skip to Main Content
ᐱᓇᓱᒉᑦ ᑲᑎᕕᒃ ᐃᓕᓴᕐᓂᓕᕆᓂᕐᒥ

ᖃᐅᔨᒪᔭᐅᑎᑦᓯᐊᕋᓱᐊᕐᓂᖅ ᐃᓄᓕᒫᓄᑦ ᐱᔨ (ᐱᓇᓱᕝᕕᑎᒍᑦ ᓄᐃᑕᑎᑕ)

ᐱᓇᓱᒐᖅ:

ᖃᐅᔨᒪᔭᐅᑎᑦᓯᐊᕋᓱᐊᕐᓂᖅ ᐃᓄᓕᒫᓄᑦ ᐱᔨ (ᐱᓇᓱᕝᕕᑎᒍᑦ ᓄᐃᑕᑎᑕ)

ᐊᓪᓚᕕᖓ:

ᐃᓘᓐᓈᒍᑦ ᐊᐅᓚᑦᓯᓂᓕᕆᓂᖅ

ᐱᓇᓱᒐᐅᑉ ᑭᑎᑦᔪᑎᖓ:

PRO2005-01

ᓇᓃᓐᓂᓴᖓ:

ᒪᓐᑐᔨᐊᓪ

ᖃᓄᐃᑦᑐᑑᓂᖓ:

ᐅᓪᓗᓕᒫᕐᓯᐅᑎᒃ ᐊᑕᑯᑖᕐᑐᖅ

ᐱᒋᐊᕐᕕᓴᖓᑕ ᐅᓪᓗᖓ:

ᔫᓂ 2020

ᑲᑎᕕᒃ ᐃᓕᓴᕐᓂᓕᕆᓂᖅ ᐃᓕᓴᕐᓂᓕᕆᓂᐅᕗᖅ ᐃᓕᓐᓂᐊᓂᓕᕆᓂᕐᒥᒃ ᐱᑕᖃᕐᑎᓯᑦᓱᓂ ᓄᓇᓕᓐᓂ 14-ᓂᒃ ᓄᓇᕕᒻᒥ

ᐃᓂᖓ ᐱᓇᓱᐊᕆᐊᓕᖏᓪᓗ:

ᑐᓴᕐᑎᓯᖃᑦᑕᓗᓂ ᑐᓴᐅᒪᖃᑎᒌᓐᓂᒥᑦ ᐊᑕᐅᑦᓯᑰᕐᑎᓯᔨᒥᒃ,ᖃᐅᔨᒪᔭᐅᑎᑦᓯᐊᕋᓱᐊᕐᓂᖅ ᐃᓄᓕᒫᓄᑦ ᐱᔨ ᐃᓚᐅᒐᔭᕐᑐᖅ ᐱᕙᓪᓕᐊᓂᕐᒥᑦ ᐊᒻᒪᓗ ᐊᑐᓕᕐᑎᓯᓂᕐᒥᑦ ᑐᓴᐅᒪᖃᑎᒌᓐᓂᑯᑦ ᒪᓕᒐᕐᓂᑦ ᐊᒻᒪᓗ ᐸᕐᓇᓂᕐᒥᑦ ᐃᓕᓴᕐᓂᓕᕆᓂᐅᑉ ᐋᕐᕿᓯᒪᐅᑎᖓᑕ ᐸᕐᓇᑕᐅᓂᖓᓂᑦ,ᐊᒻᒪᓗ ᑐᓴᐅᒪᑎᑦᓯᓂᕐᒥᑦ ᐃᓕᓵᓂᑦ, ᐱᓇᓱᑦᑎᓂᑦ , ᐃᓕᓵᑦ ᐊᖓᔪᕐᖄᖏᓐᓂᑦ ᐊᒻᒪᓗ ᐃᓄᓕᒫᓂᑦ, ᐊᑐᕐᓗᓂ ᐊᑦᔨᒌᖕᖏᑐᓂᑦ ᐊᐅᓚᑦᓯᒍᑎᓂᑦ ᐊᒻᒪᓗ ᑐᓴᐅᒪᖃᑎᒌᓐᓂᑎᒍᑦ ᐊᕐᑯᑎᐅᓲᓂᑦ. ᐱᔭᑦᓴᓚᕆᖏᑦᑕ ᐃᓚᖏᑦ:

  • ᕿᓂᕐᓂᖅ, ᐱᕙᓪᓕᐊᓂᖅ ᐊᒻᒪᓗ ᓄᐃᑦᓯᓂᖅ ᐅᖄᖃᑎᒌᒍᓐᓇᓂᕐᑎᒍᑦ ᐃᓗᓕᕐᑕᖏᓐᓂᑦ ᐃᓕᓴᕐᓂᓕᕆᓂᐅᑉ ᐊᕐᕌᒍᑕᒫᑦ ᑐᓴᕋᑦᓴᖓᑎᒍᑦ ᐊᒻᒪᓗ ᑕᕐᕿᑕᒫᕐᓯᐅᑎᖏᓐᓂᑦ ᑐᓴᕐᑎᓯᒍᑎᓂᑦ ᐊᑐᐊᒐᕐᓂᑦ;
  • ᐅᑎᕐᕕᖃᖃᑦᑕᓗᓂ ᐱᒍᒪᔭᐅᑎᑦᓯᒍᑎᓂᑦ ᖃᐅᔨᑎᑦᓯᒍᑎᓂᑦ ᐊᒻᒪᓗ ᓄᐃᑦᓯᓂᕐᒥᑦ ᐃᓗᓕᕐᑕᖏᓐᓂᑦ ᑖᒃᑯᓇᖕᖓᑦ ᖃᐅᔨᑎᑦᓯᒍᑎᓂᑦ;
  • ᐃᓚᐅᓗᓂ ᐱᕙᓪᓕᐊᑎᑦᓯᓂᕐᒥᑦ ᐊᒻᒪᓗ ᐱᕈᕐᑎᓯᓂᕐᒥᑦ ᐅᖄᖃᑎᒌᒍᑕᐅᒍᓐᓇᑐᓂᑦ ᐃᓗᓕᕐᑕᖏᓐᓂᑦ ᐃᓕᓴᕐᓂᓕᕆᓂᐅᑉ ᐊᑦᔨᒌᖕᖏᑐᓂᑦ ᑐᓴᐅᒪᑎᑦᓯᒍᑎᖏᓐᓂᑦ ᖃᓄᐃᑦᑐᑐᐃᓐᓇᓂᑦ (ᐊᓪᓚᕕᑦᓴᑎᒍᑦ ᐊᒻᒪᓗ ᖃᕆᑕᐅᔭᕐᑎᒍᑦ);
  • ᐊᑐᐃᓐᓇᕈᕐᑎᖃᑕᐅᓗᓂ ᐃᓗᓕᕐᑕᖏᓐᓂᑦ ᐊᒻᒪᓗ ᑐᓴᐅᒪᑎᑦᓯᒍᑎᓂᑦ ᐊᐅᓚᑦᓯᒍᑎᓂᑦ ᑭᖕᖒᔭᒋᔭᐅᔪᓂᑦ ᑎᓕᔭᐅᒪᐅᑎᒻᒥᑕ ᐱᔭᑦᓴᖏᓐᓂᑦ, ᐃᑉᐱᒍᓱᓗᓂ ᐱᓇᓱᖃᑎᖏᑦᑕ ᐱᕈᕐᑎᓯᓂᖏᑦᑕ ᐃᓱᓕᑦᑕᕕᖏᓐᓂᑦ;
  • ᓄᐃᑦᓯᓗᓂ ᑐᓴᕋᑦᓴᓂᑦ ᐃᓕᓴᕐᓂᓕᕆᓂᐅᑉ ᖃᕆᑕᐅᔭᕐᑎᒍᑦ ᓄᐃᑕᑎᓲᖏᑦᑎᒍᑦ ᐊᒻᒪᓗ ᐃᓅᖃᑎᒌᓐᓂᑎᒍᑦ ᑐᓴᐅᒪᖃᑎᒌᓐᓂᖏᑦᑎᒍᑦ ᐊᑑᑎᒋᐊᖃᕐᐸᑦ;
  • ᐱᔭᑦᓴᓚᕆᓐᓃᕕᑦ ᖃᐅᔨᒪᔭᐅᑎᑦᓯᐊᕋᓱᐊᕐᓂᓂᑦ ᐃᓄᓕᒫᓄᑦ ᓱᓇᓱᐊᒍᑎᓂᑦ ᐊᑐᓕᕐᑎᑕᐅᔪᓂᑦ ᓄᓇᕕᒻᒥ ᓄᓇᓕᖁᑎᖏᓐᓂᑦ, ᐱᓗᐊᕐᑐᒥᑦ ᐊᑐᐃᓐᓇᕈᕐᑎᓂᕐᒥᑦ, ᐊᑐᐃᓐᓇᕈᕐᑎᓂᕐᒥᓗ ᐅᖄᔨᐅᒐᔭᕐᑐᒥᑦ ᐊᒻᒪᓗ ᓴᐳᒻᒥᓂᕐᒥᑦ ᐱᓇᓱᐊᕈᓯᑕᒫᑦ ᐊᐱᕐᓲᖃᑦᑕᓂᕐᒥᑦ ᐱᔭᑦᓴᒥᑦ ᐱᐅᓯᕐᒥᑦ ᐱᓇᓱᖃᑎᖃᕐᓗᓂ ᓄᓇᓕᖓᑎᒍᑦ ᑐᓴᐅᒪᑎᑦᓯᒍᑎᒥᑦ;
  • ᐃᓚᐅᓗᓂ ᐊᑐᐃᓐᓇᕈᕐᑎᓂᕐᒥᑦ ᐊᒻᒪᓗ ᐃᓂᓪᓚᑎᕆᓂᕐᒥᑦ ᑎᒥᐅᔫᑉ ᐊᑑᑎᔭᖏᓐᓂᑦ;
  • ᐊᓯᖏᓐᓂᓗ ᐱᔭᑦᓴᓂᑦ ᐱᔭᑦᓴᐅᑎᑕᐅᔪᓂᑦ ᐃᑉᐱᒍᓱᑦᑎᒥᓄᑦ.

ᐱᒍᓐᓇᐅᑎᒋᒋᐊᓕᖏᑦ:

  • ᐊᕐᕌᒍᕐᒍᐊᒥᐅᓐᓃᑦ ᑐᑭᐊᒎᕐᑐᒥᑦ ᐱᓇᓱᑦᓯᒪᕆᐊᓕᒃ;
  • ᐃᓕᓴᕐᕕᔪᐊᒥᑦ ᐃᓕᑕᕆᔭᐅᒋᐊᖕᖓᐅᑎᒃ, ᐱᐅᓂᕐᓴᐅᒐᔭᕐᑐᖅ ᑐᓴᐅᒪᖃᑎᒌᓐᓂᖅ, ᑐᓴᕋᑦᓴᓕᕆᓂᖅ ᐊᒻᒪᓘᓐᓃᑦ ᖃᐅᔨᒪᔭᐅᑎᑦᓯᕋᓱᐊᕐᓂᖅ ᐃᓄᓕᒫᓄᑦ.

ᐃᓕᓴᕐᓂᓕᕆᓂᖅ ᐃᒣᑐᐃᓐᓇᕆᐊᓕᒃ, ᓱᒋᐊᖃᕐᑐᕆᔭᕐᒥᓂᑦ ᐊᐅᓚᑦᔦᒋᐊᕈᓐᓇᓂᐊᕐᑎᓗᒍ, ᖁᔭᓈᕐᓗᓂ ᓇᓪᓕᖏᓐᓂᑦ ᐊᒻᒪᓘᓐᓃᑦ ᐃᓘᓐᓇᖏᓐᓂᑦ ᖁᓕᕐᓯᓂᑦ ᐅᖃᕐᑕᐅᔪᓂᑦ ᐱᔪᓐᓇᐅᑎᓂᑦ ᑕᑯᒍᑎᒃ ᐱᒍᓇᐅᔪᕆᔭᕐᒥᓂᑦ ᐱᓇᓱᒐᕐᑖᕋᓱᐊᕐᑐᒥᑦ ᐃᓚᐅᒍᑎᓕᒻᒥᑦ ᔦᒥᓯ  ᑯᐯ ᑕᕐᕋᖓᓂᓪᓗ ᐊᖏᖃᑎᒌᒍᑎᒃ(ᔦᐯᑯᐯᐊ) ᐊᒻᒪᓗ ᐊᖏᓲᒍᑦᓱᓂ, ᐱᓇᓱᒐᐅᑉ ᖃᓄᐃᓕᖓᓂᖓᓂᑦ ᐱᒋᐅᕐᓴᑎᑦᓯᓂᖅ ᒪᓕᒐᔭᕐᑎᓗᒍ ᑭᖑᓂᖓᒍᑦ ᐱᒍᒪᓂᕐᑖᕕᓂᐅᑦᓱᓂ ᐃᓕᓴᕐᓂᓕᕆᓂᕐᒧᑦ.

ᐊᑐᕈᓐᓇᕆᐊᓕᖏᑦ:

  • ᖃᓪᓗᓈᕐᑎᑑᒍᓐᓇᓯᐊᕆᐊᓕᒃ ᐊᒻᒪᓗ ᐃᓕᓪᓚᑎᕆᓂᕐᒥᑦ ᐅᖃᐅᓯᕐᓂᑦ;
  • ᖃᐅᔨᒪᓂᖃᒋᐊᓕᒃ ᒪᕐᕉᓂᒃ (2) ᐱᖓᓲᑎᓪᓗᒋᑦ(3) ᐅᖃᐅᓯᕆᔭᐅᓲᑦ ᐃᓕᓴᕐᓂᓕᕆᓂᕐᒧᑦ(ᖃᓪᓗᓈᕐᑎᑐᑦ, ᐅᐃᒍᐃᑎᑐᑦ ᐊᒻᒪᓗ ᐃᓄᑦᑎᑐᑦ);
  • ᖃᐅᔨᒪᓗᓂ ᐊᒻᒪᓗ ᐅᖃᒍᓐᓇᓯᐊᕐᓗᓂ ᐃᓄᑦᑎᑐᑦ ᐱᐅᔫᒐᔭᕐᑐᖅ ᑕᕝᕙᓂ ᐃᓂᒻᒥᒃ;
  • ᐱᒍᒪᓂᖃᑦᓯᐊᓗᓂ ᐊᒻᒪᓗ ᑲᔪᖏᓂᖃᑦᓯᐊᓗᓂ ᓄᑖᓂᑦ ᖃᐅᔨᒪᒍᓯᕐᓂᑦ;
  • ᐊᐅᓪᓚᑎᑕᐅᒐᓗᐊᕈᓂ ᖃᓄᐃᑦᓴᕈᓐᓀᓗᓂ ᓄᓇᕕᒻᒧᑦ ᐊᑑᑎᒋᐊᖃᓕᕈᓂ;
  • ᖃᕆᑕᐅᔭᒍᓐᓇᓯᐊᕐᓗᓂ, ᐃᓚᖃᕐᑎᓗᒍ ᐅᖃᐅᓯᓕᐅᕈᓐᓇᓂᖅ ᐃᓂᓪᓚᑎᕆᓂᕐᒥᓗ (Adobe Suite);
  • ᐃᓂᓪᓚᑎᕆᒍᓐᓇᓯᐊᕐᓗᓂ ᐊᒻᒪᓗ ᐃᓱᐃᓗᑕᕐᓂᑦ ᐋᕐᖀᒍᓐᓇᓗᓂ;
  • ᐱᓇᓱᒍᓐᓇᓯᐊᕐᓗᓂ ᐱᓇᓱᖃᑎᒌᑎᒍᑦ ᐱᓇᓱᕝᕕᒥᓂᑦ;
  • ᐃᓗᕐᕈᓯᖃᑎᒌᑦᓴᔭᐅᖕᖏᑐᕐᑎᒍᑦ ᐅᖄᖃᑎᖃᒍᓐᓇᓯᐊᕐᓗᓂ;
  • ᐱᓇᓱᒍᓐᓇᓯᐊᒻᒪᕆᓪᓗᓂ, ᐃᒣᒐᔭᕐᖂᒫᕐᓂᖃᓪᓗᓂ ᐊᒻᒪᓗ ᕿᑦᑌᖓᓂᖃᑦᓯᐊᓗᓂ.

ᐱᓇᓱᒐᖓᑕ ᑌᔭᐅᓂᖓ / ᑮᓇᐅᑦᔭᓵᖏᑦ / ᐃᓱᕐᕉᑎᑦᓴᖏᓪᓗ:

ᒪᓕᒉᑦ ᒪᓕᑦᓱᒋᑦ SPPOM-ᒦᑦᑐᑦ ᐊᖏᖃᑎᒌᒍᑎᒥᑦ ᐱᔪᓐᓇᐅᑎᓕᓐᓄᑦ ᐱᓇᓱᑦᑎᓄᑦ / ᐱᒋᐊᕐᓗᓂ $44,671 ᑎᑭᓪᓗᒍ $74,842 ᐱᒍᓐᓇᓂᖓᓗ ᐱᓇᓱᑦᓯᒪᓂᖓᓗ ᒪᓕᓪᓗᒋᑦ.

ᑮᓇᐅᑦᔭᓵᖏᓐᓄᑦ ᐃᓚᐅᑎᓪᓗᒍ ᐅᑯᓂᖓ ᐱᕙᓪᓕᖁᑎᑖᕈᓐᓇᒥᔪᖅ:

  • 20 ᐅᓪᓗᐃᑦ ᐊᕐᕌᒍᑕᒫᑦ ᑭᑲᕈᑏᑦ
  • ᒪᕐᕉᓂᒃ ᐱᓇᓱᐊᕈᓰᓐᓂᒃ ᕿᑲᕐᓇᓯᐅᕐᓇᐅᓂᖓᓂ

ᒪᑯᓂᖓᓗ ᐱᕙᓪᓕᖁᑎᑖᕈᓐᓇᓱᓂ:

  • ᐅᐱᕐᖔᓯᐅᑎᓂᒃ ᑫᕙᓪᓚᒍᓯᖃᕐᓂᖅ
  • ᐃᓪᓗᖃᕐᓂᖅ
  • ᐅᑭᐅᕐᑕᑐᒥᐅᖑᓂᕐᒧᑦ ᐊᑭᓕᕐᑕᐅᒋᐊᓪᓛᕈᑏᑦ
  • ᐊᓂᕐᕋᑫᓐᓇᓂᕐᒧᑦ ᖃᖓᑦᑕᐅᑏᑦ
  • ᓂᕿᓂᒃ ᖃᖓᑦᑕᔫᒃᑯᑦ ᑎᑭᓭᓃᑦ   

ᐱᕙᓪᓕᖁᑎᑖᕈᑎᓕᒫᑦ ᐱᖃᕐᑎᑕᐅᔪᑦ ᑐᖕᖓᕕᒋᑦᓱᒋᑦ ᐱᔭᑦᓴᖏᑦᑕ ᐳᓴᓐᑎᖏᑦ.

ᐃᓱᓕᕝᕕᓴᖓ ᐱᓇᓱᒐᕐᑖᕋᓱᐊᕐᓂᐅᑉ:  4:00-ᖑᐸᑦ ᐅᓪᓗᖁᑦ, 26 2020-ᒥᑦ

ᖃᐅᔨᑎᑦᓯᓛᕐᑐᒍᑦ ᐱᓇᓱᒐᕐᑖᕋᓱᐊᕐᑐᓂᒃ ᐱᒍᓐᓇᐅᔪᕆᔭᑦᑎᓂᒃ.

 

*ᐃᓕᓴᕐᓂᓕᕆᓂᖅ ᐱᓇᓱᒐᕐᒨᕋᓱᐊᕐᑐᓂᒃ ᖃᐅᔨᓴᕐᑕᐅᑎᑦᓯᒍᓐᓇᑐᖅ ᖃᐅᔨᓴᕐᓂᒧᑦ ᐱᒍᓐᓇᑕᖏᑦᑕ ᐳᕐᑐᓂᖓᓂᒃ.

ᐃᓕᒐᓱᐊᕈᑏᑦ


  • Accepted file types: pdf, docx, doc.


Back To Top