skip to Main Content
ᐱᓇᓱᒉᑦ ᑲᑎᕕᒃ ᐃᓕᓴᕐᓂᓕᕆᓂᕐᒥ

ᐱᕙᓪᓕᐊᑎᑕᐅᓂᕐᓄᑦ ᐱᓇᓱᑦᑎ – ᐃᓕᓐᓂᐊᕈᑎᐅᖏᓐᓇᓲᖑᖕᖏᑐᓂᒃ ᐱᒋᐅᕐᓴᑎᑦᓯᓂᖅ

ᐱᓇᓱᒐᖅ:

ᐱᕙᓪᓕᐊᑎᑕᐅᓂᕐᓄᑦ ᐱᓇᓱᑦᑎ – ᐃᓕᓐᓂᐊᕈᑎᐅᖏᓐᓇᓲᖑᖕᖏᑐᓂᒃ ᐱᒋᐅᕐᓴᑎᑦᓯᓂᖅ

ᐊᓪᓚᕕᖓ:

ᐃᓄᒻᒪᕇᑦ ᐃᓕᓐᓂᐊᑎᑕᐅᓂᖏᑦ ᐊᒻᒪᓗ ᐱᓇᓱᒐᕐᒧᑦ ᐱᒋᐅᕐᓴᑎᑦᓯᓂᖅ

ᐱᓇᓱᒐᐅᑉ ᑭᑎᑦᔪᑎᖓ:

AESCUSTOM1910-01

ᓇᓃᓐᓂᓴᖓ:

ᒪᓐᑐᔨᐊᒥ

ᖃᓄᐃᑦᑐᑑᓂᖓ:

ᐅᓪᓗᓕᒫᕐᑐᒥᒃ ᐱᓇᓱᒐᖅ ᐊᑌᓐᓇᑐᖅ

ᐱᓇᓱᓐᓇᖅ :

ᐆᑦᑐᐱᕆ 2019

ᑲᑎᕕᒃ ᐃᓕᓴᕐᓂᓕᕆᓂᖅ ᐃᓕᓴᕐᓂᓕᕆᓂᐅᕗᖅ ᐃᓕᓐᓂᐊᓂᓕᕆᓂᕐᒥᒃ ᐱᑕᖃᕐᑎᓯᑦᓱᓂ ᓄᓇᓕᓐᓂ 14-ᓂᒃ ᓄᓇᕕᒻᒥ

ᐃᓂᖓ ᐱᓇᓱᐊᕆᐊᓕᖏᓪᓗ:

ᐊᖓᔪᕐᖄᖃᕐᓗᓂ ᐊᑕᐅᑦᓯᑰᕐᑎᓯᔨᖓᓂᒃ ᐃᓄᒻᒪᕇᑦ ᐃᓕᓐᓂᐊᑎᑕᐅᓂᖏᑦ ᐊᒻᒪᓗ ᐱᓇᓱᒐᕐᒧᑦ ᐱᒋᐅᕐᓴᑎᑦᓯᓂᕐᒧᑦ ᐱᓇᓱᕝᕕᖓᓂᒃ, ᐃᓱᐊᕐᓭᔨ ᑲᒪᒋᔭᖃᕆᐊᓕᒃ ᐱᕙᓪᓕᐊᑎᑕᐅᓂᕐᒥᒃ, ᐊᑐᓕᕐᑎᑕᐅᓂᖏᓐᓂᒃ ᐊᒻᒪᓗ ᖃᐅᔨᓴᕐᑕᐅᒍᑎᓂᒃ ᐱᒋᐅᕐᓴᑎᑦᓯᒍᑎᓄᑦ ᑭᖒᒪᒋᔭᐅᔪᓅᓕᖓᔪᓂᒃ ᐱᓇᓱᕝᕕᒋᔭᐅᔪᓂ ᐃᓕᓴᕐᓂᓕᕆᓂᐅᑉ ᓄᓇᓕᓕᒫᖏᓐᓂ.

ᐃᓘᓐᓈᒍᑦ, ᑖᓐᓇ ᐱᓇᓱᒐᖅ ᐅᑯᓂᖓ ᑲᒪᒋᔭᖃᕆᐊᓕᒃ:

  • ᑖᓐᓇ ᐱᓇᓱᑦᑎ ᐃᓚᐅᓗᐊᖕᖑᐊᕋᔭᕐᑐᖅ ᐱᓇᓱᒐᕐᓄᑦ ᐱᕙᓪᓕᐊᑎᑦᓯᒍᑎᓂᒃ ᐊᑭᓕᕐᑐᑕᐅᔪᓂᒃ ᑲᑎᕕᒃ ᓄᓇᓕᓕᒫᑦ ᑲᕙᒪᖓᓄᑦ;
  • ᐋᕐᕿᓱᐃᓗᓂ ᐱᒋᐅᕐᓴᑎᑦᓯᓂᕐᒧᑦ ᐋᕐᕿᓱᕐᓯᒪᒍᑎᐅᒋᐊᓕᓐᓂᒃ;
  • ᐋᕐᕿᓱᐃᓗᓂ ᑮᓇᐅᔭᕐᑑᑎᑦᓴᖏᓐᓂᒃ ᐱᒋᐅᕐᓴᑎᑦᓯᓂᕐᒧᑦ ᐃᓕᓐᓂᐊᓂᕐᒨᓕᖓᔪᓂᒃ;
  • ᐃᓚᐅᓗᓂ ᐃᓕᓐᓂᐊᓂᕐᒧᑦ ᑲᑎᖕᖓᓂᕐᓂᒃ ᐊᒻᒪᓗ ᐱᓇᓱᑦᑎᐅᒍᓐᓇᓂᕐᒧᑦ ᑲᑎᓯᓂᕐᒥᒃ ᐊᑦᔨᒌᖕᖏᑐᓂ ᓄᓇᓕᓐᓂ ᐊᒻᒪᓗ ᐊᐅᓚᑦᓯᓂᓕᕆᓂᕐᒥ ᐱᓇᓱᐊᖃᑕᐅᔪᓂᒃ;
  • ᐊᐅᓪᓚᑲᑕᒋᐊᖃᕋᔭᕐᑐᖅ ᓄᓇᕕᒻᒧᑦ;
  • ᐊᓯᓕᒫᖏᓐᓂᒃ ᐱᓇᓱᒐᑦᓴᓂᒃ ᐱᓇᓱᐊᕐᓗᓂ ᐊᖓᔪᕐᖄᖓᓄᑦ ᐊᐱᕆᐅᑎᐅᔪᓂᒃ.

ᐱᒍᓐᓇᐅᑎᒋᒋᐊᓕᖏᑦ:

ᐱᔭᕇᕈᑎᑖᕐᓯᒪᒋᐊᓕᒃ ᐃᓕᓐᓂᐊᕕᕐᔪᐊᒥ ᐱᓇᓱᒐᕐᒨᓕᖓᔪᒥᒃ ᐃᓕᓐᓂᐊᓯᒪᓗᓂ.

ᐃᓕᓐᓂᐊᓂᓕᕆᓂᖅ ᖁᓛᓂ ᐅᖃᕐᑕᐅᔪᓂᒃ ᐊᑐᖕᖏᑑᑎᑦᓯᒍᓐᓇᑐᖅ ᐱᒍᓐᓇᐅᑎᒋᔭᐅᒋᐊᓕᓐᓂᒃ ᓈᒻᒪᑐᕆᑦᓯᒍᓂ ᐊᖏᖃᑎᒌᓐᓂᒧᑦ ᐃᓚᐅᒍᑎᖃᕐᑐᒥᒃ ᐱᓇᓱᒐᕐᑖᕋᓱᐊᕐᑐᒥᒃ. ᐃᓕᓐᓂᐊᓂᓕᕆᓂᐅᓪᓗ ᐱᒋᐅᕐᓴᑎᑦᓯᒍᑎᖏᓐᓂᒃ ᐃᓚᐅᕕᖃᕋᔭᕐᓂᒥᒃ ᐊᖏᕐᓯᒪᔪᒥᒃ.

ᐊᑐᕈᓐᓇᕆᐊᓕᖏᑦ:

  • ᒪᕐᕉᓂᒃ ᐅᖃᐅᓯᖃᕆᐊᓕᒃ (ᐅᐃᒍᐃᑎᑐᑦ / ᖃᓪᓗᓈᑎᑐᑦ). ᖃᐅᔨᒪᒍᓂ ᐃᓄᑦᑎᑐᑦ ᐱᐅᔫᕋᔭᕐᑐᖅ.
  • ᐅᖄᒍᓐᓇᓯᐊᕐᓗᓂ ᐊᒻᒪᓗ ᓯᕗᓕᕈᓐᓇᓂᖃᑦᓯᐊᓗᓂ.
  • ᑐᓴᕐᑎᓯᒍᑎᓂᒃ ᐊᓪᓚᕈᓐᓇᕆᐊᓕᒃ.
  • ᐱᓇᓱᐊᖃᑎᒌᓂᒃ ᐱᓇᓱᖃᑎᖃᕈᓐᓇᓯᐊᕆᐊᓕᒃ.
  • ᖃᐅᔨᒪᒋᐊᓕᒃ ᖃᕆᑕᐅᔭᓕᕆᒍᑎᓂᒃ MS Office suite.
  • ᖃᐅᔨᒪᓗᓂ ᓄᓇᓕᓐᓂ ᐊᒻᒪᓗ ᑭᖕᖒᒪᒋᔭᐅᔪᓂᒃ ᐱᓇᓱᕝᕕᓄᑦ.
  • ᖃᐅᔨᒪᓗᓂ ᐱᒻᒪᕆᐅᔪᓂᒃ ᓄᓇᓕᓕᒫᓂ ᐱᓇᓱᐊᖃᑕᐅᔪᓂᒃ.
  • ᖃᐅᔨᒪᓗᓂ ᐃᓄᒻᒪᕇᑦ ᐃᓕᓐᓂᐊᑎᑕᐅᓂᖏᑦ, ᐱᓇᓱᒐᕐᒧᑦ ᐱᒋᐅᕐᓴᑎᑕᐅᓂᖅ ᐊᒻᒪᓗ ᑮᓇᐅᔭᓕᐅᕋᓱᐊᕐᓂᒧᑦ ᐱᒍᑦᔨᓂᕐᒨᓕᖓᔪᓂᒃ.

ᐱᓇᓱᒐᖓᑕ ᑌᔭᐅᓂᖓ / ᑮᓇᐅᑦᔭᓵᖏᑦ / ᐃᓱᕐᕉᑎᑦᓴᖏᓪᓗ:

ᒪᓕᓪᓗᒋᑦ ᐱᒍᓐᓇᐅᑎᓖᑦ ᑲᑐᑦᔨᖃᑎᒌᓐᓂᖓ ᒪᓐᑐᔨᐊᒥ ᐱᓇᓱᒍᑦᔨᓂᕐᒧᑦ ᐊᖏᕐᓯᒪᐅᑎᖏᑦ ᐱᒍᓐᓇᐅᑎᓕᓐᓄᑦ / $46,114 ᐱᒋᐊᕐᓗᓂ $82,585 ᑎᑭᓪᓗᓂ ᐊᕐᕌᒍᑕᒫᑦ ᐱᒍᓐᓇᐅᑎᒋᒋᐊᓕᖏᑦ ᒪᓕᓪᓗᒋᑦ ᐊᒻᒪᓗ ᐱᓇᓱᐊᕐᓯᒪᓂᖏᑦ.

ᑮᓇᐅᑦᔭᓵᖏᓐᓄᑦ ᐃᓚᐅᑎᓪᓗᒍ ᐅᑯᓂᖓ ᐱᕙᓪᓕᖁᑎᑖᕈᓐᓇᒥᔪᖅ:

  • 20 ᐅᓪᓗᐃᑦ ᐊᕐᕌᒍᑕᒫᑦ ᑭᑲᕈᑏᑦ
  • ᒪᕐᕉᓂᒃ ᐱᓇᓱᐊᕈᓰᓐᓂᒃ ᕿᑲᕐᓇᓯᐅᕐᓇᐅᓂᖓᓂ

ᒪᑯᓂᖓᓗ ᐱᕙᓪᓕᖁᑎᑖᕈᓐᓇᓱᓂ:

  • ᐅᐱᕐᖔᓯᐅᑎᓂᒃ ᑫᕙᓪᓚᒍᓯᖃᕐᓂᖅ
  • ᐃᓪᓗᖃᕐᓂᖅ
  • ᐅᑭᐅᕐᑕᑐᒥᐅᖑᓂᕐᒧᑦ ᐊᑭᓕᕐᑕᐅᒋᐊᓪᓛᕈᑏᑦ
  • ᐊᓂᕐᕋᑫᓐᓇᓂᕐᒧᑦ ᖃᖓᑦᑕᐅᑏᑦ
  • ᓂᕿᓂᒃ ᖃᖓᑦᑕᔫᒃᑯᑦ ᑎᑭᓭᓃᑦ   

ᐱᕙᓪᓕᖁᑎᑖᕈᑎᓕᒫᑦ ᐱᖃᕐᑎᑕᐅᔪᑦ ᑐᖕᖓᕕᒋᑦᓱᒋᑦ ᐱᔭᑦᓴᖏᑦᑕ ᐳᓴᓐᑎᖏᑦ.

ᐃᓱᓕᕝᕕᓴᖓ ᐱᓇᓱᒐᕐᑖᕋᓱᐊᕐᓂᐅᑉ: 4:00-ᖑᐸᑦ, ᐅᒃᑑᐱᕆ 21, 2019

ᖃᐅᔨᑎᑦᓯᓛᕐᑐᒍᑦ ᐱᓇᓱᒐᕐᑖᕋᓱᐊᕐᑐᓂᒃ ᐱᒍᓐᓇᐅᔪᕆᔭᑦᑎᓂᒃ.

 

*ᐃᓕᓴᕐᓂᓕᕆᓂᖅ ᐱᓇᓱᒐᕐᒨᕋᓱᐊᕐᑐᓂᒃ ᖃᐅᔨᓴᕐᑕᐅᑎᑦᓯᒍᓐᓇᑐᖅ ᖃᐅᔨᓴᕐᓂᒧᑦ ᐱᒍᓐᓇᑕᖏᑦᑕ ᐳᕐᑐᓂᖓᓂᒃ.

ᐃᓕᒐᓱᐊᕈᑏᑦ
















  • Accepted file types: pdf.


Back To Top