skip to Main Content
ᐱᓇᓱᒉᑦ ᑲᑎᕕᒃ ᐃᓕᓴᕐᓂᓕᕆᓂᕐᒥ

ᐊᐅᓚᑦᓯᓂᓕᕆᓂᕐᒥ ᑲᒪᔨ – ᐱᓇᓱᑦᑎᓴᕐᓯᐅᓂᖅ

ᐱᓇᓱᒐᖅ:

ᐊᐅᓚᑦᓯᓂᓕᕆᓂᕐᒥ ᑲᒪᔨ – ᐱᓇᓱᑦᑎᓴᕐᓯᐅᓂᖅ

ᐊᓪᓚᕕᖓ:

ᐱᓇᓱᑦᑎᓅᓕᖓᔪᓂᒃ ᐱᓇᓱᕝᕕᒃ

ᐱᓇᓱᒐᐅᑉ ᑭᑎᑦᔪᑎᖓ:

ADMOFFREC2001-01

ᓇᓃᓐᓂᓴᖓ:

ᒪᓐᑐᔨᐊᒥ

ᖃᓄᐃᑦᑐᑑᓂᖓ:

ᐅᓪᓗᓕᒫᕐᓯᐅᑎ ᐊᑌᓐᓇᑐᖅ ᐱᓇᓱᒐᖅ

ᐱᒋᐊᕐᕕᓴᖓᑕ ᐅᓪᓗᖓ:

ᕕᑉ ᕗᐊᕆ 2020

ᑲᑎᕕᒃ ᐃᓕᓴᕐᓂᓕᕆᓂᖅ ᐃᓕᓴᕐᓂᓕᕆᓂᐅᕗᖅ ᐃᓕᓐᓂᐊᓂᓕᕆᓂᕐᒥᒃ ᐱᑕᖃᕐᑎᓯᑦᓱᓂ ᓄᓇᓕᓐᓂ 14-ᓂᒃ ᓄᓇᕕᒻᒥ

ᐃᓂᖓ ᐱᓇᓱᐊᕆᐊᓕᖏᓪᓗ:

ᑖᓐᓇ ᐱᓇᓱᒐᖅ ᑲᒪᒋᔭᖃᕆᐊᓕᒃ, ᐱᓗᐊᕐᑐᒥᒃ, ᐃᓚᐅᕕᖃᕐᓗᓂ ᐊᑐᐃᓐᓇᕈᕐᑎᑕᐅᓂᖏᓐᓂᑦ, ᐊᖑᒻᒪᑎᑎᑦᓯᒍᑎᐅᓂᖏᓐᓂᑦ ᐊᒻᒪᓗ ᐊᑐᕐᑎᑕᐅᓂᖏᓐᓂᒃ ᐊᐅᓚᑦᓯᓂᓕᕆᓂᕐᒥ ᒪᓕᒉᑦ, ᒪᓕᑦᑕᐅᒋᐊᓖᑦ ᐊᒻᒪᓗ ᐱᓇᓱᒍᓯᐅᒋᐊᓖᑦ ᐱᓇᓱᑦᑎᓴᕐᓯᐅᓂᕐᒥ ᐱᓇᓱᕝᕕᒥ.\

ᐊᖓᔪᕐᖄᖃᕐᓗᓂ ᐱᓇᓱᑦᑐᓕᕆᕕᒻᒥ ᑐᑭᒧᐊᑦᑎᓯᔨᐅᑉ ᐃᑲᔪᕐᑎᖓᓂᒃ, ᐊᐅᓚᑦᓯᓂᓕᕆᓂᕐᒥ ᑲᒪᔨ ᐅᑯᓂᖓ ᐱᓇᓱᒋᐊᓕᒃ, ᐱᓗᐊᕐᑐᒥᒃ:

  • ᐋᕐᕿᓱᐃᓗᓂ, ᐊᒡᓚᓯᒪᔪᓕᐅᕆᐊᖕᖓᓗᓂ, ᐊᒻᒪᓗ ᐸᕐᓀᓗᓂ ᐱᓇᓱᒍᓯᐅᒋᐊᓕᓐᓂᒃ ᐱᓇᓱᑦᑎᓴᕐᓯᐅᓂᕐᒥ ᐱᓇᓱᑦᑎᙯᓐᓇᓂᕐᒥᓗ ᖃᓄᐃᓘᕈᑏᑦ ᐱᓇᓱᐊᕐᑌᓗ ᑲᔪᓯᑎᑕᐅᓂᖏᓐᓅᓕᖓᔪᓂᒃ;
  • ᑐᑭᓯᓗᓂ, ᑐᑭᓯᓇᕐᑎᓯᓗᓂ, ᐊᒻᒪᓗ ᐊᑐᕐᑕᐅᑎᑦᓯᓗᓂ ᑲᑎᕕᒃ ᐃᓕᓴᕐᓂᓕᕆᓂᕐᒥ ᐱᓇᓱᑦᑏᑦ ᑲᑐᑦᔨᖃᑎᒌᓐᓂᖏᑦᑕ ᐊᖏᖃᑎᒌᓐᓂᖏᓐᓂᒃ;
  • ᖃᐅᔨᓴᕐᓗᓂ ᐋᕐᕿᓱᐃᓗᓂᓗ ᐊᐱᕐᓱᕈᑏᑦ ᐆᒃᑐᕋᕐᑕᐅᓂᖏᓐᓄᑦ ᐱᓇᓱᒍᓯᐅᓚᖓᔪᓂᒃ (ᐅᖃᐅᓯᖓ, ᐃᓱᒪᒍᓯᖓ, ᐊᓯᖏᓪᓗ)
  • ᑲᒪᒋᔭᖃᕆᐊᓕᒃ ᐊᐅᓪᓚᕈᑎᑦᓴᖏᓐᓂᒃ ᐱᓇᓱᑦᑎᑖᕆᔭᐅᕋᑖᕐᑐᐃᑦ ᐊᐅᓪᓚᕈᑎᑦᓴᖏᓐᓂᒃ ᐃᓂᕐᕋᐅᑎᓕᕆᓂᕐᒥ ᐱᓇᓱᕝᕕᒥᒃ ᐱᓇᓱᖃᑎᖃᕐᓗᓂ;
  • ᐋᕐᕿᓱᐃᓗᓂ ᑲᔪᓯᑎᑦᓯᓗᓂᓗ ᐱᓇᓱᑦᑎᑖᕆᔭᐅᕋᑖᕐᑐᐃᑦ ᓱᖏᐅᓯᓴᕐᑕᐅᑎᖏᓐᓂᒃ ᐃᓕᓐᓂᐊᑎᑕᐅᒍᑎᑦᓴᖏᓐᓂᓗ;
  • ᐋᕐᕿᓱᐃᓗᓂ ᐃᓕᓴᕐᓂᓕᕆᓂᕐᒨᓕᖓᑎᑦᓯᒍᑎᖏᑦᑕ ᓱᓇᒥᑦᑕᐅᓯᐊᕈᑎᑦᓴᖏᓐᓂᒃ ᐱᓇᓱᑦᑎᑖᕆᔭᐅᕋᑖᕐᑐᓄᑦ ᐊᖓᔪᕐᖄᖏᓐᓄᓗ ᐊᑐᕐᑕᐅᔪᑦᓴᓂᒃ;
  • ᐱᓇᓱᑦᑎᑖᕐᓂᒥ ᑲᒪᔨ ᐱᑕᖃᕆᐊᓕᓕᒫᓂᒃ ᐊᒡᓚᓯᒪᔪᖁᑎᓂᒃ ᒪᓕᑦᑕᐅᒋᐊᓕᓐᓂᓗ ᐱᓇᓱᑦᑎᑖᕐᓂᒧᑦ ᐊᑐᕆᐊᓕᓐᓂᒃ ᐊᑐᐃᓐᓇᖃᕐᑎᓯᐊᕐᓗᒍ;
  • ᖃᐅᔨᓴᕐᓗᓂ ᐃᓚᒋᐊᕐᓗᒋᓗ ᐱᓇᓱᑦᑎᙯᓐᓇᕈᑎᓄᑦ ᖃᓄᕐᑑᕈᑎᐅᔪᓂᒃ ᓄᑖᓂᒃ ᐱᓇᓱᑦᑎᑖᕐᓂᒧᑦ ᐱᓇᓱᑦᑎᐅᒌᕐᑐᓂᓪᓗ ᐱᓇᓱᑦᑎᙯᓐᓇᓂᕐᒨᓕᖓᔪᓂᒃ;
  • ᐁᑉᐸᖏᑦ 2 ᖃᕆᑕᐅᔦᑦ ᐱᑐᑦᓯᒪᖃᑎᒌᕝᕕᖓᓂᒃ ᓴᓇᔪᑦ ᖃᕆᑕᐅᔭᓕᕆᕕᒻᒥ ᑎᒥᐅᔪᒧᑦ ᐱᓇᓱᑦᑎᑕᐅᔪᒧᓪᓗ ᐱᓇᓱᑦᑕᐅᒋᐊᓖᑦ ᑲᔪᓯᑎᓗᒋᑦ;
  • ᓄᓇᓕᒻᒥ ᐊᑕᐅᑦᓯᑰᕐᑎᓯᔨᓂᒃ ᐃᑲᔪᕐᓯᓗᓂ, ᐱᓇᓱᑦᑎᑖᕐᓂᒧᑦ ᑭᖕᖒᒪᒋᔭᖏᑎᒍᑦ (ᐆᒃᑐᕋᐅᑎᒋᓗᒍ ᐱᓇᓱᒐᕐᓂᒃ ᒪᓂᔨᒍᑏᑦ & ᐊᐱᕐᓲᑏᑦ ᐱᓇᓱᑦᑎᑖᕋᓱᐊᕐᓂᒧᑦ);
  • ᓄᓇᕕᒻᒥ ᐊᒻᒪᓗ ᑲᓇᑕᒥ ᐱᓇᓱᒐᕐᓂᒃ ᑕᑯᔭᒐᖃᕐᑎᓯᓂᕐᓄᑦ ᐃᓚᐅᖃᑦᑕᓗᓂ;
  • ᐊᓯᓕᒫᖏᓐᓂᒃ ᐊᖓᔪᕐᖄᒥᓄᑦ ᐱᓇᓱᑦᑕᐅᖁᔭᕐᓂᒃ ᐱᓇᓱᖃᑦᑕᓗᓂ.

ᐱᒍᓐᓇᐅᑎᒋᒋᐊᓕᖏᑦ:

  • ᐱᔪᓐᓇᐅᑎᐅᑉ ᐊᓪᓕᖓᓂᒃ ᐊᑐᕐᓂᖃᑦᓯᐊᑐᒥᑦ ᐱᓇᓱᑦᑕᐅᔪᒥᒃ, ᐱᓗᐊᕐᑐᖅ ᐱᓇᓱᑦᑐᓕᕆᓂᕐᒨᓕᖓᔪᓂᒃ ᑲᒪᔨᐅᓂᕐᒥᒃ;
  • ᐊᕐᕌᒎᓐᓂᒃ ᒪᕐᕉᓂᒃ (2) ᐊᑐᕐᓂᖃᕈᓐᓇᑐᓂᒃ ᐱᓇᓱᑦᑐᓕᕆᓂᕐᒥ ᐱᓇᓱᓚᐅᕐᓯᒪᓗᓂ.

ᐃᓕᓐᓂᐊᓂᓕᕆᓂᖅ ᖁᓛᓂ ᐅᖃᕐᑕᐅᔪᓂᒃ ᐊᑐᖕᖏᑑᑎᑦᓯᒍᓐᓇᑐᖅ ᐱᒍᓐᓇᐅᑎᒋᔭᐅᒋᐊᓕᓐᓂᒃ ᓈᒻᒪᑐᕆᑦᓯᒍᓂ ᐊᖏᖃᑎᒌᓐᓂᒧᑦ ᐃᓚᐅᒍᑎᖃᕐᑐᒥᒃ ᐱᓇᓱᒐᕐᑖᕋᓱᐊᕐᑐᒥᒃ. ᐃᓕᓐᓂᐊᓂᓕᕆᓂᐅᓪᓗ ᐱᒋᐅᕐᓴᑎᑦᓯᒍᑎᖏᓐᓂᒃ ᐃᓚᐅᕕᖃᕋᔭᕐᓂᒥᒃ ᐊᖏᕐᓯᒪᔪᒥᒃ.

ᐊᑐᕈᓐᓇᕆᐊᓕᖏᑦ:

  • ᐅᖃᐅᓯᖃᑦᓯᐊᕈᓐᓇᓗᓂ ᒪᕐᕉᓂᒃ ᐃᓕᓐᓂᐊᓂᓕᕆᓂᐅᑉ ᐅᖃᐅᓯᕐᓂ ᐱᖓᓱᐃᓂ ᐊᑐᓲᖏᑦᑕ ᓇᓪᓕᖏᓐᓂᒃ (ᐃᓄᒃᑎᑐᑦ, ᐅᐃᒍᐃᑎᑐᑦ, ᖃᓪᓗᓈᑎᑐᑦ);
  • ᐱᓇᓱᑦᑐᓕᕆᕕᒻᒥ ᐱᓇᓱᓚᐅᕐᓯᒪᓗᓂ;
  • ᐱᓇᓱᑦᑎᓴᕐᓯᐅᓂᕐᒥ ᐱᓇᓱᓚᐅᕐᓯᒪᓗᓂ;
  • ᐋᕐᕿᓱᕐᓯᒪᒍᓐᓇᓯᐊᕐᓗᓂ ᐱᓇᓱᒋᐊᓕᒻᒥᓂᒃ;
  • ᐱᓇᓱᓚᐅᕐᓯᒪᓗᓂ ᐱᓇᓱᑦᑏᑦ ᑲᑐᑦᔨᖃᑎᒌᓐᓂᖏᑦᑕ ᐊᖏᖃᑎᒌᒍᑎᖏᓐᓂᒃ ᑐᑭᓯᓇᕐᑎᓯᒍᑎᓂᒃ ᐊᑐᕐᑎᑕᐅᓂᖏᓐᓂᓗ;
  • ᐊᕐᕕᑕᕆᐊᖃᓕᑐᐊᕈᓂ ᐊᕐᕕᑕᖃᑦᑕᕈᓐᓇᓗᓂ.

ᐱᓇᓱᒐᖓᑕ ᑌᔭᐅᓂᖓ / ᑮᓇᐅᑦᔭᓵᖏᑦ / ᐃᓱᕐᕉᑎᑦᓴᖏᓪᓗ:

ᒪᓕᑦᓱᒋᑦ ᐱᓇᓱᒍᑦᔨᓂᕐᒧᑦ ᐊᖏᕐᓯᒪᐅᑎᖏᑦ ᐱᓇᓱᑦᑎᑐᐃᓐᓀᑦ ᐱᓇᓱᑦᑏᓗ ᑲᑐᑦᔨᖃᑎᒌᓐᓂᖏᑦ ᑯᐯᑉ ᑕᕐᕋᖓᓂ / $44,671-ᓂᑦ $74,842-ᓄᑦ ᑎᑭᐅᑎᒍᓐᓇᑐᑦ / ᐊᕐᕌᒍᑕᒫᑦ ᐱᒍᓐᓇᐅᑎᖏᑦ ᐱᓇᓱᐊᕐᓯᒪᓂᖏᓪᓗ ᒪᓕᑦᓱᒋᑦ.

ᑮᓇᐅᑦᔭᓵᖏᓐᓄᑦ ᐃᓚᐅᑎᓪᓗᒍ ᐅᑯᓂᖓ ᐱᕙᓪᓕᖁᑎᑖᕈᓐᓇᒥᔪᖅ:

  • 20 ᐅᓪᓗᐃᑦ ᐊᕐᕌᒍᑕᒫᑦ ᑭᑲᕈᑏᑦ
  • ᒪᕐᕉᓂᒃ ᐱᓇᓱᐊᕈᓰᓐᓂᒃ ᕿᑲᕐᓇᓯᐅᕐᓇᐅᓂᖓᓂ

ᒪᑯᓂᖓᓗ ᐱᕙᓪᓕᖁᑎᑖᕈᓐᓇᓱᓂ:

  • ᐅᐱᕐᖔᓯᐅᑎᓂᒃ ᑫᕙᓪᓚᒍᓯᖃᕐᓂᖅ
  • ᐃᓪᓗᖃᕐᓂᖅ
  • ᐅᑭᐅᕐᑕᑐᒥᐅᖑᓂᕐᒧᑦ ᐊᑭᓕᕐᑕᐅᒋᐊᓪᓛᕈᑏᑦ
  • ᐊᓂᕐᕋᑫᓐᓇᓂᕐᒧᑦ ᖃᖓᑦᑕᐅᑏᑦ
  • ᓂᕿᓂᒃ ᖃᖓᑦᑕᔫᒃᑯᑦ ᑎᑭᓭᓃᑦ   

ᐱᕙᓪᓕᖁᑎᑖᕈᑎᓕᒫᑦ ᐱᖃᕐᑎᑕᐅᔪᑦ ᑐᖕᖓᕕᒋᑦᓱᒋᑦ ᐱᔭᑦᓴᖏᑦᑕ ᐳᓴᓐᑎᖏᑦ.

ᐃᓱᓕᕝᕕᓴᖓ ᐱᓇᓱᒐᕐᑖᕋᓱᐊᕐᓂᐅᑉ: 4:00-ᖑᐸᑦ, ᔮᓄᐊᕆ 27, 2020

ᖃᐅᔨᑎᑦᓯᓛᕐᑐᒍᑦ ᐱᓇᓱᒐᕐᑖᕋᓱᐊᕐᑐᓂᒃ ᐱᒍᓐᓇᐅᔪᕆᔭᑦᑎᓂᒃ.

 

*ᐃᓕᓴᕐᓂᓕᕆᓂᖅ ᐱᓇᓱᒐᕐᒨᕋᓱᐊᕐᑐᓂᒃ ᖃᐅᔨᓴᕐᑕᐅᑎᑦᓯᒍᓐᓇᑐᖅ ᖃᐅᔨᓴᕐᓂᒧᑦ ᐱᒍᓐᓇᑕᖏᑦᑕ ᐳᕐᑐᓂᖓᓂᒃ.

ᐃᓕᒐᓱᐊᕈᑏᑦ


  • Accepted file types: pdf.


Back To Top