skip to Main Content
ᐱᓇᓱᒉᑦ ᑲᑎᕕᒃ ᐃᓕᓴᕐᓂᓕᕆᓂᕐᒥ

ᐊᐅᓚᑦᓯᓂᓕᕆᓂᕐᒥᒃ ᐱᓪᓗᑯᒋᐊᓕᓕᕆᔨ

ᐱᓇᓱᒐᖅ:

ᐊᐅᓚᑦᓯᓂᓕᕆᓂᕐᒥᒃ ᐱᓪᓗᑯᒋᐊᓕᓕᕆᔨ

ᐊᓪᓚᕕᖓ:

ᑮᓇᐅᔭᓕᕆᕕᒃ

ᐱᓇᓱᒐᐅᑉ ᑭᑎᑦᔪᑎᖓ:

ADMTECHFIN2001-01

ᓇᓃᓐᓂᓴᖓ:

ᒪᓐᑐᔨᐊᓪ

ᖃᓄᐃᑦᑐᑑᓂᖓ:

ᐅᓪᓗᓕᒫᕐᑐᖅ ᐊᑌᓐᓇᑐᖅ

ᐱᒋᐊᕐᕕᓴᖓᑕ ᐅᓪᓗᖓ:

ᔮᓄᐊᕆ 2020

ᑲᑎᕕᒃ ᐃᓕᓴᕐᓂᓕᕆᓂᖅ ᐃᓕᓴᕐᓂᓕᕆᓂᐅᕗᖅ ᐃᓕᓐᓂᐊᓂᓕᕆᓂᕐᒥᒃ ᐱᑕᖃᕐᑎᓯᑦᓱᓂ ᓄᓇᓕᓐᓂ 14-ᓂᒃ ᓄᓇᕕᒻᒥ.

ᐃᓂᖓ ᐱᓇᓱᐊᕆᐊᓕᖏᓪᓗ:

ᐊᖓᔪᕐᖄᖃᕐᓗᓂ ᑐᑭᒧᐊᑦᑎᓯᔨᐅᑉ ᐃᑲᔪᕐᑎᖓᓂᒃ, ᑮᓇᐅᔭᓕᕆᕕᒻᒥ, ᐊᐅᓚᑦᓯᓂᓕᕆᓂᕐᒥ ᐱᓪᓗᑯᒋᐊᓕᓕᕆᔨ ᑲᒪᒋᔭᖃᕆᐊᓕᒃ ᐃᓘᓐᓇᖏᓐᓂᒃ ᐊᐅᓚᑦᓯᓂᓕᕆᔭᐅᒋᐊᓕᓐᓂᒃ ᐊᑭᓕᕐᑐᑕᐅᒋᐊᓕᓐᓄᑦ;

  • ᐊᑕᐅᑦᓯᑰᕐᑎᓯᓗᓂ ᐊᒻᒪᓗ ᖃᐅᔨᓴᕐᓗᓂ ᐱᓇᓱᐊᕐᑕᖏᓐᓂᒃ ᐱᓇᓱᑦᑎᑐᐃᓐᓀᑦ ᐊᒻᒪᓗ ᐊᑐᓕᕐᑎᓯᓗᓂ ᐱᓇᓱᐊᕐᓂᒧᑦ ᐱᐅᓯᕆᔭᐅᒋᐊᓕᓐᓂᒃ ᑕᒃᑲᓂ;
  • ᓄᐊᓗᒋᑦ, ᖃᐅᔨᓴᕐᓗᒋᑦ ᐊᒻᒪ ᐊᑐᐃᓐᓇᕈᕐᑎᓗᒋᑦ ᐊᑦᔨᒌᖕᖏᑐᑦ ᐊᑭᓕᕐᑕᐅᒋᐊᓖᑦ ᐊᓪᓚᓯᒪᔪᑦ ᐊᒻᒪᓗ ᑲᒪᓗᓂ ᓄᑕᐅᓯᓕᕐᓯᒪᔪᓂᒃ ᐊᓪᓚᑕᐅᒪᒍᑎᖏᓐᓂᒃ ᐃᓘᓐᓇᑎᒃ ᐊᓪᓚᖁᑎᖏᑦ;
  • ᐊᑐᓕᕐᑎᓯᓗᓂ ᒪᓕᒐᕐᓂᒃ ᐊᒻᒪᓗ ᐊᑐᕐᑕᐅᒋᐊᓕᓐᓂᒃ ᐋᕐᕿᑕᐅᓯᒪᔪᓂᒃ ᐊᐅᓚᑦᓯᓂᓕᕆᔨᓄᑦ ᐊᒻᒪᓗ ᐅᖄᖃᑎᖃᕐᓗᓂ ᐱᓇᓱᑦᑎᓂᒃ ᐊᒻᒪᓗ ᓂᐅᕕᕐᑎᓂᒃ ᐋᕐᕿᓱᐃᓗᑎᒃ ᐊᑐᕐᑕᐅᒋᐊᓕᓐᓂᒃ ᐊᒻᒪᓗ ᐱᓇᓱᐊᕈᑎᐅᒋᐊᓕᓐᓂᒃ ᐃᓱᓕᓂᖏᓐᓄᑦ ᐱᓇᓱᐊᕈᑎᐅᓚᖓᔪᓂᒃ ᐊᒻᒪᓗ ᐃᑉᐱᒋᓗᒋᑦ ᑕᒻᒪᓯᒪᒻᒪᖔᑕ ᐊᑭᓕᕋᑦᓴᓕᐊᕆᔭᐅᒪᔪᑦ ᐊᓪᓚᖁᑎᖏᑦ;
  • ᓈᒻᒪᓯᓕᕐᑎᕆᖃᑦᑕᓗᓂ ᓂᐅᕕᕐᕕᐅᑉ ᑮᓇᐅᔭᓕᕆᐅᑎᖏᑦᑕ ᐊᓪᓚᓯᒪᔭᐅᒍᑎᖏᓐᓂᒃ;
  • ᐊᐅᓚᑦᓯᖃᑦᑕᓗᓂ ᓂᐅᕕᕐᕕᐅᑉ ᐊᓪᓚᖁᑎᖏᓐᓂᒃ;
  • ᖃᐅᔨᓴᖃᑦᑕᓗᓂ ᑮᓇᐅᔭᓂᒃ ᑐᓴᕐᑎᓯᒍᑎᖏᓐᓂᓗ;
  • ᐊᑐᐃᓐᓇᒍᕐᑎᓂᖅ ᐊᑭᓖᒍᑎᓕᐅᕐᓂᓗ ᓂᐅᕕᕐᕕᐅᔪᕕᓂᕐᓄᑦ;
  • ᐱᓇᓱᒋᐊᓕᒻᒥᓂᓪᓗ ᐱᓇᓱᐊᕐᓗᓂ ᐊᓯᖏᓐᓂᒃ ᕆᐊᖃᓕᑐᐊᕈᓂ.

ᐱᒍᓐᓇᐅᑎᒋᒋᐊᓕᖏᑦ:

ᐳᕐᑐᓂᕐᓴᒋᐊᓪᓚᒥ ᐃᓕᓐᓂᐊᕕᒻᒥ ᐱᔭᕇᕈᑎᑖᕐᓯᒪᓗᓂ ᓇᒻᒥᓂᖅ ᑮᓇᐅᔭᓕᐅᕋᓱᐊᕐᓂᒧᑦ ᐊᐅᓚᑦᓯᓂᓕᕆᓂᕐᒥᒃ ᑮᓇᐅᔭᓕᕆᓂᕐᒥᒃ ᐃᓕᓐᓂᐊᑕᖃᕐᓯᒪᓗᓂ, ᐅᕝᕙᓘᓐᓃᑦ ᐱᔭᕇᕈᑎᒥᒃ ᐅᕝᕙᓘᓐᓃᑦ ᐃᓕᑕᕆᔭᐅᒍᑎᒥᒃ ᐃᓕᓐᓂᐊᓯᒪᓂᕐᒧᑦ ᐃᓕᑕᕆᔭᐅᔪᒥᒃ ᐊᑦᔨᖓᓂᒃ ᐃᓕᓴᕐᓂᓕᕆᓂᕐᒧᑦ.

ᐃᓕᓐᓂᐊᓂᓕᕆᓂᖅ ᖁᓛᓂ ᐅᖃᕐᑕᐅᔪᓂᒃ ᐊᑐᖕᖏᑑᑎᑦᓯᒍᓐᓇᑐᖅ ᐱᒍᓐᓇᐅᑎᒋᔭᐅᒋᐊᓕᓐᓂᒃ ᓈᒻᒪᑐᕆᑦᓯᒍᓂ ᐊᖏᖃᑎᒌᓐᓂᒧᑦ ᐃᓚᐅᒍᑎᖃᕐᑐᒥᒃ ᐱᓇᓱᒐᕐᑖᕋᓱᐊᕐᑐᒥᒃ. ᐃᓕᓐᓂᐊᓂᓕᕆᓂᐅᓪᓗ ᐱᒋᐅᕐᓴᑎᑦᓯᒍᑎᖏᓐᓂᒃ ᐃᓚᐅᕕᖃᕋᔭᕐᓂᒥᒃ ᐊᖏᕐᓯᒪᔪᒥᒃ.

ᐃᑲᔪᕐᓯᒪᒋᐊᓪᓚᑐᑦ:

  • ᖃᐅᔨᒪᓗᓂ ᐊᓪᓚᑕᐅᓯᒪᒍᑎᓄᑦ ᖃᕆᑕᐅᔭᓕᕆᒍᑎᓂᒃ;
  • ᐅᖄᒍᓐᓇᓗᓂ ᒪᕐᕉᓂᒃ ᐃᓕᓴᕐᓂᓕᕆᓂᐅᑉ ᐅᖃᐅᓯᖏᓐᓂᒃ ᐱᖓᓱᓂ ᐅᖃᐅᓯᕐᓂ ᐃᓕᑕᕆᔭᐅᔪᓂ (ᐅᐃᒍᐃᑎᑐᑦ, ᖃᓪᓗᓈᑎᑐᑦ, ᐃᓄᑦᑎᑐᑦ);
  • ᐊᕐᕌᒍᓂ ᑕᓪᓕᒪᓂ ᐱᓇᓱᐊᕐᓯᒪᓗᓂ ᐊᑭᓕᕋᑦᓴᓕᕆᓂᕐᒥᐊᑕᐅᑦᓯᑰᕐᑎᓯᔨᐅᓂᕐᒥᓗ ᐱᓇᓱᑦᑎᓂᒃ.

ᐱᓇᓱᒐᖓᑕ ᑌᔭᐅᓂᖓ / ᑮᓇᐅᑦᔭᓵᖏᑦ / ᐃᓱᕐᕉᑎᑦᓴᖏᓪᓗ:

ᒪᓕᑦᓱᒋᑦ ᐱᓇᓱᒍᑦᔨᓂᕐᒧᑦ ᐊᖏᕐᓯᒪᐅᑎᖏᑦ ᐱᓇᓱᑦᑎᑐᐃᓐᓀᑦ ᐱᓇᓱᑦᑏᓗ ᑲᑐᑦᔨᖃᑎᒌᓐᓂᖏᑦ ᑯᐯᑉ ᑕᕐᕋᖓᓂ / $22.23-ᓂᑦ $29.05-ᓄᑦ ᑎᑭᐅᑎᒍᓐᓇᑐᑦ / ᑫᕙᓪᓚᒍᓯᑕᒫᑦ ᐱᒍᓐᓇᐅᑎᖏᑦ ᐱᓇᓱᐊᕐᓯᒪᓂᖏᓪᓗ ᒪᓕᑦᓱᒋᑦ.

ᑮᓇᐅᑦᔭᓵᖏᓐᓄᑦ ᐃᓚᐅᑎᓪᓗᒍ ᐅᑯᓂᖓ ᐱᕙᓪᓕᖁᑎᑖᕈᓐᓇᒥᔪᖅ:

  • 20 ᐅᓪᓗᐃᑦ ᐊᕐᕌᒍᑕᒫᑦ ᑭᑲᕈᑏᑦ
  • ᒪᕐᕉᓂᒃ ᐱᓇᓱᐊᕈᓰᓐᓂᒃ ᕿᑲᕐᓇᓯᐅᕐᓇᐅᓂᖓᓂ

ᒪᑯᓂᖓᓗ ᐱᕙᓪᓕᖁᑎᑖᕈᓐᓇᓱᓂ:

  • ᐅᐱᕐᖔᓯᐅᑎᓂᒃ ᑫᕙᓪᓚᒍᓯᖃᕐᓂᖅ
  • ᐃᓪᓗᖃᕐᓂᖅ
  • ᐅᑭᐅᕐᑕᑐᒥᐅᖑᓂᕐᒧᑦ ᐊᑭᓕᕐᑕᐅᒋᐊᓪᓛᕈᑏᑦ
  • ᐊᓂᕐᕋᑫᓐᓇᓂᕐᒧᑦ ᖃᖓᑦᑕᐅᑏᑦ
  • ᓂᕿᓂᒃ ᖃᖓᑦᑕᔫᒃᑯᑦ ᑎᑭᓭᓃᑦ   

ᐱᕙᓪᓕᖁᑎᑖᕈᑎᓕᒫᑦ ᐱᖃᕐᑎᑕᐅᔪᑦ ᑐᖕᖓᕕᒋᑦᓱᒋᑦ ᐱᔭᑦᓴᖏᑦᑕ ᐳᓴᓐᑎᖏᑦ.

ᐃᓱᓕᕝᕕᓴᖓ ᐱᓇᓱᒐᕐᑖᕋᓱᐊᕐᓂᐅᑉ: 4:00-ᖑᐸᑦ, ᔮᓄᐊᕆ 23, 2020

ᖃᐅᔨᑎᑦᓯᓛᕐᑐᒍᑦ ᐱᓇᓱᒐᕐᑖᕋᓱᐊᕐᑐᓂᒃ ᐱᒍᓐᓇᐅᔪᕆᔭᑦᑎᓂᒃ.

Back To Top