐᓂᖅ
  • ᐅᑭᐅᕐᑕᑐᒥᐅᖑᓂᕐᒧᑦ ᐊᑭᓕᕐᑕᐅᒋᐊᓪᓛᕈᑏᑦ
  • ᐊᓂᕐᕋᑫᓐᓇᓂᕐᒧᑦ ᖃᖓᑦᑕᐅᑏᑦ
  • ᓂᕿᓂᒃ ᖃᖓᑦᑕᔫᒃᑯᑦ ᑎᑭᓭᓃᑦ   

ᐱᕙᓪᓕᖁᑎᑖᕈᑎᓕᒫᑦ ᐱᖃᕐᑎᑕᐅᔪᑦ ᑐᖕᖓᕕᒋᑦᓱᒋᑦ ᐱᔭᑦᓴᖏᑦᑕ ᐳᓴᓐᑎᖏᑦ.

ᐃᓱᓕᕝᕕᓴᖓ ᐱᓇᓱᒐᕐᑖᕋᓱᐊᕐᓂᐅᑉ: 4:00-ᖑᐸᑦ, ᕕᕗᐊᕆ 5, 2020

ᖃᐅᔨᑎᑦᓯᓛᕐᑐᒍᑦ ᐱᓇᓱᒐᕐᑖᕋᓱᐊᕐᑐᓂᒃ ᐱᒍᓐᓇᐅᔪᕆᔭᑦᑎᓂᒃ.

 

*ᐃᓕᓴᕐᓂᓕᕆᓂᖅ ᐱᓇᓱᒐᕐᒨᕋᓱᐊᕐᑐᓂᒃ ᖃᐅᔨᓴᕐᑕᐅᑎᑦᓯᒍᓐᓇᑐᖅ ᖃᐅᔨᓴᕐᓂᒧᑦ ᐱᒍᓐᓇᑕᖏᑦᑕ ᐳᕐᑐᓂᖓᓂᒃ.

Back To Top