skip to Main Content
ᐱᓇᓱᒉᑦ ᑲᑎᕕᒃ ᐃᓕᓴᕐᓂᓕᕆᓂᕐᒥ

ᑐᑭᒧᐊᑦᑎᓯᓂᕐᒥᒃ ᐃᓱᐊᕐᓭᔨ

ᐱᓇᓱᒐᖅ:

ᑐᑭᒧᐊᑦᑎᓯᓂᕐᒥᒃ ᐃᓱᐊᕐᓭᔨ

ᐊᓪᓚᕕᖓ:

ᐃᓘᓐᓈᒍᑦ ᐊᐅᓚᑦᓯᓂᓕᕆᓂᖅ

ᐱᓇᓱᒐᐅᑉ ᑭᑎᑦᔪᑎᖓ:

CONSORI2001-03

ᓇᓃᓐᓂᓴᖓ:

ᒪᓐᑐᔨᐊᒥ

ᖃᓄᐃᑦᑐᑑᓂᖓ:

ᐊᑌᓐᓇᑐᖅ ᐅᓪᓗᓕᒫᕐᑐᖅ

ᐱᒋᐊᕐᕕᓴᖓᑕ ᐅᓪᓗᖓ:

ᕕᑉ ᕗᐊᕆ 2020

ᑲᑎᕕᒃ ᐃᓕᓴᕐᓂᓕᕆᓂᖅ ᐃᓕᓴᕐᓂᓕᕆᓂᐅᕗᖅ ᐃᓕᓐᓂᐊᓂᓕᕆᓂᕐᒥᒃ ᐱᑕᖃᕐᑎᓯᑦᓱᓂ ᓄᓇᓕᓐᓂ 14-ᓂᒃ ᓄᓇᕕᒻᒥ

ᐃᓂᖓ ᐱᓇᓱᐊᕆᐊᓕᖏᓪᓗ:

ᐊᖓᔪᕐᖄᖃᕐᓗᓂ ᐊᑕᐅᑦᓯᑰᕐᑎᓯᔨᒥᒃ ᓇᓗᓀᕐᑕᐅᒍᑎᓄᑦ, ᐱᓇᓱᒐᖓ ᑐᑭᒧᐊᑦᑎᓯᓂᕐᒥᒃ ᐃᓱᐊᕐᓭᔨᐅᑉ ᕿᒥᕐᕈᔨᐅᒐᔭᕐᑐᖅ, ᐃᒣᓕᒋᐊᕆᔨᐅᓗᓂ, ᓯᕗᓕᕐᓗᓂ ᐊᒻᒪᓗ ᐃᑲᔪᕐᓗᓂ ᐃᓕᓐᓂᐊᑎᓂᒃ ᐅᕕᒐᕐᑐᓂᒃ ᐊᒻᒪᓗ ᐃᓄᒻᒪᕇᑦ ᐃᓕᓐᓂᐊᕕᖏᓐᓂ ᐱᕙᓪᓕᐊᑎᑦᓯᓗᑎᒃ ᐱᓇᓱᒐᕐᒧᑦ ᐸᕐᓀᓂᖏᓐᓂᒃ ᐊᒻᒪᓗ ᓇᓪᓕᑳᕆᓗᓂ ᐃᓕᓐᓂᐊᓂᕐᒧᑦ ᐊᕐᖁᓯᐅᕐᓂᒥᒃ ᐃᓅᓯᖓᑕ ᐱᐅᓯᖓᑕ ᐊᑦᔨᖓᓅᓕᖓᔪᒥᒃ ᐊᒻᒪᓗ ᑐᕌᒐᓱᐊᕐᑕᖏᑦᑕ. ᑖᓐᓇ ᐱᓇᓱᒐᖅ ᐅᑯᓂᖓ ᐃᓚᐅᑎᑦᓯᔪᖅ ᑲᒪᒋᔭᕆᒋᐊᓕᖏᓐᓂᒃ:

  • ᐃᓚᐅᓗᓂ ᐱᕙᓪᓕᐊᑎᑦᓯᓂᕐᒧᑦ ᐊᒻᒪᓗ ᐊᑐᓕᕐᑎᓯᓂᕐᒧᑦ ᐃᓕᓐᓂᐊᓂᕐᒧᑦ ᐊᒻᒪᓗ ᐱᓇᓱᒐᕐᒧᑦ ᑐᑭᒧᐊᑦᑎᓯᓂᕐᒧᑦ ᐱᒍᑦᔨᓂᕐᒥᒃ ᐃᓕᓐᓂᐊᓂᕐᒧᑦ ᐊᒻᒪᓗ ᐊᐅᓚᑦᓯᓂᓕᕆᓂᕐᒧᑦ ᐱᒍᓐᓇᓯᒋᐊᓕᖏᓐᓂᒃ ᑕᒪᖏᓐᓄᑦ ᐃᓕᓐᓂᐊᓂᕐᒧᑦ ᑐᕐᖃᑕᕐᕕᖓᓄᑦ ᑯᐯᒻᒥ ᐊᒻᒪᓗ ᐃᓕᓴᕐᓂᓕᕐᓂᒥ;
  • ᕿᒥᕐᕈᓗᓂ ᐃᓕᓐᓂᐊᑏᑦ ᒪᓕᓪᓗᒋᑦ ᐱᒍᒪᔭᖏᑦ, ᐳᕐᑐᓂᖓᓄᑦ ᐃᓕᑦᓯᓯᒪᓂᖓᑕ, ᐱᒍᓐᓇᑕᖏᓐᓄᑦ, ᐃᓅᓯᖓᓄᑦ, ᐱᓇᓱᐊᕐᓯᒪᓂᖓᓄᑦ ᐊᒻᒪᓗ ᐃᒻᒥᓄᑦ ᑭᖕᖒᒪᒋᔭᖏᓐᓄᑦ, ᐊᑐᕐᓗᑎᒃ ᐊᑦᔨᒌᖏᑐᓂᒃ ᐊᒻᒪᓗ ᓈᒻᒪᓈᕐᑐᓂᒃ ᐱᓇᓱᐊᕈᑎᓂᒃ;
  • ᐃᑲᔪᕐᓗᓂ ᐃᓕᓐᓂᐊᑎᓂᒃ ᐃᒻᒥᓂᒃ ᖃᐅᔨᓴᕐᓂᖃᕐᑎᓗᒋᑦ ᐊᒻᒪᓗ ᐋᕐᕿᓱᐃᓗᑎᒃ ᐃᓘᓐᓈᒍᑦ ᑕᑯᓐᓇᓂᖏᓐᓂᒃ ᐃᒻᒥᓂᒃ, ᖃᐅᔨᓴᕐᓗᑎᒃ ᐊᒻᒪᓗ ᑐᑭᓯᓴᕐᑎᓗᒋᑦ ᖃᓄᐃᓕᖓᓂᕆᔭᖏᓐᓂᒃ ᐊᒻᒪᓗ ᑐᑭᑖᕐᓗᑎᒃ ᐃᒻᒥᓄᑦ ᐊᒻᒪᓗ ᐱᓇᓱᒐᕐᒧᑦ ᑐᕌᒐᖏᓐᓂᒃ, ᑐᑭᓯᓗᑎᒃ ᑐᑭᓯᑎᑕᐅᒍᑎᕕᓂᖏᓐᓂᒃ, ᑐᑭᓯᒪᓂᕐᒥᒃ, ᐃᓱᒪᒋᓗᒋᑦ ᐊᒻᒪᓗ ᖄᖏᒍᓐᓇᓂᖓᓂᒃ ᐃᓅᓯᕐᒥᓂ ᐊᒻᒪᓗ ᐃᓅᖃᑎᒌᓐᓂᒧᑦ ᐱᓀᓗᑕᖏᓐᓂᒃ;
  • ᐱᑕᖃᕐᑎᓯᓗᓂ ᐃᑲᔪᕐᓂᒥᒃ ᐃᓕᓐᓂᐊᑎᓄᑦ ᕿᓂᕐᓂᖏᓐᓄᑦ ᐊᑐᕋᑦᓴᖏᓐᓂᒃ ᑐᕌᒐᓕᓐᓂᒃ ᐱᒍᓐᓇᓯᑎᑦᓯᓂᕐᒥᒃ ᖄᖏᒍᓐᓇᓂᖏᓐᓂᒃ ᐱᓀᓗᑕᓂᒃ ᐃᓕᓐᓂᐊᓂᖓᓅᓕᖓᔪᓂᒃ ᐊᒻᒪᓗ ᐃᓅᓯᕐᒧᑦ ᐊᒻᒪᓗ ᐱᓇᓱᒐᕐᒧᑦ ᐃᓚᐅᓕᕐᑎᓯᓂᕐᒧᑦ;
  • ᐃᑲᔪᕐᓯᓗᑎᒃ ᖃᐅᔨᔭᐅᑎᑦᓯᓂᕐᒥᒃ ᐊᒻᒪᓗ ᓇᓗᓀᕐᓯᓂᕐᒥᒃ ᐃᓕᓐᓂᐊᑎᓂᒃ ᐅᖁᒣᓪᓕᐅᕈᑎᓕᓐᓂᒃ, ᐊᑐᕐᓗᑎᒃ ᐱᓇᓱᐊᕈᑎᓂᒃ ᑕᑯᓐᓇᓂᓕᓐᓂᒃ ᐱᓂᕐᓗᑌᓕᑎᑦᓯᓂᕐᒥᒃ ᐊᒻᒪᓗ ᐱᓇᓱᐊᕐᓂᒥᒃ; ᐱᓇᓱᐊᖃᑎᖃᕋᔭᕐᑐᖅ ᐊᑦᔨᒌᖕ`ᖏᑐᓂᒃ ᐱᓇᓱᒐᓕᓐᓂᒃ ᐱᓇᓱᖃᑎᒌᖏᓐᓂᒃ ᐊᑐᐃᓐᓇᕈᕐᑎᓗᑎᒃ ᐊᒻᒪᓗ ᕿᒥᕐᕈᓗᑎᒃ ᐃᓕᓐᓂᐊᑎᐅᑉ ᐃᒻᒥᒎᕐᑐᓂᒃ ᐃᓕᓐᓂᐊᓂᓕᕆᓂᕐᒧᑦ ᐸᕐᓇᓯᒪᐅᑎᓂᒃ ᐃᓚᐅᑎᑦᓯᓗᑎᒃ, ᐸᕐᓀᓂᕐᒥᒃ, ᐱᓇᓱᐊᕈᑎᒋᓚᖓᔭᒥᓂᒃ, ᕆᐊᖃᑐᐊᕈᓂ ᐊᒻᒪᓗ ᐱᑕᖃᕐᑎᓯᓗᓂ ᐱᕙᓪᓕᐊᓂᖓᓄᑦ ᑐᓴᕐᑎᓯᒍᑎᒥᒃ, ᓀᑦᑐᒥᒃ ᑐᓴᕐᑎᓯᓂᕐᒥᒃ ᐊᒻᒪᓗ ᐃᒣᓗᖁᔨᒍᑎᓂᒃ ᐊᐅᓚᑦᓯᓂᓕᕆᓂᕐᒥᒃ ᐱᓇᓱᑦᑎᓄᑦ;
  • ᐃᓚᐅᓗᓂ ᖃᓄᐃᓕᔭᐅᒍᑎᖏᓐᓂᒃ ᐱᓇᓱᐊᕈᑎᑦᓭᑦ ᑐᕌᒐᖏᓐᓂᒃ ᐊᒻᒪᓗ ᐊᑐᕐᑕᐅᔪᑦᓴᓂᒃ ᐱᓇᓱᐊᖃᑎᒌᓐᓂᑎᒍᑦ ᐊᓯᖏᓐᓂᒃ ᐱᓇᓱᖃᑎᒌᓂᒃ ᐊᒻᒪᓗ ᐱᓇᓱᕝᕕᐅᔪᓂᒃ ᐊᑦᔨᒌᓕᕐᑎᓯᓗᑎᒃ ᐊᒻᒪᓗ ᐊᑕᐅᑦᓯᑰᓕᕐᑎᓯᓗᑎᒃ ᐱᓇᓱᐊᕈᑎᓂᒃ ᐊᒻᒪᓗ ᕿᒥᕐᕈᓗᑎᒃ ᑲᔪᓯᑦᓯᐊᓂᖏᓐᓂᒃ ᑐᕌᒐᕆᔭᐅᔪᑦ;
  • ᐃᒣᓕᒋᐊᕆᓗᓂ ᐃᓕᓐᓂᐊᕕᓐᓂᒃ ᐱᓇᓱᑦᑎᓂᒃ ᐊᒻᒪᓗ ᐊᖓᔪᕐᖄᕆᔭᐅᔪᓂᒃ, ᐱᑕᖃᕐᑎᓗᒋᑦ ᐊᓪᓚᓯᒪᔪᓂᒃ, ᐊᒻᒪᓗ ᐃᒣᓕᒋᐊᕆᓗᓂ ᐱᓇᓱᐊᕐᑕᐅᒋᐊᓕᓐᓂᒃ ᐱᒍᓐᓇᓯᑎᑦᓯᓚᖓᔪᓂᒃ ᓇᓗᓀᕐᓯᓂᕐᒧᑦ ᐃᑲᔪᕐᓯᔪᓂᒃ ᐃᓕᓐᓂᐊᑎᐅᑉ ᐃᒻᒥᒍᑦ, ᐃᓕᓐᓂᐊᓂᕐᒧᑦ ᐊᒻᒪᓗ ᐱᓇᓱᒐᕐᒧᑦ ᐱᒍᓐᓇᓯᕙᓪᓕᐊᓂᖓᓄᑦ;
  • ᐸᕐᓀᓗᓂ, ᐋᕐᕿᓱᐃᓗᓂ ᐊᒻᒪᓗ ᐱᑕᖃᕐᑎᓯᓗᓂ ᐃᓕᓐᓂᐊᓂᕐᒧᑦ ᐊᒻᒪᓗ ᐱᓇᓱᒐᕐᒧᑦ ᑐᓴᕐᑎᓯᓂᕐᒧᑦ ᐱᓇᓱᐊᕈᑎᓂᒃ ᐃᓕᓐᓂᐊᑕᖏᓐᓄᑦ ᐱᑕᖃᕆᐊᓕᓐᓂᒃ, ᐱᓇᓱᒐᕐᒧᑦ ᐊᒻᒪᓗ ᐱᓇᓱᒉᑦ ᖃᓄᐃᑦᑑᓕᕐᓂᖏᓐᓄᑦ, ᐊᒻᒪᓗ ᐃᑉᐱᒋᔭᖃᕐᓗᓂ ᓂᐅᕕᕐᓂᒧᑦ ᐊᒻᒪᓗ ᓄᑕᐅᓯᓕᑎᕆᓂᕐᒧᑦ ᐊᑦᔨᐅᖏᑦᑐᒧᑦ ᖃᐅᔨᒋᐊᕐᕕᓴᐅᒍᓐᓇᑐᓂᒃ (ᕿᒥᕐᕈᐊᓂᒃ, ᖃᕆᑕᐅᔭᑎᒍᑦ ᐱᓇᓱᐊᕈᑎᓂᒃ, ᖃᕆᑕᐅᔭᓕᕆᒍᑎᓂᒃ ᐊᒻᒪᓗ ᐊᓯᖏᓐᓂᒃ) ᐊᒻᒪᓗ ᐱᑕᖃᕐᑎᓯᓗᓂ ᐃᑲᔪᕐᓯᓂᕐᒥᒃ ᐃᓕᓐᓂᐊᑎᓄᑦ ᐊᒻᒪᓗ ᐱᓇᓱᑦᑎᓄᑦ ᐊᑐᕐᑐᓄᑦ ᑖᒃᑯᓂᖓ;
  • ᐋᕐᕿᓱᐃᓗᓂ ᐊᒻᒪᓗ ᐊᑕᑎᑦᓯᓗᓂ ᐃᓅᖃᑎᒌᓐᓂᒥᒃ ᐊᒻᒪᓗ ᐱᓇᓱᐊᖃᑎᒌᓐᓂᒥᒃ ᑭᒡᒐᑐᕐᑎᖏᓐᓂᒃ ᐱᓇᓱᒐᕐᓕᕆᓂᕐᒥᒃ, ᐊᖓᔪᕐᖄᖏᓐᓂᒃ ᐊᒻᒪᓗ ᓄᓇᓕᒻᒥᐅᓂᒃ ᐃᓚᐅᑐᐃᓐᓇᕆᐊᓕᓐᓂᒃ ᐱᑕᖃᕐᑎᓯᓗᑎᒃ ᐊᒻᒪᓗ ᐃᑲᔪᕐᓗᑎᒃ ᐃᓕᓐᓂᐊᓂᕐᒧᑦ ᐊᒻᒪᓗ ᐱᓇᓱᒐᕐᒧᑦ ᓯᕗᓕᕐᓂᒥᒃ ᐃᓕᓐᓂᐊᑎᓂᒃ;
  • ᐊᑐᐃᓐᓇᕈᕐᑎᓗᓂ ᐊᒻᒪᓗ ᓄᑕᐅᓯᓕᑎᕆᓗᓂ ᐊᓪᓚᓯᒪᔪᓂᒃ ᒪᓕᓪᓗᒋᑦ ᐱᐅᓯᕆᔭᐅᒋᐊᓖᑦ ᐊᑐᕐᑕᐅᒋᐊᓕᓐᓄᑦ ᐱᓇᓱᒐᕐᒧᑦ ᐊᒻᒪᓗ ᒪᓕᒐᖏᓐᓄᑦ ᐊᓪᓚᑕᐅᓯᒪᓂᖏᓐᓄᑦ ᐃᓕᓴᕐᓂᓕᕆᓂᕐᒧᑦ ᐊᒻᒪᓗ ᑐᕐᖃᑕᕐᕕᖓᓄᑦ ᐃᓕᓐᓂᐊᓂᓕᕆᓂᕐᒧᑦ ᑯᐯᒻᒥ;
  • ᐊᑐᐃᓐᓇᕈᕐᑎᓗᓂ ᐱᕙᓪᓕᐊᓂᕐᒧᑦ ᐊᓪᓚᓯᒪᐅᑏᑦ ᐅᕝᕙᓘᓐᓃᑦ ᕿᒥᕐᕈᔭᐅᓂᖓᓄᑦ, ᐃᓱᓕᓂᖓᓄᑦ ᐱᕙᓪᓕᐊᓂᖓᑕ ᐊᒻᒪᓗ ᖃᐅᔨᒋᐊᕐᑕᐅᓂᖓᓄᑦ ᑐᓴᕐᑎᓯᒍᑏᑦ ᐱᓇᓱᐊᕈᑎᓄᑦ ᐊᑐᕐᑕᐅᔪᕕᓂᕐᓄᑦ;
  • ᐊᓯᓕᒫᖏᓪᓗ ᐱᓇᓱᒐᖓᓅᓕᖓᔪᑦ ᐊᐱᕆᔭᐅᒍᓂ ᐊᖓᔪᕐᖄᒥᓄᑦ.

ᐱᒍᓐᓇᐅᑎᒋᒋᐊᓕᖏᑦ:

ᐃᓚᒋᔭᐅᒋᐊᓕᒃ ‘ᐱᒍᓐᓇᐅᑎᓕᓐᓄᑦ ᐃᓱᐊᕐᓭᔨᐅᓂᕐᒧᑦ ᐊᒻᒪᓗ ᐃᓱᒪᒧᑦ ᐃᓕᓐᓂᐊᑎᑦᓯᔨᐅᓂᕐᒧᑦ ᑯᐯᒻᒥ.’

ᐃᓕᓐᓂᐊᓂᓕᕆᓂᖅ ᖁᓛᓂ ᐅᖃᕐᑕᐅᔪᓂᒃ ᐊᑐᖕᖏᑑᑎᑦᓯᒍᓐᓇᑐᖅ ᐱᒍᓐᓇᐅᑎᒋᔭᐅᒋᐊᓕᓐᓂᒃ ᓈᒻᒪᑐᕆᑦᓯᒍᓂ ᐊᖏᖃᑎᒌᓐᓂᒧᑦ ᐃᓚᐅᒍᑎᖃᕐᑐᒥᒃ ᐱᓇᓱᒐᕐᑖᕋᓱᐊᕐᑐᒥᒃ. ᐃᓕᓐᓂᐊᓂᓕᕆᓂᐅᓪᓗ ᐱᒋᐅᕐᓴᑎᑦᓯᒍᑎᖏᓐᓂᒃ ᐃᓚᐅᕕᖃᕋᔭᕐᓂᒥᒃ ᐊᖏᕐᓯᒪᔪᒥᒃ.

ᐊᑐᕈᓐᓇᕆᐊᓕᖏᑦ:

  • ᐊᐅᓪᓚᑲᑕᕈᓐᓇᕆᐊᓕᒃ ᐃᓘᓐᓇᖏᓐᓄᑦ 14-ᓄᑦ ᓄᓇᓕᓐᓄᑦ ᓄᓇᕕᒻᒥ;
  • ᖃᐅᔨᒪᓂᖃᕐᓗᓂ ᓄᓇᕕᒻᒥᒃ ᐊᒻᒪᓗ ᐃᓕᓐᓂᐊᑎᖏᓐᓂᒃ.

ᐱᓇᓱᒐᖓᑕ ᑌᔭᐅᓂᖓ / ᑮᓇᐅᑦᔭᓵᖏᑦ / ᐃᓱᕐᕉᑎᑦᓴᖏᓪᓗ:

ᒪᓕᓪᓗᒋᑦ ᐱᒍᓐᓇᐅᑎᓖᑦ ᑲᑐᑦᔨᖃᑎᒌᓐᓂᖓ ᒪᓐᑐᔨᐊᒥ ᐱᓇᓱᒍᑦᔨᓂᕐᒧᑦ ᐊᖏᕐᓯᒪᐅᑎᖏᑦ ᐱᒍᓐᓇᐅᑎᓕᓐᓄᑦ; ᐱᒋᐊᕐᓗᓂ $45,420-ᒥᑦ $78,640-ᒧᑦ ᐊᕐᕌᒍᑕᒫᑦ ᒪᓕᓪᓗᒋᑦ ᐱᒍᓐᓇᐅᑎᒋᒋᐊᓕᖏᑦ ᐊᒻᒪᓗ ᐱᓇᓱᐊᕐᓯᒪᓂᖓ.

ᑮᓇᐅᑦᔭᓵᖏᓐᓄᑦ ᐃᓚᐅᑎᓪᓗᒍ ᐅᑯᓂᖓ ᐱᕙᓪᓕᖁᑎᑖᕈᓐᓇᒥᔪᖅ:

  • 20 ᐅᓪᓗᐃᑦ ᐊᕐᕌᒍᑕᒫᑦ ᑭᑲᕈᑏᑦ
  • ᒪᕐᕉᓂᒃ ᐱᓇᓱᐊᕈᓰᓐᓂᒃ ᕿᑲᕐᓇᓯᐅᕐᓇᐅᓂᖓᓂ

ᒪᑯᓂᖓᓗ ᐱᕙᓪᓕᖁᑎᑖᕈᓐᓇᓱᓂ:

  • ᐅᐱᕐᖔᓯᐅᑎᓂᒃ ᑫᕙᓪᓚᒍᓯᖃᕐᓂᖅ
  • ᐃᓪᓗᖃᕐᓂᖅ
  • ᐅᑭᐅᕐᑕᑐᒥᐅᖑᓂᕐᒧᑦ ᐊᑭᓕᕐᑕᐅᒋᐊᓪᓛᕈᑏᑦ
  • ᐊᓂᕐᕋᑫᓐᓇᓂᕐᒧᑦ ᖃᖓᑦᑕᐅᑏᑦ
  • ᓂᕿᓂᒃ ᖃᖓᑦᑕᔫᒃᑯᑦ ᑎᑭᓭᓃᑦ   

ᐱᕙᓪᓕᖁᑎᑖᕈᑎᓕᒫᑦ ᐱᖃᕐᑎᑕᐅᔪᑦ ᑐᖕᖓᕕᒋᑦᓱᒋᑦ ᐱᔭᑦᓴᖏᑦᑕ ᐳᓴᓐᑎᖏᑦ.

ᐃᓱᓕᕝᕕᓴᖓ ᐱᓇᓱᒐᕐᑖᕋᓱᐊᕐᓂᐅᑉ: 4:00-ᖑᐸᑦ, ᔮᓄᐊᕆ 24, 2020

ᖃᐅᔨᑎᑦᓯᓛᕐᑐᒍᑦ ᐱᓇᓱᒐᕐᑖᕋᓱᐊᕐᑐᓂᒃ ᐱᒍᓐᓇᐅᔪᕆᔭᑦᑎᓂᒃ.

 

*ᐃᓕᓴᕐᓂᓕᕆᓂᖅ ᐱᓇᓱᒐᕐᒨᕋᓱᐊᕐᑐᓂᒃ ᖃᐅᔨᓴᕐᑕᐅᑎᑦᓯᒍᓐᓇᑐᖅ ᖃᐅᔨᓴᕐᓂᒧᑦ ᐱᒍᓐᓇᑕᖏᑦᑕ ᐳᕐᑐᓂᖓᓂᒃ.

ᐃᓕᒐᓱᐊᕈᑏᑦ


  • Accepted file types: pdf.


Back To Top