skip to Main Content
ᐱᓇᓱᒉᑦ ᑲᑎᕕᒃ ᐃᓕᓴᕐᓂᓕᕆᓂᕐᒥ

ᐊᑕᐅᑦᓯᑰᕐᑎᓯᔨ (ᓄᓇᕕᒃ ᓯᕗᓂᑦᓴᕗᑦ)

ᐱᓇᓱᒐᖅ:

ᐊᑕᐅᑦᓯᑰᕐᑎᓯᔨ (ᓄᓇᕕᒃ ᓯᕗᓂᑦᓴᕗᑦ)

ᐊᓪᓚᕕᖓ:

ᐳᕐᑐᓂᕐᓴᒋᐊᓪᓚᒥ ᐃᓕᓐᓂᐊᑏᑦ ᐱᒍᑦᔭᐅᕕᖓ

ᐱᓇᓱᒐᐅᑉ ᑭᑎᑦᔪᑎᖓ:

COORDNS2001-01

ᓇᓃᓐᓂᓴᖓ:

ᒪᓐᑐᔨᐊᓪ

ᖃᓄᐃᑦᑐᑑᓂᖓ:

ᐅᓪᓗᓕᒫᕐᓯᐅᑎ ᐊᑌᓐᓇᑐᖅ ᐱᓇᓱᒐᖅ

ᐱᒋᐊᕐᕕᓴᖓᑕ ᐅᓪᓗᖓ:

ᔮᓄᐊᕆ 2020

ᑲᑎᕕᒃ ᐃᓕᓴᕐᓂᓕᕆᓂᖅ ᐃᓕᓴᕐᓂᓕᕆᓂᐅᕗᖅ ᐃᓕᓐᓂᐊᓂᓕᕆᓂᕐᒥᒃ ᐱᑕᖃᕐᑎᓯᑦᓱᓂ ᓄᓇᓕᓐᓂ 14-ᓂᒃ ᓄᓇᕕᒻᒥ

ᐃᓂᖓ ᐱᓇᓱᐊᕆᐊᓕᖏᓪᓗ:

ᐊᑕᐅᑦᓯᑰᕐᑎᓯᔨᐅᑉ ᐱᓇᓱᒐᖓ ᐱᓇᓱᐊᕆᐊᓕᑦᑕᓕᒃ ᐱᔭᑦᓴᕆᔭᐅᒋᐊᓕᓕᒫᓂᒃ ᐊᑕᐅᑦᓯᑰᕐᑎᓯᓂᕐᒧᑦ, ᑲᒪᒋᔭᖃᕐᓂᒧᑦ, ᓇᐅᑦᓯᑐᕐᓂᒧᑦ, ᖃᐅᔨᓴᕐᓂᒧᑦ ᐱᕙᓪᓕᐊᑎᑦᓯᓂᕐᒧᓗ ᓄᓇᕕᒃ ᓯᕗᓂᑦᓴᕗᑦ ᐃᓕᓐᓂᐊᕈᑎᖏᓐᓂᒃ, ᐃᓚᖃᕐᑎᓗᒋᑦ ᓇᐅᑦᓯᑐᕈᑎᓂᒃ ᖃᐅᔨᓴᕈᑎᓂᓪᓗ, ᐃᓕᓭᒍᑎᑦᓴᖏᓐᓂᒃ, ᐱᓇᓱᑦᑎᓴᖏᓐᓂᒃ, ᑮᓇᐅᔭᖏᓐᓂᒃ ᐃᓕᓐᓂᐊᕈᑎᑦᓴᖏᓐᓂᓗ ᑲᒪᒋᔭᖃᕐᓂᒥᒃ.  ᐃᓘᓐᓇᒍᑦ ᑕᑯᑦᓱᒍ, ᑖᓐᓇ ᐱᓇᓱᒐᖅ ᐃᓚᓕᒃ ᐅᑯᓂᖓ ᑲᒪᒋᒋᐊᓕᖏᓐᓂᒃ:

  • ᐊᑕᐅᑦᓯᑰᕐᑎᓯᓗᓂ ᖃᐅᔨᒐᓱᐊᖃᑦᑕᓗᓂᓗ ᓄᓇᕕᒃ ᓯᕗᓂᑦᓴᕗᑦ ᐃᓕᓐᓂᐊᕈᑎᖏᑦᑕ ᑲᔪᓯᑎᑕᐅᓂᖏᓐᓂᒃ;
  • ᑎᑭᐅᑎᔭᐅᒐᓱᑦᑐᓄᑦ ᑐᕌᒐᖏᓐᓄᓗ ᐃᓕᖓᑦᓯᐊᑐᓂᒃ ᑲᑎᕕᒃ ᐃᓕᓴᕐᓂᓕᕆᓂᒃᑯᑦ ᐊᒻᒪᓗ ᓄᓇᕕᒃ ᓯᕗᓂᑦᓴᕗᑦ ᐊᔪᖀᒋᐊᕐᓂᒧᑦ ᑲᑎᖕᖓᔨᖏᑦᑕ ᒪᓕᑦᑐᓂᒃ, ᐊᑕᐅᑦᓯᑰᕐᑎᓯᓗᓂ ᒍᐃᒍᐃᑎᑑᕐᑐᓂᒃ ᓄᓇᕕᒃ ᓯᕗᓂᑦᓴᕗᑦ ᐃᓕᓐᓂᐊᒐᑦᓴᕆᓛᕐᑕᖏᑦᑕ ᓴᓇᔭᐅᓂᖏᓐᓂᒃ;
  • ᐱᓇᓱᑦᑎᓴᕐᓯᐅᕈᑎᓄᑦ ᐱᔪᓐᓇᐅᑎᓕᓐᓂᒃ ᐃᑲᔪᕐᑎᓂᓪᓗ ᐱᓇᓱᑦᑎᓂᒃ ᐃᓚᐅᖃᑦᑕᓗᓂ;
  • ᐊᑕᐅᑦᓯᑰᕐᑎᓯᓗᓂ ᐱᓇᓱᑦᑕᐅᒋᐊᓕᓐᓂᒃ ᐃᓕᓐᓂᐊᑏᑦ ᖁᕝᕙᕆᐊᕈᑎᑖᖏᑦᑕ John Abbott College-ᑯᓐᓄᑦ ᐊᓯᖏᓐᓄᓗ ᐱᓇᓱᐊᖃᑎᐅᒻᒥᔪᓄᑦ ᐋᑦᓯᖃᑦᑕᓗᓂ;
  • ᐱᓇᓱᐊᕐᑕᒥᒃ ᐊᖏᓕᒋᐊᕆᒍᑎᑦᓴᓄᑦ ᖁᕝᕙᕆᐊᕈᑎᖃᕋᑕᖕᖏᑐᐃᓪᓗ ᐃᓕᓐᓂᐊᒉᑦ ᖁᕝᕙᕆᐊᕈᑎᓕᐅᕐᑕᐅᓂᖏᓐᓄᑦ ᐱᕕᑦᓴᐅᒍᓐᓇᑐᓂᒃ ᖃᐅᔨᓴᕐᓗᓂ;
  • ᓄᓇᕕᒃ ᓯᕗᓂᑦᓴᕗᒻᒥᒃ ᐊᐅᓚᑦᓯᒍᓯᐅᒍᓐᓇᕋᔭᕐᑐᓂᒃ ᖃᐅᔨᓴᕐᓗᓂ ᐋᕐᕿᓱᐃᓗᓂᓗ;
  • ᐱᓇᓱᖃᑎᐅᔪᓄᑦ ᑎᒥᐅᔪᓄᑦ ᑭᒡᒐᑐᕐᑎᐅᓗᓂ John Abbott College, ᑯᐯᒻᒥ ᐃᓕᓐᓂᐊᓂᓕᕆᓂᕐᒥ ᑐᕐᖃᑕᕐᕕᑯᑦ, ᓄᓇᖃᕐᖄᓯᒪᔪᓅᓕᖓᔪᓂᒃ ᐱᓇᓱᕝᕕᒃ ᑲᓇᑕᒥ (INAC), ᓄᓇᕗᑦ ᓯᕗᓂᑦᓴᕗᑦ ᐊᓯᖏᓐᓂᓗ ᐱᓇᓱᐊᕐᕕᓄᑦ;
  • ᑲᒪᒋᔭᖃᕐᓗᓂ ᓇᐅᑦᓯᑐᖃᑦᑕᓗᓂᓗ ᐱᓇᓱᑦᑎᓂᒃ ᑲᒪᒋᔭᕆᐊᓕᒻᒥᓂᒃ;
  • ᓄᓇᕕᒃ ᓯᕗᓂᑦᓴᕗᑦ ᓄᑦᑎᓯᓂᑦᓴᖓᓂᒃ ᑲᒪᒋᔭᖃᕐᓗᓂ.

ᐱᒍᓐᓇᐅᑎᒋᒋᐊᓕᖏᑦ:

  • ᐳᕐᑐᓂᕐᓴᐅᑉ ᐊᓪᓕᖓᓂᒃ ᐱᔭᕇᒍᑎᑖᕐᓯᒪᓗᓂ ᐊᑐᕐᓂᖃᕈᓐᓇᑐᓂᑦ ᐃᓕᓐᓂᐊᒐᕐᓂᑦ ᐃᓕᑕᕐᓯᔪᒥᒃ ᐊᕐᕌᒍᓂᒃ-ᐱᖓᓱᓂᒃ ᐃᑭᓐᓂᓴᐅᖕᖏᑐᓂᒃ ᐃᓕᓐᓂᐊᕕᕐᔪᐊᒥ ᐃᓕᓐᓂᐊᓯᒪᓂᕐᒥᒃ ᐅᕝᕙᓘᓐᓃᑭ ᐳᕐᑐᓂᕐᓴᒥᒃ ᐱᓇᓱᒐᒻᒪᕆᒻᒥᒃ ᐱᓇᓱᒐᖃᕐᓗᓂ. ᐳᕐᑐᓂᕐᐹᒥᒃ ᐃᓕᓐᓂᐊᕕᕐᔪᐊᒥ ᐱᔭᕇᒍᑎᑖᕐᓯᒪᒍᓂ ᐱᐅᔪᖁᑎᒋᔭᖅ;
  • ᑕᓪᓕᒪᓂᒃ (5) ᐊᕐᕌᒍᓂᒃ ᐊᑐᕐᓂᓕᓐᓂᒃ ᐱᓇᓱᓚᐅᕐᓯᒪᓗᓂ.

ᐃᓕᓐᓂᐊᓂᓕᕆᓂᖅ ᖁᓛᓂ ᐅᖃᕐᑕᐅᔪᓂᒃ ᐊᑐᖕᖏᑑᑎᑦᓯᒍᓐᓇᑐᖅ ᐱᒍᓐᓇᐅᑎᒋᔭᐅᒋᐊᓕᓐᓂᒃ ᓈᒻᒪᑐᕆᑦᓯᒍᓂ ᐊᖏᖃᑎᒌᓐᓂᒧᑦ ᐃᓚᐅᒍᑎᖃᕐᑐᒥᒃ ᐱᓇᓱᒐᕐᑖᕋᓱᐊᕐᑐᒥᒃ. ᐃᓕᓐᓂᐊᓂᓕᕆᓂᐅᓪᓗ ᐱᒋᐅᕐᓴᑎᑦᓯᒍᑎᖏᓐᓂᒃ ᐃᓚᐅᕕᖃᕋᔭᕐᓂᒥᒃ ᐊᖏᕐᓯᒪᔪᒥᒃ.

ᐊᑐᕈᓐᓇᕆᐊᓕᖏᑦ:

  • ᐊᒡᓚᒍᓐᓇᓗᓂ ᐅᖄᒍᓐᓇᓯᐊᕐᓗᓂᓗ ᒪᕐᕉᓂᒃ ᐅᖃᐅᓰᓐᓂᒃ ᑖᒃᑯᓇᖕᖓᑦ ᐱᖓᓱᓂᑦ (3) ᐅᖃᐅᓯᓂᑦ ᐃᓕᓴᕐᓂᓕᕆᓂᕐᒥ ᐊᑐᕐᑕᐅᔪᓂᑦ (ᐃᓄᒃᑎᑐᑦ, ᒍᐃᒍᐃᑎᑐᑦ, ᖃᓪᓗᓈᑎᑐᑦ);
  • ᖃᐅᔨᒪᓪᓚᕆᓪᓗᓂ ᐳᕐᑐᓂᕐᓴᐅᑉ-ᑭᖑᓪᓕᖏᓐᓂᒃ ᐃᓕᓐᓂᐊᓂᓕᕆᓂᕐᒥᒃ;
  • ᖃᐅᔨᒪᓪᓚᕆᓪᓗᓂ ᓄᓇᖃᕐᖄᓯᒪᔪᓂᑦ ᐃᓕᓐᓂᐊᓕᓂᕆᓂᕐᒥᒃ;
  • ᑐᑭᓯᒪᖃᑎᒌᒐᑎᓅᓕᖓᔪᓂᒃ ᐱᒃᑲᕆᑦᑑᒋᐊᓕᒃ, ᓯᕗᓕᕈᓐᓇᓗᓂ ᑲᔪᖏᕐᓭᒍᓐᓇᓗᓂ ᐱᓇᓱᖃᑎᒌᑦᑐᓂᒃ;
  • ᐱᓇᓱᓚᐅᕐᓯᒪᓗᓂ ᐊᓯᖏᓐᓂᒃ ᐱᓇᓱᕝᕕᓂᒃ ᐱᓇᓱᖃᑎᒌᒍᑎᐅᓲᓂᒃ ᐆᒃᑐᕋᐅᑎᒋᓗᒋᑦ ᑲᕙᒪᒃᑯᑦ ᑭᒡᒐᓕᕋᕐᑕᐅᕕᖏᑦ;
  • ᐊᕐᕕᑕᕆᐊᖃᓕᑐᐊᕈᓂ ᓄᓇᕕᒻᒥ ᐊᕐᕕᑕᕈᓐᓇᓗᓂ.

ᐱᓇᓱᒐᖓᑕ ᑌᔭᐅᓂᖓ / ᑮᓇᐅᑦᔭᓵᖏᑦ / ᐃᓱᕐᕉᑎᑦᓴᖏᓪᓗ:

ᐳᕐᑐᓂᖓ 7* ᒪᓕᑦᓱᒋᑦ ᐱᓇᓱᒐᖏᑦᑕ ᖃᓄᐃᓕᖓᓂᖏᑦ ᑲᑎᕕᒃ ᐃᓕᓴᕐᓂᓕᕆᓂᕐᒥ ᑲᒪᔨᓄᑦ:  ᐱᒋᐊᕐᑐᑦ $79,447-ᓂᑦ ᑎᑭᐅᑎᒍᓐᓇᑐᑦ $105,927 ᐊᕐᕌᒍᑕᒫᖅ ᐃᑉᐱᒋᑦᓱᒋᑦ ᐱᔪᓐᓇᐅᑎᖏᑦ ᐱᓇᓱᓚᐅᕐᓯᒪᓂᖏᓪᓗ.

ᑮᓇᐅᑦᔭᓵᖏᓐᓄᑦ ᐃᓚᐅᑎᓪᓗᒍ ᐅᑯᓂᖓ ᐱᕙᓪᓕᖁᑎᑖᕈᓐᓇᒥᔪᖅ:

  • 25 ᐅᓪᓗᐃᑦ ᐊᕐᕌᒍᑕᒫᑦ ᑭᑲᕈᑏᑦ
  • ᖁᓕᓐᓄᑦ ᐅᓪᓗᓄᑦ ᑎᑭᑦᑐᑦ ᐅᓪᓗᐃᑦ ᕿᑲᑫᓐᓇᕆᐊᖃᕐᓂᒧᑦ ᖃᓂᒪᔪᕕᓂᐅᓗᓂ
  • ᒪᕐᕉᓂᒃ ᐱᓇᓱᐊᕈᓰᓐᓂᒃ ᕿᑲᕐᓇᓯᐅᕐᓇᐅᓂᖓᓂ

ᒪᑯᓂᖓᓗ ᐱᕙᓪᓕᖁᑎᑖᕈᓐᓇᓱᓂ:

  • ᐅᐱᕐᖔᓯᐅᑎᓂᒃ ᑫᕙᓪᓚᒍᓯᖃᕐᓂᖅ
  • ᐃᓪᓗᖃᕐᓂᖅ
  • ᐅᑭᐅᕐᑕᑐᒥᐅᖑᓂᕐᒧᑦ ᐊᑭᓕᕐᑕᐅᒋᐊᓪᓛᕈᑏᑦ
  • ᐊᓂᕐᕋᑫᓐᓇᓂᕐᒧᑦ ᖃᖓᑦᑕᐅᑏᑦ
  • ᓂᕿᓂᒃ ᖃᖓᑦᑕᔫᒃᑯᑦ ᑎᑭᓭᓃᑦ   

ᐱᕙᓪᓕᖁᑎᑖᕈᑎᓕᒫᑦ ᐱᖃᕐᑎᑕᐅᔪᑦ ᑐᖕᖓᕕᒋᑦᓱᒋᑦ ᐱᔭᑦᓴᖏᑦᑕ ᐳᓴᓐᑎᖏᑦ.

ᐃᓱᓕᕝᕕᓴᖓ ᐱᓇᓱᒐᕐᑖᕋᓱᐊᕐᓂᐅᑉ: 4:00-ᖑᐸᑦ, ᔭᓄᐊᕆ 21, 2020

ᖃᐅᔨᑎᑦᓯᓛᕐᑐᒍᑦ ᐱᓇᓱᒐᕐᑖᕋᓱᐊᕐᑐᓂᒃ ᐱᒍᓐᓇᐅᔪᕆᔭᑦᑎᓂᒃ.

 

*ᐃᓕᓴᕐᓂᓕᕆᓂᖅ ᐱᓇᓱᒐᕐᒨᕋᓱᐊᕐᑐᓂᒃ ᖃᐅᔨᓴᕐᑕᐅᑎᑦᓯᒍᓐᓇᑐᖅ ᖃᐅᔨᓴᕐᓂᒧᑦ ᐱᒍᓐᓇᑕᖏᑦᑕ ᐳᕐᑐᓂᖓᓂᒃ.

Back To Top