skip to Main Content
ᐱᓇᓱᒉᑦ ᑲᑎᕕᒃ ᐃᓕᓴᕐᓂᓕᕆᓂᕐᒥ

ᐃᓕᓐᓂᐊᓂᕐᒥ ᖃᐅᔨᒪᔨ – ᐃᓄᑦᑎᑐᑦ ᐃᓕᓐᓂᐊᕈᑎᑦᓴᓕᐅᕐᑎ

ᐱᓇᓱᒐᖅ:

ᐃᓕᓐᓂᐊᓂᕐᒥ ᖃᐅᔨᒪᔨ – ᐃᓄᑦᑎᑐᑦ ᐃᓕᓐᓂᐊᕈᑎᑦᓴᓕᐅᕐᑎ

ᐊᓪᓚᕕᖓ:

ᐃᓄᑦᑎᑐᑦ ᐃᓕᓐᓂᐊᕈᑎᑦᓴᓕᐅᕐᕕᒃ – ᐃᓕᓐᓂᐊᑐᓕᕆᕕᒃ

ᐱᓇᓱᒐᐅᑉ ᑭᑎᑦᔪᑎᖓ:

INUKCURRDEV2001-04

ᓇᓃᓐᓂᓴᖓ:

ᐊᖏᕐᕋᖅ ᓄᓇᕕᒻᒥ ᓄᓇᓕᒻᒥ (ᐅᖓᕙᒻᒥ)

ᖃᓄᐃᑦᑐᑑᓂᖓ:

ᐅᓪᓗᓕᒫᕐᓯᐅᑎ ᐊᑌᓐᓇᑐᖅ

ᐱᒋᐊᕐᕕᓴᖓᑕ ᐅᓪᓗᖓ:

ᕕᑉ ᕗᐊᕆ 2020

ᑲᑎᕕᒃ ᐃᓕᓴᕐᓂᓕᕆᓂᖅ ᐃᓕᓴᕐᓂᓕᕆᓂᐅᕗᖅ ᐃᓕᓐᓂᐊᓂᓕᕆᓂᕐᒥᒃ ᐱᑕᖃᕐᑎᓯᑦᓱᓂ ᓄᓇᓕᓐᓂ 14-ᓂᒃ ᓄᓇᕕᒻᒥ

ᐃᓂᖓ ᐱᓇᓱᐊᕆᐊᓕᖏᓪᓗ:

ᐱᓇᓱᒐᖓ ᐃᓕᓐᓂᐊᓂᕐᒥ ᖃᐅᔨᒪᔨᐅᑉ ᐃᓕᓐᓂᐊᕈᑎᑦᓴᓕᐅᕐᕕᒥ ᐊᖓᔪᕐᖄᖃᓲᖅ ᐃᑲᔪᕐᑎᖓᓂᒃ ᑐᑭᒧᐊᑦᑎᓯᔨᐅᑉ ᐃᓄᑦᑎᑐᑦ ᐅᖃᐅᓯᕐᒥ ᐃᓕᓐᓂᐊᕈᑎᑦᓴᓕᐅᕐᕕᐅᑉ ᐱᓇᓱᕝᕕᖓᓂ. ᐃᓕᓐᓂᐊᕈᑎᑦᓴᓕᐅᕐᑎ ᓯᕗᓪᓕᐹᒥ ᐃᑲᔪᕐᑎᐅᒋᐊᓕᒃ ᐃᑲᔪᕐᑎᖓᓄᑦ ᑐᑭᒧᐊᑦᑎᓯᔨᐅᑉ ᐊᒻᒪᓗ ᐊᓯᖏᓐᓄᑦ ᐃᓕᓐᓂᐊᓂᕐᒥ ᖃᐅᔨᒪᔨᓄᑦ ᐊᑕᐅᑦᓯᑰᕐᑎᓯᓂᕐᒥ ᖃᐅᔨᓴᐅᑎᓄᑎ, ᖃᐅᔨᓴᕐᓂᒧᑦ, ᐃᑲᔪᕐᑎᐅᓂᕐᒧᑦ ᐊᒻᒪᓗ ᐋᕐᕿᓱᐃᓂᕐᒧᑦ ᐃᓕᓐᓂᐊᕆᐊᖕᖓᑐᓂᑦ ᐳᕐᑐᓂᕐᓴᒧᑦ 5-ᒧᑦ ᑎᑭᑦᑐᓂᒃ ᐃᓕᓐᓂᐊᑕᐅᔪᑦᓴᓂᒃ ᐊᑦᔨᒌᖕᖏᑐᓂ ᐃᓕᓐᓂᐊᑕᐅᓲᓂ ᐃᓄᑦᑎᑐᑦ ᐃᓕᓐᓂᐊᓱᑎᒃ.

  • ᓄᐃᑕᐅᓂᖏᓐᓄᑦ ᐊᒻᒪᓗ ᓄᑕᐅᓯᓕᑎᕆᓂᕐᒧᑦ ᐃᓕᓐᓂᐊᑎᑦᓯᔩᑦ ᒪᓕᒐᖏᓐᓂᒃ ᐊᒻᒪᓗ ᐃᓕᓐᓂᐊᑏᑦ ᐃᓕᓐᓂᐊᕈᑎᖏᓐᓂᒃ;
  • ᖃᐅᔨᓴᕐᓂᖅ ᐊᒻᒪᓗ ᖃᐅᔨᓴᕐᕈᑎᓂᒃ ᐃᓕᓐᓂᐊᑎᓂᒃ;
  • ᐱᑕᖃᕐᑎᓯᓗᓂ ᐱᒋᐅᕐᓴᑎᑦᓯᓂᕐᒥ ᑲᑎᒪᓂᐊᕈᓯᓂᒃ ᓄᑖᓄᑦ ᐃᓕᓐᓂᐊᓂᕐᒧᑦ ᐃᓕᓐᓂᐊᕈᑎᓂᒃ;
  • ᐃᓚᐅᓗᓂ ᐱᒍᓐᓇᐅᑎᓄᑦ ᐋᕐᕿᓱᐃᓂᕐᒧᑦ ᐃᓕᓐᓂᐊᑕᐅᓲᓂᒃ ᐊᒻᒪᓗ ᑲᑎᒪᓂᐊᕈᓯᕐᓂᒃ;
  • ᐊᐅᓪᓚᑲᑕᒋᐊᓕᒃ ᓄᓇᕕᓕᒫᒥ
  • ᐊᓯᓕᒫᖏᓐᓂᒃ ᑖᑦᓱᒧᖓ ᐱᓇᓱᒐᕐᒨᓕᖓᔪᓂᒃ ᐊᑐᕐᑕᐅᖁᔭᐅᔪᓂᒃ ᐃᑲᔪᕐᑎᖓᓄᑦ ᑐᑭᒧᐊᑦᑎᓯᔨᐅᑉ.

ᐱᒍᓐᓇᐅᑎᒋᒋᐊᓕᖏᑦ:

ᓯᕗᓪᓕᐹᒥ ᐳᕐᑐᓂᕐᒥ ᐃᓕᓐᓂᐊᕕᕐᔪᐊᒥ ᐱᔭᕇᕈᑎᖃᕐᓗᓂ ᑖᑦᓱᒧᖕᖓᓕᖓᔪᓂᒃ ᐱᒍᓐᓇᐅᑎᖃᕐᓗᓂ.

ᐃᓕᓐᓂᐊᓂᓕᕆᓂᖅ ᖁᓛᓂ ᐅᖃᕐᑕᐅᔪᓂᒃ ᐊᑐᖕᖏᑑᑎᑦᓯᒍᓐᓇᑐᖅ ᐱᒍᓐᓇᐅᑎᒋᔭᐅᒋᐊᓕᓐᓂᒃ ᓈᒻᒪᑐᕆᑦᓯᒍᓂ ᐊᖏᖃᑎᒌᓐᓂᒧᑦ ᐃᓚᐅᒍᑎᖃᕐᑐᒥᒃ ᐱᓇᓱᒐᕐᑖᕋᓱᐊᕐᑐᒥᒃ. ᐃᓕᓐᓂᐊᓂᓕᕆᓂᐅᓪᓗ ᐱᒋᐅᕐᓴᑎᑦᓯᒍᑎᖏᓐᓂᒃ ᐃᓚᐅᕕᖃᕋᔭᕐᓂᒥᒃ ᐊᖏᕐᓯᒪᔪᒥᒃ.

ᐊᑐᕈᓐᓇᕆᐊᓕᖏᑦ:

  • ᐱᖓᓱᓂᒃ ᑕᓪᓕᒪᒧᑦ ᐊᕐᕌᒍᓂᒃ ᐱᓇᓱᐊᕐᓯᒪᓗᓂ ᑖᑦᓱᒧᖕᖓᓕᖓᔪᓂᒃ
  • ᐅᖓᕙᒻᒥᐅᑦ ᐅᖄᒍᓯᖓᓂᒃ ᖃᐅᔨᒪᑦᓯᐊᕆᐊᓕᒃ ᐃᓄᑦᑎᑐᑦ ᐊᒻᒪᓗ ᐊᑕᐅᓯᒋᐊᓪᓚᒥᒃ ᐅᖃᐅᓯᖓᓂᒃ ᐃᓕᓴᕐᓂᓕᕆᓂᐅᑉ (ᐅᐃᒍᐃᑎᑐᑦ ᐅᕝᕙᓘᓐᓃᑦ ᖃᓪᓗᓈᑎᑐᑦ).

ᐱᓇᓱᒐᖓᑕ ᑌᔭᐅᓂᖓ / ᑮᓇᐅᑦᔭᓵᖏᑦ / ᐃᓱᕐᕉᑎᑦᓴᖏᓪᓗ:

ᒪᓕᑦᓱᒋᑦ ᐱᓇᓱᒍᑦᔨᓂᕐᒧᑦ ᐊᖏᕐᓯᒪᐅᑎᖏᑦ ᐱᓇᓱᑦᑎᑐᐃᓐᓀᑦ ᐱᓇᓱᑦᑏᓗ ᑲᑐᑦᔨᖃᑎᒌᓐᓂᖏᑦ ᑯᐯᑉ ᑕᕐᕋᖓᓂ / $46,114-ᒥᑦ $82,585-ᒧᑦ ᑎᑭᐅᑎᒍᓐᓇᑐᑦ ᐊᕐᕌᒍᑕᒫᑦ ᐱᒍᓐᓇᐅᑎᖏᑦ ᐱᓇᓱᐊᕐᓯᒪᓂᖏᓪᓗ ᒪᓕᑦᓱᒋᑦ.

ᑮᓇᐅᑦᔭᓵᖏᓐᓄᑦ ᐃᓚᐅᑎᓪᓗᒍ ᐅᑯᓂᖓ ᐱᕙᓪᓕᖁᑎᑖᕈᓐᓇᒥᔪᖅ:

  • 20 ᐅᓪᓗᐃᑦ ᑕᙯᕐᓯᕖᑦ ᐊᕐᕌᒍᑕᒫᑦ
  • ᐱᓇᓱᐊᕈᓰᓐᓂ ᒪᕐᕉᓂ ᖁᕕᐊᓱᕝᕕᓯᐅᕐᓂᖅ

ᒪᑯᓂᖓᓗ ᐱᕙᓪᓕᖁᑎᑖᕈᓐᓇᓱᓂ:

  • ᐅᐱᕐᖔᓯᐅᑎᓂᒃ ᑫᕙᓪᓚᒍᓯᖃᕐᓂᖅ
  • ᐃᓪᓗᖃᕐᓂᖅ
  • ᐅᑭᐅᕐᑕᑐᒥᐅᖑᓂᕐᒧᑦ ᐊᑭᓕᕐᑕᐅᒋᐊᓪᓛᕈᑏᑦ
  • ᐊᓂᕐᕋᑫᓐᓇᓂᕐᒧᑦ ᖃᖓᑦᑕᐅᑏᑦ
  • ᓂᕿᓂᒃ ᖃᖓᑦᑕᔫᒃᑯᑦ ᑎᑭᓭᓃᑦ   

ᐱᕙᓪᓕᖁᑎᑖᕈᑎᓕᒫᑦ ᐱᖃᕐᑎᑕᐅᔪᑦ ᑐᖕᖓᕕᒋᑦᓱᒋᑦ ᐱᔭᑦᓴᖏᑦᑕ ᐳᓴᓐᑎᖏᑦ.

ᐃᓱᓕᕝᕕᓴᖓ ᐱᓇᓱᒐᕐᑖᕋᓱᐊᕐᓂᐅᑉ: 4:00-ᖑᐸᑦ, ᔮᓄᐊᕆ 24, 2020

ᖃᐅᔨᑎᑦᓯᓛᕐᑐᒍᑦ ᐱᓇᓱᒐᕐᑖᕋᓱᐊᕐᑐᓂᒃ ᐱᒍᓐᓇᐅᔪᕆᔭᑦᑎᓂᒃ.

 

*ᐃᓕᓴᕐᓂᓕᕆᓂᖅ ᐱᓇᓱᒐᕐᒨᕋᓱᐊᕐᑐᓂᒃ ᖃᐅᔨᓴᕐᑕᐅᑎᑦᓯᒍᓐᓇᑐᖅ ᖃᐅᔨᓴᕐᓂᒧᑦ ᐱᒍᓐᓇᑕᖏᑦᑕ ᐳᕐᑐᓂᖓᓂᒃ.

Back To Top