skip to Main Content
ᐱᓇᓱᒉᑦ ᑲᑎᕕᒃ ᐃᓕᓴᕐᓂᓕᕆᓂᕐᒥ

ᐊᐅᓚᑦᓯᓂᓕᕆᓂᕐᒥ ᐱᓪᓗᑯᒋᐊᓕᓕᕆᔨ – ᐱᓇᓱᑦᑎᓴᕐᓯᐅᓂᕐᒥ

ᐱᓇᓱᒐᖅ:

ᐊᐅᓚᑦᓯᓂᓕᕆᓂᕐᒥ ᐱᓪᓗᑯᒋᐊᓕᓕᕆᔨ – ᐱᓇᓱᑦᑎᓴᕐᓯᐅᓂᕐᒥ

ᐊᓪᓚᕕᖓ:

ᐱᓇᓱᑦᑎᓕᕆᕕᒃ

ᐱᓇᓱᒐᐅᑉ ᑭᑎᑦᔪᑎᖓ:

ADMTECHR2001-01

ᓇᓃᓐᓂᓴᖓ:

ᒪᓐᑐᔨᐊᓪ

ᖃᓄᐃᑦᑐᑑᓂᖓ:

ᐃᓇᖏᕐᓯᓯᒪᔪᖅ

ᐱᒋᐊᕐᕕᓴᖓᑕ ᐅᓪᓗᖓ:

ᔮᓄᐊᕆ 2020 -ᒥᑦ ᑏᓯᒻᐱᕆ, 2020-ᒧᑦ

ᑲᑎᕕᒃ ᐃᓕᓴᕐᓂᓕᕆᓂᖅ ᐃᓕᓴᕐᓂᓕᕆᓂᐅᕗᖅ ᐃᓕᓐᓂᐊᓂᓕᕆᓂᕐᒥᒃ ᐱᑕᖃᕐᑎᓯᑦᓱᓂ ᓄᓇᓕᓐᓂ 14-ᓂᒃ ᓄᓇᕕᒻᒥ.

ᐃᓂᖓ ᐱᓇᓱᐊᕆᐊᓕᖏᓪᓗ:

ᐊᖓᔪᕐᖄᖃᕐᓗᓂ ᐱᓇᓱᑦᑐᓕᕆᕕᒻᒥ ᑐᑭᒧᐊᑦᑎᓯᔨᐅᑉ ᐃᑲᔪᕐᑎᖓᓂᒃ, ᐊᐅᓚᑦᓯᓂᓕᕆᓂᕐᒥ ᐱᓪᓗᑯᒋᐊᓕᓕᕆᔨ ᐱᓇᓱᓗᐊᖕᖑᐊᓲᖅ ᐱᓇᓱᑦᑎᓴᕐᓯᐅᕈᑎᓄᑦ-ᐃᓕᖓᔪᓂᒃ ᐱᓇᓱᐊᕋᑦᓴᓂᒃ ᐃᓘᓐᓈᒍᑦ ᐃᓕᓴᕐᓂᓕᕆᓂᕐᒥ, ᐱᓇᓱᐊᕐᑕᖏᑦ ᐃᓚᖃᕐᑎᓗᒋᑦ ᐅᑯᓂᖓ:

ᐱᓇᓱᑦᑎᓕᕆᒍᑎᓅᓕᖓᔪᑦ:

  • ᐊᑐᐃᓐᓇᕈᕐᑎᕆᓗᓂ ᐊᒻᒪᓗ ᓇᐅᓕᒫᓄᑦ ᒪᓂᔨᓗᓂ ᐱᓇᓱᒐᑦᓭᑦ ᓂᕕᖕᖓᑕᐅᔪᑦ ᓄᐃᑕᐅᒍᑎᖏᓐᓂᒃ ᐃᓕᓴᕐᓂᓕᕆᓂᕐᒥ ᐊᒻᒪᓗ ᓯᓚᑖᓂᑦ ᐱᓇᓱᖃᑎᒋᓗᒋᑦ ᐱᓇᓱᑦᑐᓕᕆᕕᒻᒥ ᐊᑕᐅᑦᓯᑰᕐᑎᓯᔩᑦ ᐊᒻᒪᓗ ᐱᓇᓱᑦᑐᓕᕆᕕᒻᒥ ᑐᑭᒧᐊᑦᑎᓯᔨᐅᑉ ᐃᑲᔪᕐᑎᖓ;
  • ᓄᓇᓕᓐᓂᑦ ᐊᐅᓚᑦᓯᓂᓕᕆᔨᓂᒃ ᐃᑲᔪᕐᐸᓗᓂ ᐱᓇᓱᒉᑦ ᒪᓂᔭᐅᒍᑎᖏᑦᑕ ᐱᓇᓱᑦᑕᐅᒍᑎᖏᓐᓂᑦ;
  • ᐱᓇᓱᒐᕐᑖᕋᓱᑦᑐᑦ ᐊᒡᓚᓯᒪᔪᖁᑎᖏᓐᓂᒃ ᑎᒍᓯᔨᐅᓗᓂ, ᐊᒡᓚᓯᒪᔪᓂᑦ ᒪᓕᐅᑎᑎᓗᒋᑦ ᓱᓇᓐᓂᐊᑎᐅᓂᖏᓐᓂᒃ ᒪᓕᑦᑎᓗᒋᑦ ᖃᐅᔨᓴᕐᓗᒋᓗ ᐱᑕᖃᕆᐊᖃᕐᓂᕋᕐᑕᐅᓯᒪᔪᑦ ᑐᖕᖓᕕᒋᓗᒋᑦ;
  • ᐃᓘᓐᓇᖏᓐᓄᑦ ᐱᓇᓱᒐᕐᓄᑦ ᐱᓇᓱᒐᕐᑖᕋᓱᐊᕐᑐᓂᒃ ᐊᐱᕐᓱᓂᐅᒋᐊᓕᓐᓂᒃ ᐊᑕᐅᑦᓯᑰᕐᑎᓯᔨᐅᓗᓂ (ᐱᓇᓱᒐᕐᒨᓂᖓᑕ-ᓯᕗᓂᖓᓂ ᖃᐅᔨᓴᕈᑎ, ᐊᐱᕐᓱᑕᐅᒍᑎᖏᓐᓂ ᐊᐱᕐᓲᑏᑦ, ᐱᓇᓱᒐᕐᑖᕋᓱᑦᑑᑦ ᐊᒡᓚᓯᒪᔪᖏᑦᑕ ᐊᑦᔨᖓ, ᑮᓇᐅᑦᔭᓵᑦ ᖁᕝᕙᓯᓕᕇᓐᓂᖏᑦ, ᓱᓇᒥᒃ ᐱᓇᓱᑦᑎᐅᓂᖓᑕ ᑐᑭᓯᓇᕈᑎᖓ, ᐊᒻᒪᓗ ᐱᓇᓱᕝᕕᐅᓂᐊᕐᑐᒥᒃ ᐊᐱᕐᓱᓂᕐᓄᑦ ᖃᕆᐊᒥᒃ ᐃᓂᓕᐅᕐᓯᓂᖅ);
  • ᐱᓇᓱᒐᕐᑖᕋᓱᐊᕐᑐᓂᒃ ᙯᖁᔨᕙᓪᓗᓂ ᖃᐅᔨᓴᕐᑕᐅᒋᐊᖃᕐᓂᖏᓐᓄᑦ ᐊᐱᕐᓱᑕᐅᒋᐊᖃᕐᓂᖏᓐᓄᓗ;
  • ᐱᓇᓱᐊᕐᓗᓂ ᖃᐅᔨᒐᓱᐊᕐᑕᐅᒋᐊᓕᓐᓂᒃ ᐱᓇᓱᐊᕐᓯᒪᓂᖓᓂᒃ ᐅᖄᕕᐅᒍᓐᓇᓂᕋᕐᓯᒪᔭᖏᓐᓂᒃ ᐊᒻᒪᓗ ᐱᖁᔭᒥᒃ ᓯᖁᒥᑦᓯᓂᕐᒥᒃ ᐊᒡᓚᑕᐅᓯᒪᒍᑎᖃᕐᒪᖔᑕ;
  • ᐊᕐᕌᒍᑕᒫᖅ ᐃᓕᓐᓂᐊᑎᑦᓯᔨᑦᓴᓯᐅᕐᓂᒧᑦ ᐱᓇᓱᐊᕐᑕᐅᓲᓂᒃ ᐸᕐᓀᒍᑎᓂᒃ ᐋᕐᕿᓱᐃᖃᑎᐅᓗᓂ ᐊᒻᒪᓗ ᐅᓪᓗᖁᑎᓕᐅᖃᑎᐅᓗᓂ, ᐃᓚᐅᒻᒥᑎᓪᓗᒍ ᐱᓇᓱᒐᕐᑖᕕᑦᓴᓂᒃ ᑕᑯᔭᒐᖃᕐᑎᓯᓂᕐᓄᑦ ᐅᐸᒍᑎᑦᓴᓄᑦ ᓇᓗᓀᕈᑎᒃ;
  • ᓄᑖᓃᒃ ᐃᓕᓐᓂᐊᑎᑦᓯᔨᓂᒃ ᖃᐅᔨᑎᑦᓯᓗᓂ ᓱᓀᑦ ᐊᒡᓚᓯᒪᔪᑦ ᐱᑕᖃᕆᐊᖃᕐᒪᖔᑕ ᐱᓇᓱᑦᑎᐅᓂᖓᓄᑦ ᐊᒡᓚᓯᒪᔪᖃᐅᑎᖓᓂ, ᐊᒻᒪᓗ ᖃᐅᔨᒋᐊᕐᓗᓂ ᐃᓕᓐᓂᐊᓯᒪᓂᖓᑕ ᐱᓇᓱᑦᑎᒪᕆᐅᓂᖓᓄᓗ ᐱᔪᓐᓇᐅᑎᖏᓐᓂᒃ;
  • ᐊᑐᐃᓐᓇᕈᕐᑎᕆᓗᓂ ᐊᐅᓪᓚᑎᑦᓯᓗᓂᓗ ᐱᓇᓱᑦᑎᑖᕆᔭᐅᔪᑦ ᐊᒡᓚᑖᕐᑎᑕᐅᒍᑎᖏᓐᓂᒃ, ᐊᒡᓚᓯᒪᔪᖁᑎᓕᒫᖏᓐᓂᒃ, ᐊᒻᒪᓗ ᐱᓇᓱᑦᑎᑖᕆᔭᐅᓂᖓᓄᑦ ᐊᖏᖃᑎᒌᒍᑎᒥᒃ ᐃᓕᓐᓂᐊᑎᑦᓯᔨᓄᑦ ᐊᒻᒪᓗ ᑲᒪᔨᓄᑦ;
  • ᐱᓇᓱᑦᑏᑦ ᐊᒡᓚᓯᒪᔪᖁᑎᖏᓐᓂᒃ ᐋᕐᖀᓱᐃᓗᓂ ᓄᑖᓄᑦ ᐱᓇᓱᑦᑎᑖᕆᔭᐅᔪᓄᑦ ᐊᒻᒪᓗ ᐱᑕᖃᕆᐊᓕᓕᒫᓂᒃ ᐊᒡᓚᓯᒪᔪᖁᑎᒋᒋᐊᓕᓕᒫᖏᓐᓂᒃ ᐱᓗᓂ;
  • ᐊᑐᐃᓐᓇᕈᕐᑎᕆᓗᓂ ᐱᓇᓱᓚᐅᕐᓯᒪᓂᖓᓂᒃ ᓱᓕᓂᕃᒍᑎᓂᒃ, ᐱᓇᓱᓐᓂᖓᑕ ᐃᓕᓐᓂᐊᓯᒪᓂᖓᑕᓗ ᐊᒡᓚᓯᒪᔪᖏᓐᓂᒃ ᑐᑦᓯᕋᕐᑕᐅᓕᕐᐸᑕ ᐱᓇᓱᑦᑎᓄᑦ;
  • ᓄᑕᐅᓯᓕᕐᑎᕆᓗᓂ ᐱᓇᓱᑦᑏᑦ ᓈᓴᕐᑕᐅᓯᒪᒍᑎᖏᓐᓂᒃ ᓄᑖᑦ ᐱᓇᓱᑦᑎᑖᕆᔦᑦ ᐃᓕᐅᕐᖃᓗᒋᑦ;
  • ᑐᑭᓯᒪᒍᑎᑦᓴᓂᒃ ᐳᑯᓪᓗᓂ ᐊᒻᒪᓗ ᑐᓴᕐᑎᓯᒍᑎᓕᐅᖃᑦᑕᓗᓂ ᐱᓇᓱᑦᑎᓕᕆᒍᑎᓅᓕᖓᔪᓕᒫᓂᒃ (ᐱᓇᓱᒉᑦ ᐃᓐᓄᕆᐊᓖᑦ, ᐱᓇᓱᒉᑦ ᒪᓂᔭᐅᓯᒪᔪᑦ, ᐱᓇᓱᒐᕐᑖᒍᒪᒍᑏᑦ ᐱᔭᕗᑦ, ᐊᓯᖏᓪᓗ).

ᐃᓕᓐᓂᐊᑎᑦᓯᔩᑦ ᐃᓕᑕᕆᔭᐅᒍᑎᖏᓐᓅᓕᖓᔪᑦ ᐊᒻᒪᓗ ᓇᓗᓀᕐᓯᒪᔭᐅᒍᑎᖏᓐᓄᑦ:

  • ᖃᐅᔨᑎᓗᒋᑦ ᑌᒃᑯᐅ ᐃᓕᓐᓂᐊᑎᑦᓯᔩᑦ ᐱᖁᔭᒃᑯᑦ ᐱᔪᓐᓇᑎᑕᐅᖕᖏᑐᑦ ᑯᐯᒻᒥ ᖃᓄᖅ ᐃᓕᑕᕆᔭᐅᒍᑎᑖᕈᑎᒃ ᐱᓇᓱᐊᕐᑕᐅᓲᖑᒻᒪᖔᑦ;
  • ᖃᐅᔨᒪᖃᑎᒌᑦᑎᓯᔨᐅᓗᓂ ᑯᐯᒻᒥ ᐃᓕᓐᓂᐊᓂᕐᒥ ᑐᕐᖃᑕᕐᕕᒧᑦ, ᐃᓕᓐᓂᐊᕕᕐᔪᐊᒥᑦ UQAT, ᐃᓕᓐᓂᐊᑎᑦᓯᔨᓄᑦ ᐊᒻᒪᓗ ᐃᓕᓐᓂᐊᑎᑦᓯᔩᑦ ᐱᒋᐅᕐᓴᑎᑕᐅᓂᖓᓄᑦ;
  • ᐊᒡᓚᓯᒪᔪᓕᐅᕐᓗᓂ ᐊᑕᓐᓂᐅᒍᑎᓂᒃ ᐃᓕᓐᓂᐊᑎᑦᓯᔨᐅᑎᑕᐅᒍᓐᓇᕈᑎᑦᓴᖏᑦᑕ ᓈᒻᒪᒋᔭᐅᒍᑎᑦᓴᖏᓐᓂᒃ ᐊᒻᒪᓗ ᐃᓱᓕᓛᕐᑐᒥᒃ ᐃᓕᓐᓂᐊᑎᑦᓯᔨᐅᓂᕐᒧᑦ ᐊᖏᕐᑕᐅᓯᒪᒍᓐᓇᕈᑎᓂᒃ;
  • ᐊᒡᓚᓯᒪᔪᓕᐅᕐᓗᓂ ᐃᓕᓐᓂᐊᓯᒪᓂᖓᓂᒃ ᐃᓕᑕᕐᓯᒍᑎᖏᓐᓂᒃ ᐊᑕᓐᓂᐅᕈᑎᓂᒃ ᐱᒍᓐᓇᓯᒍᑎᑦᓴᓄᑦ ᓱᓕᓂᕃᒍᑎᒥᒃ;

ᐱᓇᓱᒐᕐᒥ ᐆᒃᑐᕋᕐᑕᐅᓂᖓᓅᓕᖓᔪᑦ:

  • ᖃᐅᔨᒪᑎᓗᒋᑦ ᐃᓕᓐᓂᐊᑎᑦᓯᔩᑦ ᐊᒻᒪᓗ ᑲᒪᔩᑦ ᐱᓇᓱᒐᕐᒥ ᐆᒃᑐᕋᕐᑕᐅᒍᑏᑦ ᖃᓄᖅ ᐱᓇᓱᐊᕐᑕᐅᓲᖑᒻᒪᖔᑕ;
  • ᐊᑐᐃᓐᓇᕈᕐᑎᕆᓗᓂ ᐃᓕᓐᓂᐊᒐᑦᓴᓂᒃ ᐱᔪᓐᓇᐅᑎᖏᓐᓂᒃ ᓱᓕᓂᕃᒍᑎᓅᓕᖓᔪᓂᒃ ᐊᓯᖏᓐᓂᓗ ᐊᑐᕆᐊᓕᓐᓂᒃ ᐊᒡᓚᓯᒪᔪᓂᒃ.

ᐱᒍᓐᓇᐅᑎᒋᒋᐊᓕᖏᑦ:

ᐃᓕᓐᓂᐊᕕᒻᒥ ᐳᕐᑐᓂᕐᓴᒥ ᐱᔭᕇᕈᑎᑖᕐᓯᒪᓗᓂ ᐊᐅᓚᑦᓯᓂᓕᕆᓂᕐᒥ ᐱᓪᓗᑯᒋᐊᓕᓕᕆᒍᓯᕐᓂᒃ ᐱᓇᓱᑦᑎᓕᕆᕕᒻᒥ ᐁᑉᐸᖃᕐᓯᒪᑎᓪᓗᒍ, ᐅᕝᕙᓘᓐᓃᑦ ᐱᔭᕇᕈᑎᑖᕐᓯᒪᓗᓂ ᐃᓕᑕᕆᔭᐅᒍᑎᑖᕐᓯᒪᓗᓂᓘᓐᓃᑦ ᐃᓕᓐᓂᐊᓯᒪᓂᕐᒥᓄᑦ ᑖᒃᑯᓄᖓ ᓇᓪᓕᖁᐊᕆᔭᐅᑎᑕᐅᔪᒥᒃ ᐱᔪᓐᓇᐅᑎᖃᕐᕕᒋᑦᓱᒍ ᐊᖓᔪᕐᖃᐅᕕᓕᒻᒧᑦ ᐊᒻᒪᓗ ᒪᕐᕉᓂᒃ (2) ᐊᕐᕌᒎᓐᓂᒃ ᐱᓇᓱᑦᑎᓕᕆᓂᕐᒥᒃ ᐱᓇᓱᓚᐅᕐᓯᒪᓗᓂ.

ᐃᓕᓐᓂᐊᓂᓕᕆᓂᖅ ᖁᓛᓂ ᐅᖃᕐᑕᐅᔪᓂᒃ ᐊᑐᖕᖏᑑᑎᑦᓯᒍᓐᓇᑐᖅ ᐱᒍᓐᓇᐅᑎᒋᔭᐅᒋᐊᓕᓐᓂᒃ ᓈᒻᒪᑐᕆᑦᓯᒍᓂ ᐊᖏᖃᑎᒌᓐᓂᒧᑦ ᐃᓚᐅᒍᑎᖃᕐᑐᒥᒃ ᐱᓇᓱᒐᕐᑖᕋᓱᐊᕐᑐᒥᒃ. ᐃᓕᓐᓂᐊᓂᓕᕆᓂᐅᓪᓗ ᐱᒋᐅᕐᓴᑎᑦᓯᒍᑎᖏᓐᓂᒃ ᐃᓚᐅᕕᖃᕋᔭᕐᓂᒥᒃ ᐊᖏᕐᓯᒪᔪᒥᒃ.

ᐃᑲᔪᕐᓯᒪᒋᐊᓪᓚᑐᑦ:

  • ᒪᕐᕉᓂᒃ ᐅᖃᐅᓯᖃᕐᓗᓂ (ᒍᐃᒍᐃᑎᑐᑦ ᐊᒻᒪᓗ ᖃᓪᓗᓈᑎᑐᑦ;
  • ᐊᕐᕕᑕᖃᑦᑕᕆᐊᓕᒃ;
  • ᖃᐅᔨᒪᓗᓂ ᐊᒻᒪᓗ ᐊᑐᕈᓐᓇᓯᐊᕐᓗᓂ Word ᐊᒻᒪᓗ Excel ᖃᕆᑕᐅᔭᒥ ᐃᒻᒥᓂᕿᒍᓐᓇᓯᐊᕐᓗᓂ ᐊᑐᓕᕈᓂᒋᒃ;
  • ᖃᐅᔨᒪᓪᓚᕆᓪᓗᓂ ᐱᓇᓱᑦᑎᓴᕐᓯᐅᓂᕐᒥᒃ ᐱᓇᓱᑦᑎᒪᕆᓄᑦ ᑐᓴᑲᑦᑕᐅᑎᒍᑎᓂᒃ ᐊᕐᖁᑎᖃᕐᓗᓂ;
  • ᐱᓇᓱᑦᑎᐅᒍᓇᕐᓂᒃ ᕿᓂᕈᑎᓂᒃ ᐱᓇᓱᐊᓯᑦᓴᐅᑎᒋᓲᖑᓗᓂ;
  • ᐊᕐᓱᕈᐊᓪᓚᓇᕐᑎᓯᔪᓂᑦ ᐱᓇᓱᐊᕈᓐᓇᓗᓂ ᐊᒻᒪᓗ ᐱᕕᑦᓴᑭᑦᑑᑎᑕᐅᔪᓂᒃ ᓈᒻᒪᓈᕆᑎᑦᓯᒍᓐᓇᓗᓂ;

ᐱᓇᓱᒐᖓᑕ ᑌᔭᐅᓂᖓ / ᑮᓇᐅᑦᔭᓵᖏᑦ / ᐃᓱᕐᕉᑎᑦᓴᖏᓪᓗ:

ᒪᓕᑦᓱᒋᑦ ᐱᓇᓱᒍᑦᔨᓂᕐᒧᑦ ᐊᖏᕐᓯᒪᐅᑎᖏᑦ ᐱᓇᓱᑦᑎᑐᐃᓐᓀᑦ ᐱᓇᓱᑦᑏᓗ ᑲᑐᑦᔨᖃᑎᒌᓐᓂᖏᑦ ᑯᐯᑉ ᑕᕐᕋᖓᓂ / $22.23-ᓂᑦ $29.05-ᓄᑦ ᑎᑭᐅᑎᒍᓐᓇᑐᑦ / ᑫᕙᓪᓚᒍᓯᑕᒫᑦ ᐱᒍᓐᓇᐅᑎᖏᑦ ᐱᓇᓱᐊᕐᓯᒪᓂᖏᓪᓗ ᒪᓕᑦᓱᒋᑦ.

ᑮᓇᐅᑦᔭᓵᖏᓐᓄᑦ ᐃᓚᐅᑎᓪᓗᒍ ᐅᑯᓂᖓ ᐱᕙᓪᓕᖁᑎᑖᕈᓐᓇᒥᔪᖅ:

  • 20 ᐅᓪᓗᐃᑦ ᐊᕐᕌᒍᑕᒫᑦ ᑭᑲᕈᑏᑦ
  • ᒪᕐᕉᓂᒃ ᐱᓇᓱᐊᕈᓰᓐᓂᒃ ᕿᑲᕐᓇᓯᐅᕐᓇᐅᓂᖓᓂ

ᒪᑯᓂᖓᓗ ᐱᕙᓪᓕᖁᑎᑖᕈᓐᓇᓱᓂ:

  • ᐅᐱᕐᖔᓯᐅᑎᓂᒃ ᑫᕙᓪᓚᒍᓯᖃᕐᓂᖅ
  • ᐃᓪᓗᖃᕐᓂᖅ
  • ᐅᑭᐅᕐᑕᑐᒥᐅᖑᓂᕐᒧᑦ ᐊᑭᓕᕐᑕᐅᒋᐊᓪᓛᕈᑏᑦ
  • ᐊᓂᕐᕋᑫᓐᓇᓂᕐᒧᑦ ᖃᖓᑦᑕᐅᑏᑦ
  • ᓂᕿᓂᒃ ᖃᖓᑦᑕᔫᒃᑯᑦ ᑎᑭᓭᓃᑦ   

ᐱᕙᓪᓕᖁᑎᑖᕈᑎᓕᒫᑦ ᐱᖃᕐᑎᑕᐅᔪᑦ ᑐᖕᖓᕕᒋᑦᓱᒋᑦ ᐱᔭᑦᓴᖏᑦᑕ ᐳᓴᓐᑎᖏᑦ.

ᐃᓱᓕᕝᕕᓴᖓ ᐱᓇᓱᒐᕐᑖᕋᓱᐊᕐᓂᐅᑉ: 4:00-ᖑᐸᑦ, ᔮᓄᐊᕆ 20, 2020

ᖃᐅᔨᑎᑦᓯᓛᕐᑐᒍᑦ ᐱᓇᓱᒐᕐᑖᕋᓱᐊᕐᑐᓂᒃ ᐱᒍᓐᓇᐅᔪᕆᔭᑦᑎᓂᒃ.

Back To Top