skip to Main Content
ᐱᓇᓱᒉᑦ ᑲᑎᕕᒃ ᐃᓕᓴᕐᓂᓕᕆᓂᕐᒥ

ᐃᓕᓐᓂᐊᕈᑎᓅᓕᖓᔪᓄᑦ ᐃᑲᔪᕐᑎ ᖃᕆᑕᐅᔭᒃᑰᑐᓂᒃ ᐃᓕᓐᓂᐊᕈᑎᓂᒃ – ᐅᖃᐅᓯᐅᑉ ᐁᑉᐱᐅᑎᖓᓂ

ᐱᓇᓱᒐᖅ:

ᐃᓕᓐᓂᐊᕈᑎᓅᓕᖓᔪᓄᑦ ᐃᑲᔪᕐᑎ ᖃᕆᑕᐅᔭᒃᑰᑐᓂᒃ ᐃᓕᓐᓂᐊᕈᑎᓂᒃ – ᐅᖃᐅᓯᐅᑉ ᐁᑉᐱᐅᑎᖓᓂ

ᐊᓪᓚᕕᖓ:

ᐃᓕᓐᓂᐊᕈᑎᓕᕆᕕᒃ

ᐱᓇᓱᒐᐅᑉ ᑭᑎᑦᔪᑎᖓ:

EDUCONTECH1910-03

ᓇᓃᓐᓂᓴᖓ:

ᑰᑦᔪᐊᖅ

ᖃᓄᐃᑦᑐᑑᓂᖓ:

ᐅᓪᓗᓕᒫᕐᑐᒥᒃ ᐊᑌᓐᓇᑐᒥᒃ ᐱᓇᓱᒐᖅ

ᐱᒋᐊᕐᕕᓴᖓᑕ ᐅᓪᓗᖓ:

ᓇᑦᔪᐃᔭᕐᕕᒃ 2019

ᑲᑎᕕᒃ ᐃᓕᓴᕐᓂᓕᕆᓂᖅ ᐃᓕᓴᕐᓂᓕᕆᓂᐅᕗᖅ ᐃᓕᓐᓂᐊᓂᓕᕆᓂᕐᒥᒃ ᐱᑕᖃᕐᑎᓯᑦᓱᓂ ᓄᓇᓕᓐᓂ 14-ᓂᒃ ᓄᓇᕕᒻᒥ

ᐃᓂᖓ ᐱᓇᓱᐊᕆᐊᓕᖏᓪᓗ:

ᐊᖓᔪᕐᖄᖃᕐᓗᓂ ᑐᑭᒧᐊᑦᑎᓯᔨᐅᑉ ᐃᑲᔪᕐᑎᖓᓂᒃ ᐅᖃᐅᓯᐅᑉ ᐁᑉᐱᐅᑎᖓᓂ ᐃᓕᓐᓂᐊᕈᑎᑦᓴᓕᐅᕐᓂᒥ, ᐱᓇᓱᒐᕐᒥ ᐱᔭᑦᓴᖁᑎᓕᒃ ᑲᒪᒋᔭᑦᓴᖃᕐᓂᒥᒃ ᐊᔪᖀᒋᐊᖃᑦᑕᓂᕐᒥᒃ ᓴᐳᑦᔨᓯᒪᓂᕐᒥᓗ ᐃᓕᓐᓂᐊᕕᓐᓄᑦ ᐊᑐᓕᕐᑎᑕᐅᓂᖏᓐᓂ, ᐱᖕᖑᑎᑕᐅᓂᖏᓐᓂ ᓇᐅᑦᓯᑐᕐᑕᐅᓂᖏᓐᓂᓗ ᐃᓕᓐᓂᐊᕈᑎᑦᓭᑦ, ᖃᕆᐊᕐᒥᒃ ᐊᐅᓚᑦᓯᓂᓕᕆᓂᕐᒥᒃ ᐃᓕᓐᓂᐊᕈᑏᓪᓗ ᐱᐅᒃᑯᑎᖏᓐᓂᒃ.

  • ᓴᐳᑦᔨᓯᒪᖃᑦᑕᓗᓂ ᓱᕐᖁᐃᓯᓯᒣᓐᓇᓗᓂᓗ ᐱᐅᓂᕐᐹᓂᒃ ᐃᓗᕐᖁᓯᕐᒧᓗ ᓈᒻᒪᓯᐊᕐᑐᓂᒃ ᐃᓕᓐᓂᐊᓂᖃᕐᑎᓯᓂᕐᒧᑦ ᓄᓇᕕᒻᒥ ᐱᓕᐊᕐᑐᒥᒃ ᖃᕆᑕᐅᔭᒃᑰᑐᓂᒃ ᐃᓕᓐᓂᐊᕈᑎᓂᒃ ᐅᖃᐅᓯᐅᑉ ᐁᑉᐱᐅᑎᖓ ᐊᑐᕐᓗᒍ;
  • ᐃᑲᔪᕐᓗᓂ ᐃᓕᓐᓂᐊᑎᑦᓯᔨᓂᒃ ᐃᓕᓐᓂᐊᕈᑎᓅᓕᖓᔪᓄᑦ ᐃᑲᔪᕐᑎᓂᓪᓗ ᐊᑐᓕᕐᑎᑕᐅᓂᖏᓐᓄᑦ ᓄᑖᑦ ᐱᓇᓱᒍᑎᑦᓭᑦ ᖃᕆᑕᐅᔭᒃᑰᑐᐃᑦ ᐃᓚᒋᔭᐅᑦᓱᑎᒃ ᑲᑎᕕᒃ ᐃᓕᓐᓂᐊᓂᓕᕆᓂᒃᑯᑦ ᐃᓕᓐᓂᐊᕈᑎᖏᓐᓄᑦ;
  • ᖃᐅᔨᒪᑎᑦᓯᔨᒋᔭᐅᓗᓂ ᖃᕆᑕᐅᔦᑦ ᐱᓇᓱᐊᕐᑕᐅᕕᖓᓄᑦ ᐊᓯᖏᓐᓄᓗ ᐱᓇᓱᐊᕐᕕᓄᑦ ᐃᓕᓐᓂᐊᕈᑎᓕᕆᕕᒻᒥ ᖃᕆᑕᐅᔦᑦ ᐱᓪᓗᒋᑦ;
  • ᐃᓚᒋᔭᐅᖃᑦᑕᓗᓂ ᐃᓕᓐᓂᐊᕈᑎᑦᓴᓕᐅᕐᑐᓄᑦ ᐱᐅᒃᑯᑎᑦᓴᓕᐅᕐᑐᓄᓪᓗ ᐃᓄᐃᑦ ᐃᓗᕐᖁᓯᖓᓄᑦ ᓈᒻᒪᑐᓂᒃ, ᐅᖃᐅᓯᖓᓄᑦ ᐃᓪᓕᕆᔭᖏᓐᓄᓗ;
  • ᓴᐳᑦᔨᓯᒪᖃᑦᑕᓗᓂ ᑲᑎᕕᒃᑯᑦ ᐱᒃᑲᕆᑦᓯᕙᓪᓕᐊᓂᕐᒥᒃ ᑐᖕᖓᕕᓕᓐᓂᒃ ᐃᓕᓐᓂᐊᕈᑎᓂᒃ ᖁᕝᕙᕆᐊᕐᓯᒪᑎᑦᓯᓂᕐᒥ ᐃᓕᓐᓂᐊᕕᒻᒥ ᐊᐅᓚᑦᓯᓂᓕᕆᔨᓄᑦ, ᐃᓕᓐᓂᐊᑎᑦᓯᔨᓄᑦ ᐊᓯᖏᓐᓄᓗ ᐱᓇᓱᑦᑎᓄᑦ ᑲᒪᒋᔭᑦᓴᔭᓕᓐᓄᑦ;
  • ᐱᒋᐅᕐᓴᑎᑦᓯᒍᑎᓂᒃ/ᑲᑎᒪᓂᐊᕈᓯᕐᓂᒃ ᓯᕗᓕᖃᑦᑕᓗᓂ ᐃᓕᓐᓂᐊᑎᑦᓯᔨᓄᑦ ᑲᑎᒪᓗᒋᑦ ᐃᓱᕐᕉᑎᑎᒍᓪᓘᓃᑦ (ᑕᑯᓐᓇᖃᑦᑕᐅᑎᒍᑎᑎᒍᑦ ᐃᓕᓐᓂᐊᑎᓪᓗᒋᑦ, ᐊᓯᖏᒍᓪᓗ);
  • ᐃᓕᓐᓂᐊᕈᑎᑦᓴᓕᐅᖃᑦᑕᓗᓂ ᓇᐅᑦᓯᑐᕈᑎᓂᓪᓗ ᓴᐳᑦᔨᓯᒪᒍᑎᓂᓪᓗ ᖃᕆᑕᐅᔭᒃᑰᑐᓂᒃ ᐃᓕᓐᓂᐊᕈᑎᑦᓴᓂᒃ;
  • ᐃᑲᔪᕐᓯᖃᑦᑕᓗᓂ ᐱᓇᓱᖃᑎᒌᑦᑐᓂᒃ ᐊᓪᓚᕕᓐᓂ ᐃᓗᕐᖁᓯᓕᕆᓂᕐᒥᓗ ᐱᐅᒃᑯᑎᑦᓴᓕᐅᕐᓂᒥ;
  • ᐱᐅᒃᑯᑏᑦ ᑭᓯᑕᐅᒪᐅᑎᖏᓐᓂᒃ ᖃᕆᑕᐅᔭᒃᑰᑐᐃᑦ ᐃᓕᓐᓂᐊᕈᑎᑦᓭᑦ ᑲᑎᕕᒃ ᐃᓕᓐᓂᐊᓂᓕᕆᓂᐅᑉ ᐃᓕᓐᓂᐊᕕᖏᓐᓂᑦ ᓄᑕᐅᓯᓕᕐᑎᕆᖃᑦᑕᓗᓂ;
  • ᓴᐳᑦᔨᓯᒪᖃᑦᑕᓗᓂ ᐱᓇᓱᐊᕐᑕᐅᔪᓂᒃ ᑕᒪᒃᑯᓂᖓ ᐃᓕᓐᓂᐊᑎᑦᓯᒍᑎᓂᒃ ᐃᓱᒪᑐᔫᓂᕐᑎᒍᑦ ᐱᓐᓀᓗᑕᓂᓪᓗ ᐋᕐᖀᒋᐊᕈᓐᓇᖃᕐᓗᓂ;
  • ᐱᔭᑦᓴᕆᔭᐅᖁᔭᖏᓐᓂᒃ ᐊᖓᔪᕐᖄᒥᑕ ᐱᓇᓱᐊᖃᑦᑕᒥᓪᓗᓂ.

ᐱᒍᓐᓇᐅᑎᒋᒋᐊᓕᖏᑦ:

  • ᐃᓕᓐᓂᐊᕕᕐᔪᐊᒥ ᐳᕐᑐᓂᕐᓴᐅᑉ ᐊᓪᓕᖓᓂᒃ ᐱᔭᕇᕐᓯᒪᐅᑎᖓᓗᓂ ᑌᒣᑦᑐᓅᓕᖓᔪᒥᒃ, ᐱᓗᐊᕐᑐᒥᒃ ᐃᓕᓐᓂᐊᓂᕐᒧᑦ.

ᐃᓕᓐᓂᐊᓂᓕᕆᓂᖅ ᖁᓛᓂ ᐅᖃᕐᑕᐅᔪᓂᒃ ᐊᑐᖕᖏᑑᑎᑦᓯᒍᓐᓇᑐᖅ ᐱᒍᓐᓇᐅᑎᒋᔭᐅᒋᐊᓕᓐᓂᒃ ᓈᒻᒪᑐᕆᑦᓯᒍᓂ ᐊᖏᖃᑎᒌᓐᓂᒧᑦ ᐃᓚᐅᒍᑎᖃᕐᑐᒥᒃ ᐱᓇᓱᒐᕐᑖᕋᓱᐊᕐᑐᒥᒃ. ᐃᓕᓐᓂᐊᓂᓕᕆᓂᐅᓪᓗ ᐱᒋᐅᕐᓴᑎᑦᓯᒍᑎᖏᓐᓂᒃ ᐃᓚᐅᕕᖃᕋᔭᕐᓂᒥᒃ ᐊᖏᕐᓯᒪᔪᒥᒃ.

ᐊᑐᕈᓐᓇᕆᐊᓕᖏᑦ:

  • ᑯᐯᒻᒥ ᐃᓕᓐᓂᐊᑎᑦᓯᒍᓐᓇᐅᑎᖃᕐᓗᓂ;
  • ᐃᓕᓐᓂᐊᑎᑦᓯᔨᐅᓯᒪᓗᓂ;
  • ᖃᐅᔨᒪᔭᖃᑦᓯᐊᓗᓂ ᖃᓪᓗᓈᑎᑐᑦ ᐅᐃᒍᐃᑎᑐᓪᓗ ᐱᐅᔫᒐᔭᕐᑐᖅ;
  • ᖃᕆᑕᐅᔭᓕᕆᒍᓐᓇᓯᐊᕐᓗᓂ;
  • ᐃᓄᒃᑎᑐᑦ ᖃᐅᔨᒪᔭᖃᕈᓂ ᐱᐅᔫᓂᕋᕐᑕᐅᒐᔭᕐᑐᖅ.

ᐱᓇᓱᒐᖓᑕ ᑌᔭᐅᓂᖓ / ᑮᓇᐅᑦᔭᓵᖏᑦ / ᐃᓱᕐᕉᑎᑦᓴᖏᓪᓗ:

ᒪᓕᑦᓱᒋᑦ ᐱᓇᓱᒍᑦᔨᓂᕐᒧᑦ ᐊᖏᕐᓯᒪᐅᑎᖃᕈᑎᖏᓐᓃᑐᑦ SPPOM-ᑯᑦ ᑲᑐᑦᔨᖃᑎᒌᓐᓂᖓᓂ ᐱᒍᓐᓇᐅᑎᓖᑦ / $46,114-ᓂᑦ $82,585-ᓄᑦ ᑎᑭᐅᑎᒍᓐᓇᑐᑦ ᐱᒍᓐᓇᐅᑎᒋᒋᐊᓕᖏᑦ ᐱᓇᓱᐊᕐᓯᒪᓂᖏᓪᓗ ᒪᓕᓪᓗᒋᑦ.

ᑮᓇᐅᑦᔭᓵᖏᓐᓄᑦ ᐃᓚᐅᑎᓪᓗᒍ ᐅᑯᓂᖓ ᐱᕙᓪᓕᖁᑎᑖᕈᓐᓇᒥᔪᖅ:

  • 20 ᐅᓪᓗᐃᑦ ᑕᙯᕐᓯᕖᑦ ᐊᕐᕌᒍᑕᒫᑦ
  • ᐱᓇᓱᐊᕈᓰᓐᓂ ᒪᕐᕉᓂ ᖁᕕᐊᓱᕝᕕᓯᐅᕐᓂᖅ

ᒪᑯᓂᖓᓗ ᐱᕙᓪᓕᖁᑎᑖᕈᓐᓇᓱᓂ:

  • ᐅᐱᕐᖔᓯᐅᑎᓂᒃ ᑫᕙᓪᓚᒍᓯᖃᕐᓂᖅ
  • ᐃᓪᓗᖃᕐᓂᖅ
  • ᐅᑭᐅᕐᑕᑐᒥᐅᖑᓂᕐᒧᑦ ᐊᑭᓕᕐᑕᐅᒋᐊᓪᓛᕈᑏᑦ
  • ᐊᓂᕐᕋᑫᓐᓇᓂᕐᒧᑦ ᖃᖓᑦᑕᐅᑏᑦ
  • ᓂᕿᓂᒃ ᖃᖓᑦᑕᔫᒃᑯᑦ ᑎᑭᓭᓃᑦ   

ᐱᕙᓪᓕᖁᑎᑖᕈᑎᓕᒫᑦ ᐱᖃᕐᑎᑕᐅᔪᑦ ᑐᖕᖓᕕᒋᑦᓱᒋᑦ ᐱᔭᑦᓴᖏᑦᑕ ᐳᓴᓐᑎᖏᑦ.

ᐃᓱᓕᕝᕕᓴᖓ ᐱᓇᓱᒐᕐᑖᕋᓱᐊᕐᓂᐅᑉ: 4:00-ᖑᐸᑦ, ᐅᒃᑑᐱᕆ 25, 2019

ᖃᐅᔨᑎᑦᓯᓛᕐᑐᒍᑦ ᐱᓇᓱᒐᕐᑖᕋᓱᐊᕐᑐᓂᒃ ᐱᒍᓐᓇᐅᔪᕆᔭᑦᑎᓂᒃ.

 

*ᐃᓕᓴᕐᓂᓕᕆᓂᖅ ᐱᓇᓱᒐᕐᒨᕋᓱᐊᕐᑐᓂᒃ ᖃᐅᔨᓴᕐᑕᐅᑎᑦᓯᒍᓐᓇᑐᖅ ᖃᐅᔨᓴᕐᓂᒧᑦ ᐱᒍᓐᓇᑕᖏᑦᑕ ᐳᕐᑐᓂᖓᓂᒃ.

ᐃᓕᒐᓱᐊᕈᑏᑦ
















  • Accepted file types: pdf.


Back To Top