skip to Main Content
ᐱᓇᓱᒉᑦ ᑲᑎᕕᒃ ᐃᓕᓴᕐᓂᓕᕆᓂᕐᒥ

ᓯᖁᒥᓯᒪᔪᕐᓂᐊᑎᓂᒃ ᑲᒪᔨᒻᒪᕆᒃ (ᑕᓯᐅᔭᕐᔪᐊᒥ)

ᐱᓇᓱᒐᖅ:

ᓯᖁᒥᓯᒪᔪᕐᓂᐊᑎᓂᒃ ᑲᒪᔨᒻᒪᕆᒃ (ᑕᓯᐅᔭᕐᔪᐊᒥ)

ᐊᓪᓚᕕᖓ:

ᐱᖁᑎᓕᕆᕕᒃ

ᐱᓇᓱᒐᐅᑉ ᑭᑎᑦᔪᑎᖓ:

MAINTMANAGER1911-02

ᓇᓃᓐᓂᓴᖓ:

ᐳᕕᕐᓂᑐᖅ

ᖃᓄᐃᑦᑐᑑᓂᖓ:

ᐊᑕᔪᒥᒃ ᐱᓇᓱᒐᖅ ᑫᕙᓪᓚᒍᓯᖏᑦ ᐃᓗᐃᑦᑐᐃᑦ

ᐱᒋᐊᕐᕕᓴᖓᑕ ᐅᓪᓗᖓ:

ᔮᓄᐊᕆ 2020

ᑲᑎᕕᒃ ᐃᓕᓴᕐᓂᓕᕆᓂᖅ ᐃᓕᓴᕐᓂᓕᕆᓂᐅᕗᖅ ᐃᓕᓐᓂᐊᓂᓕᕆᓂᕐᒥᒃ ᐱᑕᖃᕐᑎᓯᑦᓱᓂ ᓄᓇᓕᓐᓂ 14-ᓂᒃ ᓄᓇᕕᒻᒥ

ᐃᓂᖓ ᐱᓇᓱᐊᕆᐊᓕᖏᓪᓗ:

ᑕᓯᐅᔭᕐᔪᐊᒥ ᓯᖁᒥᓯᒪᔪᕐᓂᐊᑎᓂᒃ ᐊᐅᓚᑦᓯᔨ ᑲᒪᒋᔭᑦᓴᔭᓕᒃ ᐱᓪᓗᑯᒋᐊᓕᓕᕆᔭᐅᓂᖏᓐᓂᒃ, ᐊᐅᓚᑦᓯᓂᓕᕆᒍᑎᖏᓐᓂᒃ ᐱᓇᓱᐊᕐᑕᖏᓐᓂᓗ ᐱᓇᓱᐊᒍᑕᐅᕆᐊᓕᓐᓂᒃ ᐊᐅᓚᑕᐅᒍᑎᖃᕐᓂᖏᑦᑕ ᐃᒻᒥᒎᕐᑐᑦ ᐃᓪᓗᓂᒃ ᓯᖁᒥᓯᒪᔪᓂᕐᐊᑏᑦ, ᓴᓗᒻᒪᓭᔩᑦ ᐱᐅᓕᓂᐊᒉᑦ ᓄᓇᖁᑏᑦ, ᓄᑕᐅᓯᓕᕐᑎᕆᒍᑏᑦ, ᐃᑯᒪᖃᕈᑏᑦ ᓱᓇᒐᓚᖃᐅᑎᐅᓪᓗ ᐊᐅᓚᑕᐅᓂᖓᓂᒃ, ᐱᓇᓱᑦᑏᑦ ᐱᒋᐅᕐᓴᔭᐅᓂᖓᓂᒃ ᐱᖁᑎᒋᔭᐅᔪᐃᓪᓗ ᐊᐅᓚᑕᐅᓂᖏᓐᓂᒃ ᐅᑯᓄᖓ ᓄᓇᓕᓐᓄ: ᑰᒃᔪᐊᕌᐱᒃ, ᐅᒥᐅᔭᖅ, ᐳᕕᕐᓂᑐᖅ, ᐊᑯᓕᕕᒃ, ᐃᕗᔨᕕᒃ.

  • ᓯᖁᒥᓯᒪᔪᕐᓂᐊᑏᑦ ᐱᓇᓱᐊᕆᓕᐊᖏᓐᓂᒃ ᓱᒃᑯᐊᕿᑦᑌᓕᓂᕐᒧᑦ ᐃᓪᓗᓕᕆᓂᕐᒧᓗ ᐊᑐᓕᕐᑎᓯᔨᐅᓗᓂ,
  • ᓄᑕᐅᓯᓕᕐᑕᐅᒋᐊᓕᓐᓂᒃ ᐅᓇᑕᒡᒑᑎᐅᓗᓂ ᐊᑭᒋᓂᐊᕐᑕᖏᓐᓂᓗ ᒥᑦᓴᐅᓴᕐᑎᐅᓗᓂ, ᐱᓇᓱᐊᕐᑕᐅᓂᐊᕐᑐᑦ ᐱᐅᓕᓂᐊᒐᕐᑕᖏᓐᓂᒃ ᑲᒪᔨᐅᓗᓂ ᐱᓇᓱᐊᕐᑐᓂᓪᓗ ᐃᑉᐱᒍᓱᑦᑎᐅᓗᓂ.
  • ᐊᕐᕌᒍᑕᒫᑦ ᐅᒥᐊᕐᔪᐊᑰᕐᑐᓴᓕᕆᔨᐅᓗᓂ ᐱᖁᑎᓕᕆᓂᕐᒨᓕᖓᔪᓂᒃ ᐊᒻᒪᓗ ᓄᑕᐅᓯᓕᕐᑎᕆᔪᑦ ᐱᓇᓱᒍᑎᑦᓴᖏᓐᓂᒃ.
  • ᐃᓪᓗᓕᒫᓂᒃ ᖃᓄᐃᓕᖓᓂᖏᓐᓂᒃ ᖃᐅᔨᒪᒐᓱᐊᕐᑎᐅᓗᓂ ᐱᐅᓕᓂᐊᒐᕐᑎᒍᑦ ᓴᓇᔭᐅᓯᒪᓂᖏᑎᒍᓪᓗ
  • ᐊᑐᓕᕐᑎᓯᔨᐅᓗᓂ ᑲᒪᔨᐅᓗᓂᓗ ᓱᓇᒐᓚᖃᐅᑎᐅᑉ ᐊᐅᓚᑕᐅᓂᖓᓂᒃ ᐱᐅᓕᓂᐊᒐᕐᑕᖏᑦᑕᓗ ᐊᐅᓚᑕᐅᓂᖏᓐᓂᒃ
  • ᑕᓯᐅᔭᕐᔪᐊᒥ ᓄᓇᓕᓐᓄᑦ ᐊᕐᕕᑕᕆᐊᖃᖃᑦᑕᕋᔭᕐᑐᖅ ᐱᓇᓱᐊᕐᑕᐅᔪᓂᒃ ᑲᒪᒋᐊᕐᑐᓗᓂ ᐱᖁᑎᓕᕆᕕᐅᓪᓗ ᑐᑭᒧᐊᑦᑎᓯᔨᖓᑕ ᐃᑲᔪᕐᑎᖓᓄᑦ ᑎᓕᔨᒍᑎᖏᓐᓂᒃ ᐱᓇᓱᐊᕐᐸᓗᓂ.
  • ᐱᓇᓱᑦᑎᓄᑦ ᐃᑉᐱᒍᓱᑦᑎᐅᓗᓂ ᓇᐅᑦᓯᑐᕐᑎᐅᓗᓂᓗ ᓯᖁᒥᓯᒪᔪᕐᓂᐊᓂᕐᒨᓕᖓᔪᓂᒃ.
  • ᐃᓕᓐᓂᐊᕕᓐᓂ ᐊᐅᓚᑦᓯᓂᓕᕆᔨᓄᑦ ᓴᐳᒻᒥᔨᐅᓗᓂ ᐱᖁᑎᓕᕆᓂᕐᒧᑦ, ᐱᓇᓱᑦᑎᓕᕆᓂᕐᒧᑦ, ᒪᓕᒉᑦ ᐊᑐᕐᑎᑕᐅᓂᖏᓐᓄᑦ ᐃᑯᐊᓪᓚᑐᖃᓯᓐᓂᐸᑦ ᐊᑐᕐᑕᐅᒋᐊᓕᓐᓂᒃ.
  • ᐱᓇᓱᐊᕈᑎᐅᔪᓄᑦ ᐱᑐᑦᓯᒪᑎᓪᓗᒋᑦ ᐱᖁᑎᓕᕆᕕᐅᑉ ᐃᖏᕐᕋᑎᑦᓯᒍᑎᐅᔪᓂᒃ ᑮᓇᐅᔦᑦ ᑐᕌᒐᖏᓐᓂ ᑲᒪᔨᐅᓗᓂ.
  • ᐱᓇᓱᑦᑎᓄᑦ ᐱᒍᓐᓇᐅᑎᒋᔭᐅᒋᐊᓕᓕᒫᓂᒃ ᐱᑕᖃᙱᑐᓄᑦ ᐱᒋᐅᕐᓴᔭᐅᓂᖏᓐᓂᒃ ᑲᒪᔨᐅᓗᓂ.
  • ᐊᓯᖏᓐᓂᓗ ᑎᓕᔭᐅᖑᑎᒥᓂᒃ ᐱᓇᓱᐊᕐᓗᓂ.

ᐱᒍᓐᓇᐅᑎᒋᒋᐊᓕᖏᑦ:

  • ᐳᕐᑐᓂᕐᓴᒋᐊᓪᓚᒥᒃ ᑕᒪᑐᒧᖓᐅᓕᖓᔪᓂᒃ ᐃᓕᓐᓂᐊᓯᒪᓂᖃᕐᓗᓂ
  • ᓯᕗᓪᓕᐅᔭᐅᒐᔭᕐᑐᖅ ᐃᓕᑕᕆᔭᐅᒍᑎᓕᒻᒥᒃ ᐱᔪᓐᓇᑎᓕᒃ ᐅᕐᖂᓯᓴᐅᑎᓂᒃ ᐅᕐᓱᐊᓗᑦᑐᑐᓂᒃ ᐱᓇᓱᐊᕈᓐᓇᑐᖅ.
  • ᐊᕐᕌᒍᓂᒃ ᐱᖓᓲᔪᕐᑐᓂᒃ (6) ᐱᓇᓱᐊᕐᓯᒪᓂᖃᕐᓗᓂ
  • ᐅᕝᕙᓗᓐᓃᑦ
  • ᐱᒍᓐᓇᐅᑎᖃᕐᓗᓂ ᑕᒪᑐᒥᖓ ᐱᓇᓱᐊᕐᓂᒥᒃ
  • ᐊᕐᕌᒍᓂᓪᓗ ᖁᓕᓂᒃ (10) ᐱᓇᓱᐊᕐᓯᒪᓂᖃᕐᓗᓂ.

ᐃᓕᓐᓂᐊᓂᓕᕆᓂᖅ ᖁᓛᓂ ᐅᖃᕐᑕᐅᔪᓂᒃ ᐊᑐᖕᖏᑑᑎᑦᓯᒍᓐᓇᑐᖅ ᐱᒍᓐᓇᐅᑎᒋᔭᐅᒋᐊᓕᓐᓂᒃ ᓈᒻᒪᑐᕆᑦᓯᒍᓂ ᐊᖏᖃᑎᒌᓐᓂᒧᑦ ᐃᓚᐅᒍᑎᖃᕐᑐᒥᒃ ᐱᓇᓱᒐᕐᑖᕋᓱᐊᕐᑐᒥᒃ. ᐃᓕᓐᓂᐊᓂᓕᕆᓂᐅᓪᓗ ᐱᒋᐅᕐᓴᑎᑦᓯᒍᑎᖏᓐᓂᒃ ᐃᓚᐅᕕᖃᕋᔭᕐᓂᒥᒃ ᐊᖏᕐᓯᒪᔪᒥᒃ.

ᐊᑐᕈᓐᓇᕆᐊᓕᖏᑦ:

  • ᓄᓇᒃᑰᔫᒥᒃ ᐊᖁᒍᓐᓇᐅᑎᖃᕆᐊᓕᒃ.
  • ᐱᒍᓐᓇᓯᐊᕐᑕᖃᕐᓗᓂ ᒪᕐᕈᔪᐊᓂᓪᓘᓃᑦ ᐃᓕᓐᓂᐊᓂᓕᕆᓂᐅᑉ ᐅᖃᐅᓯᕐᑕᕆᓲᖏᓐᓂᒃ ᐱᖓᓱᓂᑦ (ᐃᓄᒃᑎᑐᑦ, ᐅᐃᒍᐃᑎᑐᑦ ᖃᓪᓗᓈᑎᑐᓪᓗ)

ᐱᓇᓱᒐᖓᑕ ᑌᔭᐅᓂᖓ / ᑮᓇᐅᑦᔭᓵᖏᑦ / ᐃᓱᕐᕉᑎᑦᓴᖏᓪᓗ:

ᐳᕐᑐᓂᖓ 6* ᒪᓕᑦᓱᒋᑦ ᑲᑎᕕᒃ ᐃᓕᓐᓂᐊᓂᓕᕆᓂᐅᑉ ᐱᓇᓱᒐᖃᕐᓂᒥ ᖃᓄᐃᑦᑐᒦᓐᓂᖃᕈᑎᖏᑦ ᐊᐅᓚᑦᓯᓂᓕᕆᔩᑦ: $74,250-ᓂᑦ $98,997-ᓄᑦ ᑎᑭᐅᑎᒍᓐᓇᑐᑦ ᐱᒍᓐᓇᐅᑎᒋᒋᐊᓕᖏᑦ ᐱᓇᓱᐊᕐᓯᒪᓂᖏᓪᓗ ᑐᙵᕕᒋᓗᒋᑦ.

ᑮᓇᐅᑦᔭᓵᖏᓐᓄᑦ ᐃᓚᐅᑎᓪᓗᒍ ᐅᑯᓂᖓ ᐱᕙᓪᓕᖁᑎᑖᕈᓐᓇᒥᔪᖅ:

  • 25 ᐅᓪᓗᐃᑦ ᐊᕐᕌᒍᑕᒫᑦ ᑭᑲᕈᑏᑦ
  • ᖁᓕᓐᓄᑦ ᐅᓪᓗᓄᑦ ᑎᑭᑦᑐᑦ ᐅᓪᓗᐃᑦ ᕿᑲᑫᓐᓇᕆᐊᖃᕐᓂᒧᑦ ᖃᓂᒪᔪᕕᓂᐅᓗᓂ
  • ᒪᕐᕉᓂᒃ ᐱᓇᓱᐊᕈᓰᓐᓂᒃ ᕿᑲᕐᓇᓯᐅᕐᓇᐅᓂᖓᓂ

ᒪᑯᓂᖓᓗ ᐱᕙᓪᓕᖁᑎᑖᕈᓐᓇᓱᓂ:

  • ᐅᐱᕐᖔᓯᐅᑎᓂᒃ ᑫᕙᓪᓚᒍᓯᖃᕐᓂᖅ
  • ᐃᓪᓗᖃᕐᓂᖅ
  • ᐅᑭᐅᕐᑕᑐᒥᐅᖑᓂᕐᒧᑦ ᐊᑭᓕᕐᑕᐅᒋᐊᓪᓛᕈᑏᑦ
  • ᐊᓂᕐᕋᑫᓐᓇᓂᕐᒧᑦ ᖃᖓᑦᑕᐅᑏᑦ
  • ᓂᕿᓂᒃ ᖃᖓᑦᑕᔫᒃᑯᑦ ᑎᑭᓭᓃᑦ   

ᐱᕙᓪᓕᖁᑎᑖᕈᑎᓕᒫᑦ ᐱᖃᕐᑎᑕᐅᔪᑦ ᑐᖕᖓᕕᒋᑦᓱᒋᑦ ᐱᔭᑦᓴᖏᑦᑕ ᐳᓴᓐᑎᖏᑦ.

ᐃᓱᓕᕝᕕᓴᖓ ᐱᓇᓱᒐᕐᑖᕋᓱᐊᕐᓂᐅᑉ: 4:00-ᖑᐸᑦ, ᓅᕕᒻᐱᕆ 26, 2019

ᖃᐅᔨᑎᑦᓯᓛᕐᑐᒍᑦ ᐱᓇᓱᒐᕐᑖᕋᓱᐊᕐᑐᓂᒃ ᐱᒍᓐᓇᐅᔪᕆᔭᑦᑎᓂᒃ.

 

*ᐃᓕᓴᕐᓂᓕᕆᓂᖅ ᐱᓇᓱᒐᕐᒨᕋᓱᐊᕐᑐᓂᒃ ᖃᐅᔨᓴᕐᑕᐅᑎᑦᓯᒍᓐᓇᑐᖅ ᖃᐅᔨᓴᕐᓂᒧᑦ ᐱᒍᓐᓇᑕᖏᑦᑕ ᐳᕐᑐᓂᖓᓂᒃ.

ᐃᓕᒐᓱᐊᕈᑏᑦ



  • Accepted file types: pdf.


Back To Top