skip to Main Content
ᐱᓇᓱᒉᑦ ᑲᑎᕕᒃ ᐃᓕᓴᕐᓂᓕᕆᓂᕐᒥ

ᐃᓕᓐᓂᐊᑎᓄᑦ ᐃᓱᐊᕐᓭᔨᐅᓂᕐᒥᒃ ᐱᒋᐅᕐᓴᓂᖅ (ᐃᓕᓐᓂᐊᑏᑦ ᐃᓱᐊᕐᓭᔨᖓ)

 

ᐱᓇᓱᒐᖅ:

ᐃᓕᓐᓂᐊᑎᓄᑦ ᐃᓱᐊᕐᓭᔨᐅᓂᕐᒥᒃ ᐱᒋᐅᕐᓴᓂᖅ (ᐃᓕᓐᓂᐊᑏᑦ ᐃᓱᐊᕐᓭᔨᖓ)

ᐊᓪᓚᕕᖓ:

ᐃᑲᔪᕐᑕᐅᒋᐊᓪᓛᒍᑎᓂᒃ ᐱᒍᑦᔨᐅᑏᑦ – ᓴᑐᕐᓇᑐᓕᓐᓂᒃ ᐃᓕᓐᓂᐊᕕᖃᕐᓂᖅ

ᐱᓇᓱᒐᐅᑉ ᑭᑎᑦᔪᑎᖓ:

REGSTUCON2001-02

ᓇᓃᓐᓂᓴᖓ:

ᐅᒥᐅᔭᖅ

ᖃᓄᐃᑦᑐᑑᓂᖓ:

ᐅᓪᓗᓕᒫᕐᓯᐅᑎ ᐊᑌᓐᓇᑐᒥᒃ ᐱᓇᓱᒐᖅ

ᐱᓇᓱᓐᓇᖅ :

ᕕᑉ ᕗᐊᕆ 2020

ᑲᑎᕕᒃ ᐃᓕᓴᕐᓂᓕᕆᓂᖅ ᐃᓕᓴᕐᓂᓕᕆᓂᐅᕗᖅ ᐃᓕᓐᓂᐊᓂᓕᕆᓂᕐᒥᒃ ᐱᑕᖃᕐᑎᓯᑦᓱᓂ ᓄᓇᓕᓐᓂ 14-ᓂᒃ ᓄᓇᕕᒻᒥ

ᐃᓂᖓ ᐱᓇᓱᐊᕆᐊᓕᖏᓪᓗ:

ᐊᖓᔪᕐᖄᖃᕐᓗᓂ ᐃᓕᓐᓂᐊᑎᑦᓯᔩᑦ ᐊᖓᔪᕐᖄᖓᓂᒃ, ᐃᓕᓐᓂᐊᑏᑦ ᐃᓱᐊᕐᓭᔨᖓ ᐱᕈᕐᓭᒍᑎᓕᐅᓲᖅ ᑕᑎᒋᔭᑦᓴᐅᓂᕐᒥᓂᒃ ᖃᐅᔨᒪᔭᐅᑦᓯᐊᓇᕐᑐᓂᒃ ᐃᓕᓐᓂᐊᑎᓂᒃ ᖃᓄᐃᓘᖃᑎᖃᕐᓂᒥᒍᑦ ᐊᒻᒪᓗ ᐃᓕᓐᓂᐊᒐᖏᑎᒍᑦ ᓇᖕᒥᓂᖏᑎᒍᓪᓗ ᐃᓱᐊᕐᓭᔨᒋᔭᐅᑦᓱᓂ ᐃᓕᓐᓂᐊᑎᓄᑦ ᐃᓕᓐᓂᐊᕕᒻᒥ.

ᐃᓂᖓ ᐱᓇᓱᐊᕆᐊᓕᖏᓪᓗ:

  • ᐃᓚᒋᔭᐅᖏᓐᓇᓲᖅ ᐃᓕᒃᑯᑦ ᐃᓕᓐᓂᐊᒍᑎᑦᓴᖃᕆᐊᓕᓐᓄᑦ ᑲᑎᖕᖓᔨᓄᑦ ᑲᑎᓯᓲᖑᑦᓱᓂᓗ ᑲᑎᖕᖓᔨᐅᖃᑎᒥᓂᒃ ᐱᓇᓱᑦᑕᐅᓴᐅᑎᒋᒋᐊᓕᓐᓂᒃ ᓱᕐᖁᐃᓯᖃᑎᒋᑦᓱᒋᑦ;
  • ᓇᖕᒥᓂᖓᓅᓕᖓᔪᓂᒃ ᐃᓕᓐᓂᐊᓂᖓᓅᓕᖓᔪᓂᓪᓗ ᐃᓱᐊᕐᓭᔨᒋᔭᐅᑦᓱᓂ ᐱᓀᓗᑕᕈᖃᑦᑕᑐᑦ ᐃᓕᓐᓂᐊᕕᒻᒥ ᐋᕐᕿᓱᕐᑕᐅᒍᑎᖏᓐᓄᑦ;
  • ᐋᕐᕿᓱᐃᓗᓂ ᐊᑐᕐᑕᐅᑎᑦᓯᖃᑦᑕᓗᓂᓗ ᓯᕗᕐᖐᓯᒪᒍᑎᓄᑦ ᓱᓇᓱᐊᕐᑎᓯᒍᑎᓂᒃ ᐅᕝᕙᓘᓐᓃᑦ ᐊᑕᐅᑦᓯᑰᕐᑎᓱᒋᑦ ᖃᓄᐃᓕᒋᐊᕆᒍᑎᓂᒃ;
  • ᐅᖃᐅᓯᕆᔭᐅᓯᒪᔪᓂᒃ, ᑲᑎᔭᐅᒋᐊᖃᕐᑎᑕᐅᔪᓂᒃ ᐃᓕᓐᓂᐊᑎᓂᒃ ᐃᓄᑑᓈᕐᑎᑐᓂᒃ ᐃᓱᐊᕐᓭᓂᕐᒧᑦ ᑲᑎᓯᖃᑦᑕᓗᓂ;
  • ᓄᕐᙯᓇᕐᓂᑯᐃᑦ ᐃᓕᓐᓂᐊᑏᑦ ᐃᓕᓐᓂᐊᕕᒻᒧᑦ ᐅᑎᕐᓂᑐᑦ ᐃᑲᔪᕐᓯᒪᓗᒋᑦ;
  • ᑐᓴᐅᒪᖃᑎᒌᒍᑏᑦ ᐃᓱᐊᕐᓯᓕᐅᒥᒍᑎᖏᓐᓂᒃ ᑲᔪᓯᑎᑕᐅᒍᑎᖏᓐᓂᓗ ᐱᓇᓱᐊᕐᓗᓂ ᐃᓕᓐᓂᐊᑎᓂᑦ, ᐊᓯᖏᓐᓂᑦ ᐱᓇᓱᑦᑎᓂᑦ, ᕿᑐᕐᖓᓕᓐᓂᑦ, ᓄᓇᓕᒻᒥᑦ ᐊᒻᒪᓗ ᓄᓇᓕᒻᒥ ᐱᓇᓱᖃᑎᐅᔪᓂᑦ;
  • ᐃᑲᔪᕐᓯᒪᓗᓂ ᓲᖑᓯᓭᒍᑎᓂᒃ ᐃᓕᓐᓂᐊᑎᐅᑉ ᐃᓄᑐᐃᓐᓇᐅᓂᕐᒥᓂᒃ ᐃᒻᒥᓂ-ᑕᑯᒍᓐᓇᕈᓯᖓᓂᒃ;
  • ᓇᓪᓕᐅᑎᑦᑕᑐᓂᒃ ᑲᑎᒪᑦᓯᖃᑦᑕᓗᓂ ᐃᓕᓐᓂᐊᑎᓂᒃ ᐊᒡᓚᓯᒪᔪᖁᑎᓕᐅᑦᓯᐊᖃᑦᑕᓗᓂᓗ ᐊᑐᓂᑦ ᐃᓕᓐᓂᐊᑏᑦ ᐱᕙᓪᓕᐊᓂᖏᓐᓂᒃ;
  • ᓄᓇᓕᓕᒫᓂ ᐃᓕᓐᓂᐊᑏᑦ ᐃᓱᐊᕐᓭᔨᖓ, ᐊᓯᖏᓐᓂ ᓄᓇᓕᓐᓂ ᐃᓕᓐᓂᐊᑏᑦ ᐃᓱᐊᕐᓭᔨᖏᑦ, ᐊᒻᒪᓗ/ᐅᕝᕙᓘᓐᓃᑦ ᓄᓇᓕᓕᒫᑦ ᐃᓱᒪᓐᓂᐊᑎᖓ ᐱᓇᓱᖃᑎᒋᓗᒋᑦ ᐃᑲᔪᕐᑕᐅᒋᐊᖃᑐᐊᕈᓂ;
  • ᐃᓱᐊᕐᓭᔨᐅ/ᐃᓕᓐᓂᐊᑎᐅᑉ ᖃᓄᐃᓘᖃᑎᒌᒍᑎᖏᑦᑕ ᓇᐅᑐᐃᓐᓇᓄᑦ ᑐᓴᕐᑕᐅᔪᑦᓴᔭᐅᖕᖏᒋᐊᖏᑦ ᓲᓱᑦᓴᓯᐊᕐᓗᓂ.

ᐱᒍᓐᓇᐅᑎᒋᒋᐊᓕᖏᑦ:

ᓯᕗᓪᓕᐹᕐᓯᐅᑎᓂᑦ ᐃᓕᓴᕐᕕᔪᐊᒥᑦ ᐃᓕᑕᕆᔭᐅᓂᖃᒋᐊᓕᒃ ᐱᓪᓗᑯᐊᐱᒋᐊᓕᕐᑎᒍᑦ ᐃᓕᓴᕐᓂᒥᑦ.

ᐃᓕᓐᓂᐊᓂᓕᕆᓂᖅ ᖁᓛᓂ ᐅᖃᕐᑕᐅᔪᓂᒃ ᐊᑐᖕᖏᑑᑎᑦᓯᒍᓐᓇᑐᖅ ᐱᒍᓐᓇᐅᑎᒋᔭᐅᒋᐊᓕᓐᓂᒃ ᓈᒻᒪᑐᕆᑦᓯᒍᓂ ᐊᖏᖃᑎᒌᓐᓂᒧᑦ ᐃᓚᐅᒍᑎᖃᕐᑐᒥᒃ ᐱᓇᓱᒐᕐᑖᕋᓱᐊᕐᑐᒥᒃ. ᐃᓕᓐᓂᐊᓂᓕᕆᓂᐅᓪᓗ ᐱᒋᐅᕐᓴᑎᑦᓯᒍᑎᖏᓐᓂᒃ ᐃᓚᐅᕕᖃᕋᔭᕐᓂᒥᒃ ᐊᖏᕐᓯᒪᔪᒥᒃ.

ᐊᑐᕈᓐᓇᕆᐊᓕᖏᑦ:

  • ᐱᒍᓐᓇᓯᐊᕐᓗᓂ ᐅᖄᓂᒃᑯᑦ ᐊᒡᓚᓂᒃᑯᓗ ᐃᓄᒃᑎᑐᑦ, ᖃᐅᔨᒪᒍᓂ ᐅᖃᐅᓯᐅᑉ ᐁᑉᐸᖓᓂᒃ ᐱᐅᔪᖁᑎᒋᔭᖅ
  • ᑐᑭᓯᒪᖃᑎᒌᒍᓯᕐᓂᒃ ᐱᒃᑲᕆᑦᑑᓗᓂ
  • ᐃᑉᐱᒍᓱᑦᓯᐊᓂᖅ, ᐃᒻᒥᓂᕿᓗᓂ ᐱᓇᓱᒍᓐᓇᓯᐊᕐᓂᖅ
  • ᐃᓕᓐᓂᐊᑎᑕᐅᒍᑎᓄᑦ ᐃᓚᐅᒍᒪᓂᖃᑦᓯᐊᓗᓂ ᓇᓪᓕᐅᑎᑦᑕᓱᑐᓄᑦ (2-ᕕᓪᓗᑎᒃ ᐅᕝᕙᓘᓐᓃᑦ 3-ᕕᓪᓗᑎᒃ ᐊᕐᕌᒍᑕᒫᖅ).
  • ᐃᓕᓐᓂᐊᑎᑦᓯᔨᐅᓚᐅᕐᓯᒪᒍᓂ ᐱᐅᔪᖁᑎᒋᔭᖅ.

ᐱᓇᓱᒐᖓᑕ ᑌᔭᐅᓂᖓ / ᑮᓇᐅᑦᔭᓵᖏᑦ / ᐃᓱᕐᕉᑎᑦᓴᖏᓪᓗ:

ᒪᓕᒉᑦ ᒪᓕᑦᓱᒋᑦ SPPOM-ᒦᑦᑐᑦ ᐊᖏᖃᑎᒌᒍᑎᒥᑦ ᐱᔪᓐᓇᐅᑎᓕᓐᓄᑦ ᐱᓇᓱᑦᑎᓄᑦ / ᐱᒋᐊᕐᓗᓂ $44,671 ᑎᑭᓪᓗᒍ $74,842 ᐊᕐᕌᒍᑕᒫᑦ ᐱᒍᓐᓇᓂᖓᓗ ᐱᓇᓱᑦᓯᒪᓂᖓᓗ ᒪᓕᓪᓗᒋᑦ.

ᑮᓇᐅᑦᔭᓵᖏᓐᓄᑦ ᐃᓚᐅᑎᓪᓗᒍ ᐅᑯᓂᖓ ᐱᕙᓪᓕᖁᑎᑖᕈᓐᓇᒥᔪᖅ:

  • 20 ᐅᓪᓗᐃᑦ ᐊᕐᕌᒍᑕᒫᑦ ᑭᑲᕈᑏᑦ
  • ᒪᕐᕉᓂᒃ ᐱᓇᓱᐊᕈᓰᓐᓂᒃ ᕿᑲᕐᓇᓯᐅᕐᓇᐅᓂᖓᓂ

ᒪᑯᓂᖓᓗ ᐱᕙᓪᓕᖁᑎᑖᕈᓐᓇᓱᓂ:

  • ᐅᐱᕐᖔᓯᐅᑎᓂᒃ ᑫᕙᓪᓚᒍᓯᖃᕐᓂᖅ
  • ᐃᓪᓗᖃᕐᓂᖅ
  • ᐅᑭᐅᕐᑕᑐᒥᐅᖑᓂᕐᒧᑦ ᐊᑭᓕᕐᑕᐅᒋᐊᓪᓛᕈᑏᑦ
  • ᐊᓂᕐᕋᑫᓐᓇᓂᕐᒧᑦ ᖃᖓᑦᑕᐅᑏᑦ
  • ᓂᕿᓂᒃ ᖃᖓᑦᑕᔫᒃᑯᑦ ᑎᑭᓭᓃᑦ   

ᐱᕙᓪᓕᖁᑎᑖᕈᑎᓕᒫᑦ ᐱᖃᕐᑎᑕᐅᔪᑦ ᑐᖕᖓᕕᒋᑦᓱᒋᑦ ᐱᔭᑦᓴᖏᑦᑕ ᐳᓴᓐᑎᖏᑦ.

ᐃᓱᓕᕝᕕᓴᖓ ᐱᓇᓱᒐᕐᑖᕋᓱᐊᕐᓂᐅᑉ: 4:00-ᖑᐸᑦ, ᔮᓄᐊᕆ 28, 2020

ᖃᐅᔨᑎᑦᓯᓛᕐᑐᒍᑦ ᐱᓇᓱᒐᕐᑖᕋᓱᐊᕐᑐᓂᒃ ᐱᒍᓐᓇᐅᔪᕆᔭᑦᑎᓂᒃ.

 

*ᐃᓕᓴᕐᓂᓕᕆᓂᖅ ᐱᓇᓱᒐᕐᒨᕋᓱᐊᕐᑐᓂᒃ ᖃᐅᔨᓴᕐᑕᐅᑎᑦᓯᒍᓐᓇᑐᖅ ᖃᐅᔨᓴᕐᓂᒧᑦ ᐱᒍᓐᓇᑕᖏᑦᑕ ᐳᕐᑐᓂᖓᓂᒃ.

ᐃᓕᒐᓱᐊᕈᑏᑦ



  • Accepted file types: pdf.


Back To Top