skip to Main Content

ᐊᑑᑎᑎᓪᓗᒍ COVID-19 ᖃᓂᒪᓐᓇᖅ, ᐃᓕᓴᕐᓇᐅᑉ ᐊᕐᕌᒍᖓ ᐃᓱᓕᑦᑐᕕᓂᖅ ᒫᕆ 24, 2020-ᒍᑎᓪᓗᒍ.


ᐃᓕᓴᕐᕕᓕᒫᕗᑦ ᐱᓇᓱᕝᕕᕗᓪᓗ ᓄᓇᕕᒻᒦᑐᑦ ᐅᒃᑯᐊᓯᒪᔪᑦ, ᑌᒣᒐᓗᐊᕐᑎᓗᒍ, ᐊᐅᓚᑦᓯᕕᑦᑎᓂᑦ ᐊᓪᓚᕕᒻᒪᕆᑦᑎᓂᑦ ᐱᓇᓱᑦᑎᕗᑦ ᑲᔪᓯᔪᑦ ᖃᕆᑕᐅᔭᕐᑎᒍᑦ. ᐱᓇᓱᑦᑎᑖᕋᓱᐊᕐᓂᕗᑦ ᐊᔪᐃᓐᓇᓂᕗᑦ ᐃᓕᓭᔨᑦᓴᓂᑦ ᓱᕐᕋᑕᐅᒐᑕᖕᖏᒪᑦ, ᑌᒣᒐᓗᐊᕐᑎᓗᒍ ᐱᓇᓱᑦᑎᑖᕋᓱᐊᕐᓂᕗᑦ ᐊᐅᓚᑦᓯᔪᑦᓴᓂᑦ, ᐱᔪᓐᓇᐅᑎᓕᓐᓂᑦ, ᐱᓇᓱᑦᑎᑐᐃᓐᓇᓄᓪᓗ ᐃᓂᓐᓄᑦ ᑲᔪᓯᖏᓐᓈᑐᖅ ᐊᑐᓪᓚᕆᑦᑐᓂᑦ ᑭᓯᐊᓂ ᐃᓂᓐᓂᑦ.ᐊᐅᓚᑦᔭᕆᐊᕐᓂᖅ ᐃᓕᓴᕐᓇᐅᑉ ᐊᕐᕌᒍᖓᓂᑦ ᑐᑭᑖᕐᑕᐅᓛᕐᑐᖅ ᑐᖕᖓᕕᒋᓗᒋᑦ ᑭᓇᓕᒫᒃᑯᑦ ᖃᓄᐃᖕᖏᓯᐊᕐᓂᑎᒍᑦ ᐊᑑᑎᒋᐊᓕᖏᓐᓂᑦ ᒪᓂᔭᐅᔪᓂᑦ ᑳᓇᑕᒥ, ᑯᐯᒻᒥ ᓄᓇᕕᒻᒥᓗ.

ᐱᓇᓱᒐᑐᐃᓐᓇᐅᖏᓪᓚᖅ!

ᐃᓅᓯᖃᕐᓂᐅᕗᖅ ᐊᑦᔨᐅᖏᑦᑐᒥᒃ ᐊᑑᑎᓂᕐᒥᒃ, ᐊᑦᔨᐅᖏᑦᑐᒥ ᐃᓅᓯᕐᒥ ᐊᒻᒪᓗ ᐃᓚᐅᑎᑦᓯᓂᐅᑦᓱᓂ ᐃᓕᓐᓂᒃ ᐃᓗᕐᖁᓯᕐᒧᑦ ᐃᒻᒥᓂᒃ ᖃᐅᔨᒋᐊᓕᓐᓄᑦ. ᐃᑲᔪᕐᓯᒐᔭᕐᓂᓂᒃ ᓱᖏᕐᑑᑎᖃᕐᖁᒍᑦ ᐊᑦᔨᐅᖏᑦᑐᒥᒃ.

ᐱᕙᓪᓕᖁᑎᑦᓭᑦ ᐃᓘᓐᓇᖏᓐᓄᑦ

ᐱᑦᔪᑎᖃᕐᓗᑎᑦ ᐃᓚᐅᒍᒪᕕᑦ

ᐊᓃᓗᑳᕐᓃᑦ

ᓅᒋᐊᖃᑐᐊᕈᕕᑦ ᓄᓇᓕᒻᑦ ᐊᓯᐊᓄᑦ ᐱᓇᓱᒋᐊᕐᓗᑎᑦ, ᐃᓕᓴᕐᓂᓕᕆᓂᖅ ᐱᑕᖃᕐᑎᓯᒍᓐᓇᑐᖅ ᐅᓄᕐᓂᐹᓂᒃ ᐱᖓᓱᓂᒃ ᐅᑎᕈᑎᓕᓐᓂᒃ ᐊᐅᓚᒍᑎᓂᒃ ᐊᕐᕌᒍ ᑕᒫᑦ ᐃᓕᓐᓄᑦ ᐆᒪᑎᑕᑎᓐᓄᓗ.

ᓄᑦᑎᓂᕐᒧᑦ ᐊᑮᑦ

ᐃᓕᓴᕐᓂᓕᕆᓂᖅ ᑲᒪᒋᔭᓕᒃ ᓄᑦᑎᑎᕈᑎᑉᐱᑦ ᐊᑭᖏᓐᓂᒃ ᐊᓯᒋᐊᓪᓚᖏᓐᓂᓗ ᑮᓇᐅᔭᕐᑑᑎᐅᒐᔭᕐᑐᓂᒃ ᓄᑦᑎᓂᕐᒨᓕᖓᔪᓂᒃ.

ᐃᓗᖃᕐᑎᑕᐅᓂᖅ ᐃᑲᔪᕐᓯᐅᑎᓕᓐᓂᒃ

ᓅᒋᐊᖃᑐᐊᕈᕕᑦ ᓄᓇᓕᒻᑦ ᐊᓯᐊᓄᑦ ᐱᓇᓱᒋᐊᕐᓗᑎᑦ, ᐃᓪᓗᖃᕋᔭᕐᖁᑎᑦ ᐃᓕᓴᕐᓂᓕᕆᓂᐅᑉ ᐃᓪᓗᖁᑎᖏᓐᓂᒃ, ᐱᐅᓕᓂᐊᒐᖃᕇᕐᑐᖅ, ᐅᕐᖁᓯᓴᐅᑎᓕᒃ ᐊᒻᒪᓗ ᐃᑯᒪᖃᕐᓱᓂ, ᐊᑦᑕᑐᕈᑏᑦ ᐊᑭᓖᑦ ᐊᑭᑭᓐᓂᓭᑦ $230-ᓂᒃ ᑕᕐᕿᑕᒫᑦ

ᖃᓂᖕᖏᑐᒥᐅᖑᓂᕐᒧᑦ

ᐊᑭᓕᕐᑐᑕᐅᒐᔭᕐᖁᑎᑦ $10,000-ᒥᑦ $20,000-ᒧᑦ ᑎᑭᑦᑐᓂᒃ ᐊᕐᕌᒍᑕᒫᑦ, ᒪᓕᓪᓗᒋᑦ ᖃᓂᖕᖏᓂᖓ ᐱᓇᓱᕝᕕᐱᑦ, ᐊᒻᒪᓗ ᐅᓄᕐᓂᖏᑦ ᐆᒪᑎᑕᕐᐱᑦ.

ᓂᖀᑦ ᐅᓯᔭᐅᒍᑎᖏᑦ

ᓂᕿᓂᒃ ᓂᐅᕕᕐᓂᐊᕈᓐᓇᖁᑎᑦ ᖃᕆᑕᐅᔭᑎᒍᑦ ᐊᒻᒪᓗ ᐅᓯᔭᐅᒍᑎᖏᑦᑕ ᐊᑭᖏᑦ ᐊᑭᓕᕐᑕᐅᒐᔭᕐᑐᑦ ᐃᓕᓴᕐᓂᓕᕆᓂᕐᒧᑦ.

ᐱᓇᓱᑦᑏᑦ ᐃᒻᒪᖃᐅᑎᖏᑦ

ᐱᕙᓪᓕᖁᑎᑖᕋᔭᕐᖁᑎᑦ ᐋᓐᓂᐊᓯᐅᑎᓄᑦ ᐃᒻᒪᖃᐅᑎᖏᓐᓄᑦ ᐸᕐᓇᓯᒪᐅᑎᖏᓐᓂᒃ ᐊᒻᒪᓗ ᐊᑦᔨᒌᖕᖏᑐᓂᒃ ᐱᕙᓪᓕᖁᑎᓂᒃ, ᐃᓚᒋᐊᕈᑏᑦ ᐊᑯᓃᕐᑐᒥᒃ ᐱᐅᓯᕐᓗᓂᕐᒧᑦ ᐃᒻᒪᖃᐅᑏᑦ ᐸᕐᓇᓯᒪᐅᑎᖓ ᐊᒻᒪᓗ ᐃᓚᒋᐊᕈᑎᐅᑎᓪᓗᒍ ᐃᓅᓯᕐᒧᑦ ᐃᒻᒪᖃᐅᑎ.

ᐃᑲᔪᕐᓯᓂᕐᒧᑦ ᐱᓇᓱᐊᕐᓂᖅ

ᐅᖄᕕᑦᓴᖃᕈᒪᕖᑦ? ᐱᓇᓱᑦᑎᓕᒫᑦ ᐊᑑᑎᒍᓐᓇᑐᑦ ᐱᓇᓱᑦᑏᑦ ᐃᓚᖏᑦᑕᓗ ᐃᑲᔪᕐᓯᔭᐅᒍᑎᖏᓐᓂᒃ, ᐅᓪᓗᓕᒫᖅ ᑫᕙᓪᓚᒍᓯᓕᒫᓂ, ᐱᓇᓱᐊᕈᓯᓕᒫᒥ ᐊᑐᐃᓐᓀᑦ (ᐱᓇᓱᒐᕐᒨᓕᖓᔪᓄᑦ ᐃᓱᐊᕐᓴᔭᐅᓂᖅ, ᑮᓇᐅᔭᓕᕆᓂᕐᒨᓕᖓᔪᓄᑦ ᐊᔪᕿᒋᐊᕐᑕᐅᓂᖅ, ᐃᓱᒣᔭᕐᕕᓴᖃᕐᓂᖅ ᐊᓯᖏᓪᓗ).

ᐊᕗᖕᖓᕆᐊᒃᑲᓂᖅ ᐱᒍᓐᓇᓂᕐᑖᕋᓱᐊᕆᑦ!

ᐁᑦᑑᑎᒋᓗᒋᑦ ᐱᓇᓱᒐᕐᑖᕋᓱᐊᕈᑎᑎᑦ ᐱᓇᓱᒐᕐᓄᑦ ᐅᒃᑯᐃᖔᕐᑎᑕᑦᑎᓄᑦ ᐊᒻᒪᓗ ᐊᑐᐃᓐᓇᕈᕐᒋᑦ ᐳᐃᒍᕐᓂᐊᖏᑦᑕᓄᑦ ᐊᑑᑎᓂᕐᒧᑦ!

ᐊᑦᔨᐅᖏᑦᑐᖅ ᐃᓅᓯᖅ!

Back To Top