ᐊᖓᔪᖅᑳᖃᕐᓗᓂ ᐃᓕᓐᓂᐊᕖᑦ ᐊᐅᓚᑕᐅᓂᖏᓐᓂ ᑐᑭᒧᐊᑦᑎᓯᔨᒥᒃ, ᐃᓕᓐᓂᐊᑎᑦᓯᔩᑦ ᐊᖓᔪᖅᑳᖓ ᑲᒪᒋᔭᑦᓴᔭᓖᒃ ᐃᓕᓐᓂᐊᕈᑎᓕᕆᓂᕐᒨᓕᖓᔪᓂᒃ ᐊᐅᓪᓚᑦᓯᓂᕐᒥᒃ ᐃᓕᓐᓂᐊᑎᑦᓯᒍᑎᓂᓪᓗ ᐳᒃᑭᓂᕐᓴᒥ ᐳᕐᑐᓂᕐᓴᒥᓪᓗ. ᐃᓕᓐᓂᐊᑎᑦᓯᔩᑦ ᐊᖓᔪᖅᖄᖓ ᑐᖓᓕᖓᓗ ᐃᓕᓐᓂᐊᕕᒻᒥ ᐃᓕᓐᓂᐊᓂᓕᕆᓂᕐᒥᒃ ᓯᕗᓕᑦᓯᔨᐅᑦᓱᓂ.

• ᐃᓘᓐᓈᒍᑦ ᐃᓕᓐᓂᐊᓂᓕᕆᓂᖅ
• ᐅᖃᐅᓯᐅᑉ ᐁᑉᐱᐅᑎᖓ ᐊᒻᒪᓗ ᐃᓅᖃᑎᒌᓐᓂᒧᑦ ᓱᑯᐃᔦᓂᖅ
• ᓱᑯᐃᔦᓂᖅ ᐊᒻᒪᓗ ᓴᓇᑦᑐᓴᐅᑎᓕᕆᓃᑦ
• ᐊᑦᔨᐅᖏᑦᑐᒥ ᐃᓕᓐᓂᐊᓂᓕᕆᓂᖅ
• ᐃᙯᓕᓴᕐᓂᖅ

ᐊᖓᔪᖅᑳᖃᕐᓗᓂ ᐃᓕᓐᓂᐊᕖᑦ ᐊᐅᓚᑕᐅᓂᖏᓐᓂ ᑐᑭᒧᐊᑦᑎᓯᔨᒥᒃ, ᐃᓕᓐᓂᐊᑎᑦᓯᔩᑦ ᐊᖓᔪᖅᑳᖓ ᑲᒪᒋᔭᑦᓴᔭᓖᒃ ᐃᓕᓐᓂᐊᕈᑎᓕᕆᓂᕐᒨᓕᖓᔪᓂᒃ ᐊᐅᓪᓚᑦᓯᓂᕐᒥᒃ ᐃᓕᓐᓂᐊᑎᑦᓯᒍᑎᓂᓪᓗ ᐳᒃᑭᓂᕐᓴᒥ ᐳᕐᑐᓂᕐᓴᒥᓪᓗ. ᐃᓕᓐᓂᐊᑎᑦᓯᔩᑦ ᐊᖓᔪᖅᖄᖓ ᑐᖓᓕᖓᓗ ᐃᓕᓐᓂᐊᕕᒻᒥ ᐃᓕᓐᓂᐊᓂᓕᕆᓂᕐᒥᒃ ᓯᕗᓕᑦᓯᔨᐅᑦᓱᓂ.

ᐊᖓᔪᕐᖄᖃᕐᓗᓂ ᐊᑕᐅᑦᓯᑰᕐᑎᓯᔨᖓᓂᒃ ᐱᒋᐅᕐᓴᑎᑕᐅᓂᕐᒧᑦ ᐊᒻᒪᓗ ᐱᕙᓪᓕᐊᓂᕐᒧᑦ ᐱᓇᓱᕝᕕᖓᓂ, ᓄᓇᓕᓕᒫᓂ ᐱᒋᐅᕐᓴᑎᑦᓯᓂᕐᒧᑦ ᐃᓱᐊᕐᓭᔨ:

• ᐃᓕᓐᓂᐊᕕᓐᓄᑦ ᐊᕐᕕᑌᓐᓇᓲᖅ ᐃᑲᔪᕆᐊᕐᓱᓂ ᐱᒋᐅᕐᓴᑎᑕᐅᓂᖏᓐᓂᒃ ᐃᓄᐃᑦ ᐃᓕᓐᓂᐊᑎᑦᓯᔩᑦ ᐃᓕᓐᓂᐊᓲᓄᑦ ᑲᑎᕕᒃ/ᒪᑭᐊᓪ/ᔫᑳᑦ ᐃᓕᓐᓂᐊᑎᑦᓯᒍᑎᖏᓐᓂᒃ; ᐊᒻᒪᓗ ᐃᑲᔪᕐᓱᓂ ᐃᓕᓐᓂᐊᑎᑦᓯᔨᓄᑦ ᐱᒋᐅᕐᓴᑎᑕᐅᔪᓄᑦ ᐱᒋᐅᕐᓴᑎᑕᐅᓂᓕᒫᖏᓐᓄᑦ;
• ᐃᓚᐅᓲᖑᑦᓱᓂ ᐱᕙᓪᓕᐊᑎᑕᐅᓂᖏᓐᓄᑦ ᐊᒻᒪᓗ ᐃᓕᓐᓂᐊᑎᑦᓯᒍᑕᐅᓂᖏᓐᓄᑦ ᐱᒋᐅᕐᓴᓂᕐᒥ ᐃᓕᓐᓂᐊᑎᑕᐅᑎᓪᓗᒋᑦ ᐊᒻᒪᓗ ᑲᑎᒪᓂᐊᕈᓯᖃᕐᑎᑕᐅᑎᓐᓗᒋᑦ ᐃᓕᓐᓂᐊᑎᑦᓯᔩᑦ ᐱᒋᐅᕐᓴᑎᑕᐅᓂᖏᓐᓄᑦ;
• ᖃᐅᔨᓴᖃᑦᑕᓗᓂ ᐊᒻᒪᓗ ᑐᑭᑖᕆᓗᓂ ᐃᓕᓐᓂᐊᑎᑦᓯᔨᓂᒃ ᕿᐊᖃᕐᑎᑕᐅᑐᐊᕐᐸᑦ ᐃᓕᓐᓂᐊᑕᖏᓐᓄᑦ; ᐃᑲᔪᕐᓗᓂ ᖃᐅᔨᓴᕐᑕᐅᓂᖏᓐᓄᑦ ᐃᓕᓐᓂᐊᑎᑦᓯᔩᑦ ᐃᓕᓐᓂᐊᑎᑕᐅᓂᖏᑦ ᐃᓕᓐᓂᐊᑎᑦᓯᔨᖓᓄᑦ ᐱᓇᓱᐊᖃᑎᐅᓗᓂ;
• ᐃᓚᐅᓗᓂ ᐱᕙᓪᓕᐊᑎᑕᐅᓂᖏᓐᓄᑦ ᐃᓄᑦᑎᑑᕐᑐᖏᑦ ᐱᒋᐅᕐᓴᑎᑦᓯᒍᑏᑦ ᐃᓕᓐᓂᐊᕈᑎᓄᑦ; ᐃᑲᔪᕐᓗᓂ ᐸᕐᓀᓂᖏᓐᓄᑦ ᐊᒻᒪᓗ ᐃᓕᓐᓂᐊᑎᑦᓯᓂᖏᓐᓄᑦ ᐃᓘᓐᓇᖏᓐᓂᒃ ᐃᓕᓐᓂᐊᑎᑦᓯᔩᑦ ᐱᒋᐅᕐᓴᑎᑕᐅᓂᖏᑦ ᐃᓕᓐᓂᐊᑎᑦᓯᒍᑎᖏᓐᓄᑦ;
• ᐋᕐᕿᓱᐃᓗᓂ, ᖃᐅᔨᓴᕐᓗᓂ ᐊᒻᒪᓗ ᐋᕐᕿᒋᐊᕆᓗᓂ ᐃᓄᑦᑎᑑᑦ ᐃᓕᓐᓂᐊᑎᑦᓯᒍᑎᓂᒃ ᐊᒻᒪᓗ ᐃᓕᓐᓂᐊᕈᑎᑦᓴᓂᒃ ᐃᓕᓐᓂᐊᕈᑎᑦᓴᓕᐅᕐᕕᒥ ᐃᓕᓐᓂᐊᑕᐅᔪᑦᓴᓂᒃ ᐱᓇᓱᐊᖃᑎᖃᕐᓗᓂ ᐃᓕᓐᓂᐊᑎᑦᓯᔨᖏᓐᓂᒃ ᐊᒻᒪᓗ ᖃᐅᔨᒪᔨᓂᒃ;
• ᖃᐅᔨᒪᖏᓐᓇᕋᓱᐊᕐᓗᓂ ᐊᓯᖏᓐᓂᒃ ᑲᑎᕕᒻᒥ ᐱᓇᓱᐊᕐᑕᐅᔪᓂᒃ ᐃᓕᓐᓂᐊᑎᑦᓯᓂᕐᒨᓕᖓᔪᓂᒃ;
• ᐱᓇᓱᐊᖃᑎᖃᕐᓗᓂ ᐃᓕᓐᓂᐊᑎᑦᓯᔩᑦ ᐊᖓᔪᕐᖄᖏᓐᓂᒃ, ᐊᑕᐅᑦᓯᑰᕐᑎᓯᓗᓂ ᐱᓇᓱᐊᕐᑕᖏᓐᓂᒃ ᓄᓇᓕᓐᓂ ᐃᓕᓐᓂᐊᑎᑦᓯᔩ ᐱᒋᐅᕐᓴᑎᑕᐅᓂᖏᒃᑯᑦ ᐃᓱᐊᕐᓭᔨᖏᓐᓄᑦ;
• ᐃᒣᓕᒋᐊᕆᔨᐅᓗᓂ ᐱᓇᓱᑦᑎᑖᕐᓂᒧᑦ ᐃᓄᓐᓄᑦ ᐱᓇᓱᑦᑎᓄᑦ ᐃᓘᓐᓇᖏᓐᓂ ᐃᓕᓐᓂᐊᕕᓐᓂ, ᐱᓗᐊᕐᑐᒥ ᐃᓕᓐᓂᐊᕖᑦ ᐋᕐᕿᓱᕐᑕᐅᑎᓪᓗᒋᑦ.
• ᐱᓇᓱᐊᕐᓗᓂ ᓱᓇᑐᐃᓐᓇᓂᒃ ᐱᓇᓱᑦᑕᐅᒋᐊᓕᓐᓂᒃ ᐱᓇᓱᒐᖓᓅᓕᖓᔪᓂᒃ ᐅᕝᕙᓘᓐᓃᑦ ᐊᐱᕆᐅᑎᐅᔪᓂᒃ ᐊᖓᔪᕐᖄᖓᓄᑦ.

ᐱᓇᓱᑦᑐᓕᕆᕕᐅᑉ ᑐᑭᒧᐊᕐᑎᓯᔨᖓᑕ ᑐᖓᓕᐊᓄᑦ ᐱᓇᓱᑦᑎᒋᔭᐅᓗᓂ, ᐊᐅᓚᑦᓯᓂᓕᕆᕕᒻᒥ ᐱᓪᓗᑯᒋᐊᓕᓕᕆᔨ ᐱᓇᓱᐊᖃᑦᑕᕋᔭᕐᑐᖅ ᐊᐅᓚᑦᓯᓂᓕᕆᕕᒻᒨᓕᖓᔪᓂᒃ ᐱᔭᑦᓴᓂᑦ ᐱᒍᑦᔨᓗᓂ ᐱᔪᓐᓇᐅᑎᓕᓐᓂᒃ, ᐃᓕᓐᓂᐊᑎᑦᓯᔨᓂᑦ ᐊᐅᓚᑦᓯᔩᓪᓗ ᐱᓇᓱᑦᑎᖏᑦᑕ ᐊᓪᓚᖁᑎᖏᓐᓂᒃ. ᐱᓇᓱᐊᕆᐊᖃᕋᔭᕐᑕᖏᑦ ᒪᑯᐊ:

• ᐱᓇᓱᑦᑎᑖᖃᒻᒥᐅᔪᓂᒃ ᐊᓪᓚᖁᑎᓕᐅᕐᓗᓂ, ᐊᓪᓚᖁᑏᓕᒫᑦ ᑐᓴᐅᒪᔭᐅᒋᐊᓕᓕᒫᓪᓗ ᐊᐅᓪᓚᑎᑦᓯᐊᖃᑦᑕᓗᒋᑦ ᐱᓇᓱᑦᑎᓂᑦ ᐃᓕᓐᓂᐊᕕᓐᓂᓗ ᐱᓇᓱᕝᕕᒋᔭᐅᔪᓂᓪᓗ ᐃᓕᓐᓂᐊᓂᓕᕆᕕᒻᒥ;
• ᒪᓕᑦᓯᐊᓗᓂ ᖃᓄᐃᑦᑐᑐᐃᓐᓇᓂᑦ ᒪᓕᒐᕐᓂᑦ ᐃᓕᓐᓂᐊᓂᓕᕆᕕᐅᓪᓗ ᒪᓕᒐᖏᓐᓂᑦ, ᐱᔪᓐᓇᐅᑎᓖᑦ ᐃᓕᓐᓂᐊᑎᑦᓯᔩᓪᓗ ᐱᓇᓱᑦᑎᖏᑦᑕ ᑮᓇᐅᑦᔭᓵᖏᑦ, ᓄᓇᓕᓐᓂᑦ ᐊᑦᔨᒌᖕᖏᑐᓂᑦ, ᓴᑑᑎᑦᓴᓯᐊᖃᕐᓂᖅ ᐊᓯᖏᓐᓂᓗ ᐱᕚᓪᓕᖁᑎᑦᓴᓂᑦ ᐱᓇᓱᑦᑎᐅᑉ ᐱᕕᒋᒍᓐᓇᑕᖏᓐᓂᑦ;
• ᐊᐅᓚᑦᓯᓗᓂ ᑭᐅᕕᒻᒥᒃ ᑲᒪᒋᔭᖃᕐᓗᓂᓗ ᐱᓇᓱᑦᑏᑦ ᓇᓗᓀᕐᓯᐅᑎᖏᓐᓂᑦ ᐃᓪᓗᒥᐅᖃᑎᖏᓐᓂᑦ;
• ᑲᒪᒋᔭᖃᖃᑦᑕᓗᓂ ᐃᓕᑕᕐᓯᓂᕐᒥᒃ ᐱᔪᓐᓇᐅᑎᓖᑦ ᐃᓕᓐᓂᐊᑎᑦᓯᔩᓪᓗ ᐱᓇᓱᑦᑎᖏᑦᑕ ᐱᒍᓐᓇᐅᑎᖏᓐᓂᒃ ᓄᑕᐅᓯᓕᕐᑐᐃᖃᑦᑕᓗᓂ ᐊᓪᓚᖁᑎᓂᑦ ᑮᓇᐅᑦᔭᓵᖁᑎᑦᓴᓂᑦ ᐱᓇᓱᑦᑎᑐᖃᐅᓕᕐᑐᓂᓪᓗ ᓇᓗᓀᕐᓯᖃᑦᑕᓗᓂ;
• ᑐᓴᐅᒪᑎᑦᓯᓗᓂ ᑮᓇᐅᑦᔭᓵᓕᕆᕕᒃᑯᓂᑦ ᐊᓯᑦᔨᑐᖃᕐᐸᑦ ᐱᓇᓱᑦᑎᐅᑉ ᐊᓪᓚᖁᑎᖏᓐᓂᑦ ᐅᒃᑯᐊᑕᐅᓂᖏᓐᓂᓗ;
• ᐊᐅᓚᑦᓯᖃᑦᑕᓗᓂ ᓄᑕᕋᑦᓴᓖᑦ ᕿᑲᕐᓂᓴᖏᓐᓂᒃ, ᐊᑖᑌᑦ ᕿᑲᕐᒥᓴᖏᓐᓂᒃ ᐊᒻᒪᓗ ᐊᖓᔪᕐᖄᑉ ᕿᑲᕐᓂᓴᖏᓐᓂᒃ;
• ᑲᒪᒋᔭᖃᕐᓗᓂ ᓄᑕᐅᓯᓕᕐᑐᐃᓗᓂᓗ ᐱᓇᓱᑦᑎᓂᑦ;
• ᑭᐅᖃᑦᑕᓗᓂ ᐊᐱᕐᓲᑎᓂᑦ ᐱᔪᓐᓇᐅᑎᓕᓐᓅᓕᖓᔪᓂᒃ ᐃᓕᓐᓂᐊᑎᑦᓯᔩᓪᓗ ᐱᓇᓱᑦᑎᖏᑦᑕ ᐱᓇᓱᒍᑎᖏᓐᓂᒃ;
• ᑐᓴᐅᒪᑎᑦᓯᖃᑦᑕᓗᓂ, ᐃᑲᔪᖃᑦᑕᓗᓂ ᓴᐳᒻᒥᖃᑦᑕᓗᓂᓗ, ᐅᖄᓚᐅᑎᒃᑯᑦ, ᖃᕆᑕᐅᔭᒃᑯᓗ ᐊᒻᒪᓗ ᓄᓇᕕᒻᒥ, ᐊᑕᐅᑦᓯᑰᕐᑎᓯᔨᓂᒃ ᐃᓕᓐᓂᐊᕈᑎᓕᕆᕕᖏᓐᓂᒃ ᐃᓕᓐᓂᐊᕖᑦ ᑭᐅᔨᖏᑦᑕᓗ ᐱᓇᓱᐊᕐᑕᕕᓂᖏᓐᓂᒃ ᑕᑯᓐᓇᓗᓂ ᐊᐅᓚᑦᓯᓂᖏᓐᓂᒃ ᐊᓪᓚᖁᑎᓂᑦ ᐱᓇᓱᑦᑐᓕᕆᕕᐅᑉ;
• ᐱᓇᓱᐊᖃᑦᑕᓗᓂᓗ ᐊᓯᖏᓐᓂ ᐱᓇᓱᐊᕐᑕᐅᖁᔭᐅᔪᓂᑦ ᐊᖓᔪᕐᖄᒥᓄᑦ.

ᑲᔪᓯᒃᑫᔨ ᐱᓇᓱᒐᖃᕆᐊᓕᒃ ᖃᐅᔨᓴᕐᓂᒥᒃ, ᐋᕐᕿᓱᐃᓂᕐᒥᒃ, ᐱᕙᓪᓕᐊᑎᑦᓯᓂᕐᒥᒃ ᐊᐅᓚᑦᓯᒍᓐᓇᓯᐊᕐᓗᓂᓗ ᖃᕆᑕᐅᔭᐅᑉ ᐊᐅᓚᑕᐅᒍᓯᖏᓐᓂᒃ, ᐲᔦᓂᕐᒥᒃ ᐊᒻᒪᓗ ᓄᑕᐅᓯᓕᕐᑐᐃᔨᐅᓗᓂ, ᓴᐳᒻᒥᓂᒃᑯᑦ ᑲᑎᕕᒃ ᐃᓕᓴᕐᓂᓕᕆᓂᐅᑉ ᑐᕌᒐᖏᓐᓂᒃ ᐋᕐᕿᓯᒪᒍᓯᖏᓐᓂᓗ. ᑲᔪᓯᒃᑫᔨ ᐊᑑᑎᑎᑦᓯᒍᓐᓇᕆᐊᓕᒃ ᖃᕆᑕᐅᔭᕐᒨᓕᖓᔪᓂᒃ ᑐᑭᑖᕆᔨᐅᓗᓂ ᖃᐅᑕᒫᑦ ᓯᕗᓂᕐᒧᓗ, ᓇᓛᒎᕐᑐᓂᒃ, ᐅᐸᓗᙰᕐᓯᒪᑦᓯᐊᑐᓂᒃ, ᐊᑐᕐᑕᐅᒍᓐᓇᑐᓂᓪᓗ ᐃᓗᓕᖏᓐᓂᒃ ᐃᑲᔪᖃᑦᑕᓗᓂᓗ ᐱᓇᓱᖃᑎᒥᓂᒃ ᐱᕙᓪᓕᐊᑎᓗᒋᑦ ᐊᑐᕐᑕᐅᒍᓐᓇᑐᓂᒃ. ᑲᑎᕕᒃ ᐃᓕᓴᕐᓂᓕᕆᓂᕐᒥ ᑲᒪᒋᔭᖃᕆᐊᓕᒃ ᓈᒻᒪᑐᓂᒃ ᑐᑦᓯᕋᐅᑎᐅᓯᒪᔪᓂ ᐊᑐᐃᓐᓇᖃᑎᓯᑦᓯᐊᓗᓂ.

ᐊᖓᔪᕐᖄᖃᕐᓗᓂ ᖃᕆᑕᐅᔭᓕᕆᕕᒻᒥ ᑐᑭᒧᐊᕐᑎᓯᔨᒥᒃ, ᑲᔪᓯᒃᑫᔨ ᒪᑯᓂᖓ ᑲᒪᒋᔭᖃᕆᐊᓕᒃ:

• ᑐᑭᓯᓇᑦᓯᐊᑐᓂᒃ ᖃᕆᑕᐅᔭᒃᑯᑦ ᓄᐃᑦᓯᒐᓱᐊᕐᓗᓂ ᑲᑎᕕᒃ ᐃᓕᓴᕐᓂᓕᕆᓂᒃᑯᓂ ᓴᐳᒻᒥᖏᓐᓇᒐᓱᐊᕐᓗᓂ ᓄᓇᕕᒻᒥᐅᑦ ᐃᓕᓐᓂᐊᑎᖏᓐᓂᒃ, ᐳᕐᑐᓂᕐᓴᒋᐊᓪᓚᒥᒃ ᐃᓕᓐᓂᐊᕆᐊᓪᓚᑐᓂᒃ ᐱᓇᓱᑦᑎᕈᕐᑎᓗᒋᓪᓗ.
• ᑐᕌᕐᕕᒋᕈᒪᔭᒥᓄᑦ ᑐᑭᑖᕐᓯᒪᑦᓯᐊᓗᓂ.
• ᐊᐅᓚᑦᓯᔨᓂᒃ ᐱᓇᓱᑦᑎᓂᓪᓗ ᐃᓘᓐᓀᓂ ᐃᓅᖃᑎᖃᑦᓯᐊᓗᓂ ᑐᑭᓯᒪᖃᑎᒌᑦᓯᐊᓂᕐᒧᑦ ᖃᐅᔨᒐᓱᐊᕐᓂᒧᑦ ᐋᕐᕿᓱᒋᐊᓕᒻᒥᓂᒃ ᖃᕆᑕᐅᔦᑦ ᒥᑦᓵᒍᑦ.
• ᖃᕆᑕᐅᔭᕈᑎᓂᒃ ᑲᔪᓯᑎᑕᐅᕋᑕᖕᖏᑐᓂᒃ ᖃᐅᔨᓴᕐᑎᐅᓗᓂ ᒪᓕᓪᓗᒋᑦ ᑭᖕᖒᒪᒋᔭᐅᔪᐃᑦ, ᐊᑭᖏᑦ, ᓱᖏᐅᓯᓴᕐᓃᑦ, ᐊᓯᖏᓪᓗ.
• ᖃᕆᑕᐅᔭᕈᑎᓂᒃ ᐊᑐᐃᓐᓇᐅᓕᕐᑐᓂᒃ, ᐋᕐᕿᓯᒪᒍᓯᖓᓂᒃ ᑲᔪᓯᑎᑦᓯᓗᓂ ᐊᒻᒪᓗ ᐱᓇᓱᑦᑎᓂᒃ ᓂᐅᕐᕈᓯᕐᑎᓂᓪᓗ ᖃᐅᔨᒪᑎᑦᓯᖃᑦᑕᓗᓂ ᓄᑕᐅᓯᕐᓕᕐᑐᓯᒪᓂᖏᓐᓂᒃ.
• ᐱᓇᓱᑦᑎᑖᕆᔭᐅᔪᓂᒃ ᐱᑐᑦᓯᒪᖃᑎᒌᒍᑎᓂᒃ ᖃᕆᑕᐅᔭᒃᑯᑦ ᐊᑐᐃᓐᓇᕈᕐᑏᔨᐅᓗᓂ (ᐆᑦᑑᑎ. ᐱᓇᓱᑦᑐᓕᕆᕕᒻᒥ ᐱᓇᓱᑦᑎᑖᕐᓂᖅ ᐳᕐᑐᓂᕐᓴᕆᐊᓪᓚᒥᓪᓗ) ᐊᓯᖏᓐᓂᓗ ᐅᖄᖃᑎᒌᒍᓯᕐᓂᒃ ᐱᓇᓱᑦᑎᓄᑦ (ᐆᑦᑑᑎ. intranet).
• ᐱᓇᓱᐊᖃᑎᖃᕐᓗᓂ ᐱᓇᓱᕝᕖᑦ ᐊᖓᔪᕐᖄᖏᓐᓂᒃ ᐊᒻᒪᓗ ᐸᕐᓇᓯᒪᐅᑎᓃᑦ ᑲᔪᓯᒃᑫᔨᖓᓂᒃ, ᐱᕙᓪᓕᐊᑎᑦᓯᓗᓂ ᖃᐅᔨᒪᔭᐅᒋᐊᓕᓐᓂᒃ ᑲᑎᕕᒃ ᐃᓕᓴᕐᓂᓕᕆᓂᐅᑉ ᐸᕐᓇᓯᒪᐅᑎᖏᓐᓂᒃ.
• ᑐᓴᐅᒪᑎᑦᓯᓗᓂ ᖃᐅᔨᒍᑎᕕᓂᕐᓂᒃ ᓱᕐᖁᐃᑕᐅᒪᔪᓂᒃ ᑲᒥᓯᓇᓄᑦ ᐊᐅᓚᑦᓯᔨᓐᓄᑦ ᐱᓇᓱᑦᑎᓄᓪᓗ.
• ᑲᒪᒋᔭᖃᖃᑦᑕᓗᓂ ᓄᑕᐅᓯᓕᕐᑐᐃᖃᑦᑕᓗᓂᓗ ᐱᕙᓪᓕᐊᑎᑦᓯᖃᑦᑕᓗᓂ ᖃᐅᔨᒪᔭᐅᒋᐊᓖᑦ ᐋᕐᕿᓯᒪᒍᓯᖓᓂᒃ, ᐋᕐᕿᓱᐃᖃᑦᑕᓗᓂ ᖃᐅᔨᒪᔭᐅᔪᓂᒃ ᓇᑭᑐᐃᓐᓇᖅ ᐱᓯᒪᔪᓂᒃ (Charlemagne, Dash, ᓂᐅᕐᕈᓯᕐᑏᑦ, ᐱᓇᓱᑦᑐᓕᕆᕕᒃ, ᐃᓂᕐᕋᔪᓕᕆᓂᖅ, ᐊᓯᖏᓪᓗ).
• ᐊᑐᐃᓐᓇᐅᑎᑦᓯᓗᓂ ᖃᐅᔨᒪᔭᐅᓕᕐᑐᓂᒃ ᖃᐅᔨᒍᑎᕕᓂᕐᓂᓗ ᑐᑦᓯᕋᐅᑎᓂᒃ ad-hoc-ᓂᒃ (ᐆᑦᑑᑎ. ᓴᓇᑦᑐᓴᐅᑎᓕᕆᓂᕐᒥᒃ ᐃᑲᔪᕐᑏᑦ ᓱᕐᕃᓯᒪᓂᖏᑦ ᓴᓇᑦᑐᓴᐅᑎᒨᓕᖓᔪᓂᒃ ᖃᐅᔨᓴᐅᑎᕕᓃᑦ ᐅᓄᕐᓂᖏᓐᓂᒃ); ᐱᕙᓪᓕᐊᑎᑦᓯᒐᓱᐊᕐᓂᖅ ᑐᑦᓯᕋᐅᑎᐅᔪᕕᓂᕐᓂᒃ.

ᐊᖓᔪᕐᖄᖃᕐᓗᓂ ᐱᖁᑎᓕᕆᕕᐅᑉ ᑐᑭᒧᐊᑦᑎᓯᔨᖓᑕ ᐃᑲᔪᕐᑎᖓᓂᒃ, ᐊᐅᓚᒍᑎᓕᕆᕕᒻᒥ ᐊᐅᓚᑦᓯᔨ ᑲᒪᒋᔭᑦᓴᔭᓕᒃ ᐊᐅᓚᑦᓯᓂᕐᒥᒃ ᐱᓪᓗᑯᒋᐊᓕᓐᓂᒃ ᐊᐅᓚᑦᓯᓂᓕᕆᓂᕐᓂᓗ ᐱᓇᓱᑦᑕᐅᒋᐊᓕᓐᓂᒃ ᐅᒥᐊᕐᔪᐊᑰᕐᑎᓯᒍᑎᓂᒃ; ᖃᖓᑦᑕᔫᒃᑰᑎᑕᐅᒍᑎᖏᓐᓂᒃ; ᐊᒥᓲᓕᕐᑎᕆᕕᒻᒥᓗ ᐃᓕᓐᓂᐊᕕᐅᑉ ᐱᐅᓕᓂᐊᒐᑦᓴᖏᓐᓂᒃ; ᓱᓇᑐᐃᓐᓇᖃᐅᑎᐅᓪᓗ ᐊᐅᓚᑕᐅᓂᖓᑕ. 

• ᐊᐅᓚᑦᓯᖃᑦᑕᓗᓂ ᐱᓇᓱᐊᕐᑕᐅᔪᓕᒫᓂᒃ ᐊᕐᕌᒍᑕᒫᑦ ᐅᒥᐊᕐᔪᐊᑰᕐᑎᓯᒍᑎᐅᓲᓂᒃ;
• ᓱᓇᑐᐃᓐᓇᖃᐅᑎᒥ ᐱᓇᓱᑦᑏᑦ ᐱᓇᓱᐊᕐᓂᖏᓐᓂᒃ ᐃᑉᐱᒍᓱᑦᑎᐅᓗᓂ: ᐃᓚᒋᔭᐅᑎᓪᓗᒋᑦ ᓱᓇᑐᐃᓐᓇᖃᐅᑎᐅᑉ ᐊᐅᓚᑕᐅᓂᖓ, ᐊᒥᓲᓕᕐᑎᕆᕕᒃ, ᐊᓂᕐᕋᑫᓐᓇᕈᑏᓪᓗ, ᖃᖓᑦᑕᔫᒃᑰᑎᑦᓯᒍᑏᓪᓗ ᐱᖁᑎᒋᔭᐅᔪᓂᒃ;
• ᐊᐅᓚᑦᓯᓗᓂ ᓂᐅᕕᕈᑎᓂᒃ ᓯᖁᒥᓯᒪᔪᕐᓂᐊᑕᐅᓂᖏᓐᓂᓗ ᑲᑎᕕᒃᑯᑦ ᐃᖏᕐᕋᐅᑎᖏᓐᓂᒃ; ᑕᒪᓐᓇ ᓄᓇᓕᓐᓄᑦ ᐊᕐᕕᑕᕐᓕᑕᓕᒃ
• ᐊᐅᓚᑦᓯᓗᓂ ᐊᐅᓚᒍᑎᓕᕆᓂᐅᑉ ᐊᕐᕌᒍᑕᒫᑦ ᑮᓇᐅᔭᖏᑦᑕ ᑐᕌᒐᖏᓐᓂᒃ;
• ᐱᑐᑦᓯᒪᖃᑎᒌᑦᑎᓯᓗᓂ ᐊᐅᓚᒍᑎᓂᒃ, ᐊᐅᓪᓚᑎᑦᓯᒍᑎᓂᒃ, ᓄᑦᑎᑎᕈᑎᓂᒃ ᓱᓇᑐᐃᓐᓇᖃᐅᑎᒦᑦᑎᐊᓂᓪᓗ ᐱᒍᑦᔨᕕᓐᓂᒃ ᑌᒣᑦᑐᓅᓕᖓᔪᓂᓪᓗ ᐱᓇᓱᒍᑦᔨᓂᕐᒧᑦ ᐊᖏᕐᓯᒪᐅᑎᖃᕈᑎᓂᒃ;
• ᐃᓚᐅᖃᑕᐅᖃᑦᑕᓗᓂ ᑐᓂᓯᒍᑎᖏᓐᓂᒃ ᐊᑭᒋᔭᐅᒐᔭᕐᑐᓄᑦ ᐱᒍᑦᔨᒍᑎᓄᑦ ᖃᑦᓯᕋᖃᑦᑕᕋᔭᕐᓂᖏᓐᓄᑦ;
• ᐃᓚᐅᖃᑕᐅᖃᑦᑕᓗᓂ ᐱᓇᓱᑦᑎᑖᕋᓱᐊᕐᓂᓄᑦ ᐱᓇᓱᑦᑎᓴᓂᓪᓗ ᑎᒃᑯᐊᓯᓂᕐᓄᑦ;
• ᐃᓚᐅᖃᑕᐅᖃᑦᑕᓗᓂ ᐊᕐᕌᒍᑕᒫᑦ ᑐᕌᒐᓕᐅᒍᑎᓄᑦ, ᓄᑕᐅᓯᓕᕐᑎᑕᐅᓂᖏᓐᓄᑦ ᐱᖁᔦᑦ ᖃᓄᐃᓘᕈᓰᓪᓗ;
• ᐊᐅᓚᑦᓯᖃᑦᑕᓗᓂ ᐱᒍᑦᔨᔭᐅᔪᓕᕆᓂᕐᒥ ᐅᓐᓂᓘᑕᐅᔪᓂᓪᓗ ᐋᕐᖀᒋᐊᖃᑦᑕᓗᓂ.

ᐃᑉᐱᒍᓱᑦᑎᖃᕐᓱᓂ ᐱᓇᓱᑦᑐᓕᕆᕕᒃ ᐊᐅᓚᑦᓯᕕᐅᑉ ᑐᑭᒧᐊᕐᑎᓯᔨᐅᑉ ᐃᑲᔪᕐᑎᖓᓐᓂ, ᐊᐅᓚᑦᓯᕕᒻᒥ ᐱᓪᓗᑯᒋᐊᓕᓕᕆᔨ ᐱᔭᑦᓴᖃᕙᓪᓗᓲᖅ ᐱᓇᓱᑦᑎᑖᒐᓱᐊᕐᓂᒨᓕᖓᔪᓂᑦ ᐱᔭᑦᓴᓂᑦ ᐃᓘᓐᓈᒍᑦ ᐃᓕᓴᕐᓂᓕᕆᓂᕐᑎᒍᑦ, ᐃᓚᖃᕐᑎᓗᒋᑦ:

ᐱᓇᓱᑦᑎᓕᕆᓂᖅ:

• ᐊᑐᐃᓐᓇᒍᕐᑎᓂᖅ ᐊᒻᒪᓗ ᐱᓇᓱᒐᑦᓴᓂᑦ ᓄᐃᑦᓯᓂᕐᒥᑦ ᐱᓇᓱᕝᕕᑎᒍᑦ ᓯᓚᑖᒍᓪᓗ ᐃᑲᔪᕐᑎᖃᓪᓗᓂ ᐱᓇᓱᑦᑐᓕᕆᐅᑉ ᐊᐅᓚᑦᓯᕕᐅᑉ ᐊᑕᐅᑦᓯᑰᕐᑎᓯᔨᖏᓐᓂᑦ;
• ᐃᑲᔪᕐᓯᒪᖃᑦᑕᓗᓂ ᓄᓇᓕᒻᒥ ᐊᐅᓚᑦᓯᔨᓂᒃ ᐱᓇᓱᒐᑦᓭᑦ ᓂᕕᖕᖓᐅᖃᕐᑕᐅᒋᐊᖃᕐᓂᖏᓐᓄᑦ;
• ᐱᓇᓱᖃᑎᖃᖃᑦᑕᓗᓂ ᐱᓇᓱᒐᑦᓴᕆᔨᓂᒃ ᐊᑐᐃᓐᓇᕈᕐᑎᕆᓂᒃᑯᒃ ᓂᐅᕕᕋᕐᓂᓅᓕᖓᔪᓂᒃ ᖃᐅᔨᒪᔭᐅᑎᑦᓯᓂᕐᓅᓕᖓᔪᓂᓪᓗ ᐊᓪᓚᖁᑎᓂᒃ ᐱᓇᓱᑦᑎᓴᕐᓯᐅᕈᑎᑦᓴᓂᒃ;
• ᑎᑭᑎᑦᓯᕕᐅᖃᑦᑕᓗᓂ ᐱᓇᓱᒐᕐᑖᕈᒪᐅᑎᓂᒃ ᓇᓪᓕᐊᓅᓕᖓᓂᖏᑦ ᒪᓕᓪᓗᒋᑦ ᐊᕕᑦᑐᓗᒋᑦ ᑌᒪ ᕿᒥᕐᕈᓯᐊᕐᓗᒋᑦ ᒪᓕᒐᕐᑕᖏᑦ ᒪᓕᓪᓗᒋᑦ;
• ᐅᓇᒻᒥᓱᑦᑐᓂᒃ ᐊᐱᕐᓱᑕᐅᒋᓕᓐᓂᒃ ᙯᕐᖁᔨᖃᑦᑕᓗᓂ;
• ᐊᑕᐅᑦᓯᑰᕐᑎᓯᔨᐅᓗᓂ ᐊᐱᕐᓱᑕᐅᒍᑎᓂᒃ (ᐱᓇᓱᑦᑎᐅᒍᒪᔪᑦ ᖃᐅᔨᓴᕐᑕᐅᒍᑎᖏᓐᓂᒃ, ᐊᐱᕐᓲᑎᑦᓴᓂᒃ, ᐱᓇᓱᒐᕐᑖᕈᒪᐅᑎᐅᑉ ᐊᑦᔨᖓᓂᒃ, ᑮᓇᐅᑦᓴᔭᐅᑎᑦᓴᓂᒃ, ᐱᓇᓱᑦᑎᐅᓚᖓᔫᑉ ᓱᓇᑦᑎᐅᓚᖓᓂᖓᓂᒃ, ᐊᐱᕐᓱᑕᐅᕕᑦᓴᒥᓪᓗ ᖃᕆᐊᕐᒥᖅ ᐃᓂᑦᓴᓕᐅᕐᓗᓂ);
• ᐊᐱᕐᓱᓂᖃᓚᐅᕐᑎᓇᒍ ᖃᐅᔨᓴᕆᐊᖕᖓᓂᖅ;
• ᐃᓂᓪᓚᑎᕆᓗᓂ ᖃᐅᔨᓴᕈᑎᑦᓴᓂᒃ ᖃᐅᔨᓴᕐᓂᐅᒋᐊᓕᓐᓂᓗ;
• ᓇᓂ ᐱᓇᓱᐊᖃᑦᑕᓯᒪᒻᒪᖔᑦ ᖃᐅᔨᒋᐊᕐᓗᓂ;
• ᐊᑐᐃᓐᓇᕈᕐᑎᕆᖃᑦᑕᓗᓂ ᐊᐅᓪᓚᑎᖃᑦᑕᓗᒋᓪᓗ ᐊᓪᓚᕕᐅᑦᔪᓯᐊᖏᓐᓂᒃ ᐱᓇᓱᒐᕐᑖᑐᑦ ᐊᓪᓚᖁᑎᓕᒫᖏᓐᓂᓗ ᐱᓇᓱᑦᑏᑦ ᐱᓇᓱᑦᑎᑐᐃᓐᓀᓗ;
• ᐱᓇᓱᑦᑎᑖᕐᖃᒦᑦ ᐊᓪᓚᖁᑎᖏᓐᓂᒃ ᑲᑎᕐᓱᐃᕕᑦᓴᓕᐅᕐᓗᓂ ᐊᓪᓚᖁᑎᒋᒋᐊᓕᓕᒫᖏᓪᓗ ᑲᑎᕐᓱᓗᒋᑦ;
• ᓄᑕᐅᓯᓕᕐᑎᕆᖃᑦᑕᓗᓂ ᐱᓇᓱᑦᑎᑐᐃᓐᓀᑦ ᐊᓪᓚᑕᐅᓯᒪᐅᑎᖏᓐᓂᒃ ᐱᓇᓱᑦᑏᓗ;
• ᐱᓇᓱᒐᕐᑖᕈᒪᔪᑦ ᐃᓕᓴᕐᓯᒪᓂᖏᓐᓂᒃ ᓱᕐᖁᐃᓯᑦᓯᐊᕋᓱᐊᕐᓗᓂ ᐱᒍᓐᓇᐅᑎᖏᓐᓂᓗ;
• ᑲᑎᕐᓱᐃᖃᑦᑕᓗᓂ ᖃᐅᔨᒪᐅᑎᑦᓴᓂᒃ ᑐᓴᕐᑎᓯᒍᑎᑦᓴᓕᐅᖃᑦᑕᓗᓂᓗ ᐃᓘᓐᓈᒍᑦ ᐱᓇᓱᑦᑏᑦ ᐊᐅᓚᑕᐅᓂᖓᓂᒃ (ᐃᓐᓄᓯᒪᖕᖏᑐᓂᒃ ᐱᓇᓱᒐᑦᓴᓂᒃ, ᓂᕕᖕᖓᑕᐅᓯᒪᔪᓂᒃ ᐱᓇᓱᒐᑦᓴᓂᒃ, ᐱᓇᓱᒍᒪᐅᑎᓂᒃ ᑎᑭᑎᑕᐅᓯᒪᔪᓂᒃ, ᐊᓯᖏᓐᓂᓗ)

ᐆᑦᑐᕋᕐᑕᐅᓂᕐᒦᓂᖓᑕ ᐱᓇᓱᓐᓂᖓᑕ ᓯᕕᑐᓂᕆᒋᐊᓕᖓ:

• ᐱᓇᓱᑦᑏᑦ ᐱᓇᓱᑦᑎᑐᐃᓐᓀᓗ ᖃᐅᔨᑎᓗᒋᑦ ᐆᑦᑐᕋᕐᑕᐅᓂᒦᒋᐊᖃᓛᕐᓂᖏᓐᓂᒃ ᐱᓇᓱᓐᓂᖏᑦᑕ;
• ᐊᑐᐃᓐᓇᕈᕐᑎᕆᓗᓂ ᐱᒋᐅᕐᓴᓂᐅᒋᐊᓕᓐᓂᒃ ᐊᓯᖏᓐᓂᓗ ᐊᓪᓚᖁᑎᓂᒃ ᑕᒪᑐᒧᖓᐅᓕᖓᔪᓂᒃ.

ᐊᖓᔪᕐᖄᖃᓪᓗᓂ ᑐᑭᒧᐊᕐᑎᓯᔨᐅᑉ ᑐᖓᓕᖓᓂᑦ ᐃᓄᒻᒪᕇᑦ ᐊᒻᒪᓗ ᐱᒋᐅᕐᓴᑎᑦᓯᔩᑦ ᐱᓇᓱᕝᕕᒥᑦ. ᐃᓱᐊᕐᓭᔨᒃ ᐱᔭᑦᓴᖃᕐᐳ ᐊᑐᐃᓐᓇᐅᑎᑦᓯᓗᓂ ᖃᐅᔨᒋᐊᕐᕕᐅᒍᓐᓇᑐᓂᑦ, ᐃᒫᖔᕐᓂᒥᓪᓗ, ᐃᑲᔪᕐᓗᓂ ᐊᕐᖁᓯᐅᕐᓗᒍ ᐃᓕᓵᖅ ᐅᕕᒐᕐᑐᐃᑦ ᐃᓄᒻᒪᕇᓪᓗ ᐃᒻᒥᒎᕐᕕᖓᓂᑦ ᐃᓕᓴᒍᒪᒐᔭᖕᖑᐊᑐᓐᓂᓗ, ᐃᑲᔪᕐᓗᒋᑦ ᐃᓕᓴᕐᓂᑯᑦ ᐊᒻᒪᓗ ᐱᓇᓱᒐᕐᒨᓕᖓᔪᓂᑦ ᐊᑐᐃᓐᓇᐅᑎᑕᐅᔪᓂᑦ, ᓇᓪᓕᑳᒐᑦᓴᓂᑦ ᑐᓴᐅᒪᑎᓪᓗᒍ.

ᐃᓚᐅᖃᑦᑕᓗᓂᓗ ᓄᐃᑦᓯᒍᓐᓇᓂᕐᒥᑦ ᐊᑐᓕᕐᑎᓯᓂᕐᒥᓗ ᐃᓕᓴᕐᓂᑯᑦ ᐱᒋᐅᑦᓴᑎᑦᓯᓂᕐᒥᓗ ᑐᓴᕋᑦᓴᖃᕐᑎᓯᓗᓂ ᓈᒻᒪᓈᑐᑎᒍᑦ ᐃᓕᓴᕐᓂᑯᑦ ᐊᓪᓚᕕᒻᒥᐅᑕᑎᒍᓪᓗ ᑕᒪᒋᓐᓂᒃ ᐃᓕᓭᕕᐅᓲᓐᓂᒃ ᐊᒻᒪᓗ ᐃᓕᓴᕐᓂᓕᕆᓂᒃᑯᓗ. ᓴᓂᕝᕙᐃᓯᒪᖃᕐᑕᓗᓂᓗ ᐃᓕᓴᕐᓂᒨᓕᖓᔪᓂᑦ ᐱᒋᐅᕐᓴᓂᕐᒨᓕᖓᔪᓂᓗ ᑐᑦᓯᕋᐅᑎᐅᓲᓂᑦ ᐊᑐᐃᓐᓇᐅᑎᑕᐅᖕᖏᑐᓂᑦ ᐃᓄᒻᒪᓕᕆᔩᑦ ᐃᓕᓴᕐᕕᖓᓐᓄᑦ ᐊᑑᑎᔭᐅᒍᒪᒐᔭᖕᖑᐊᑐᓂᑦ ᓄᓇᖁᑎᖓᓃᑦᑐᓂᑦ.

• ᐊᑐᐃᓐᓇᐅᑎᑦᓯᓗᓂ ᐱᓇᓱᒐᐅᑉ ᐊᒻᒪᓗ ᐱᓪᓗᑯᐊᐱᒋᐊᓕᓐᓂᑦ-ᐱᒋᐅᑦᓴᓂᕐᒥᑦ ᖃᐅᔨᒋᐊᕐᕕᓴᓐᓂᑦ ᐃᓄᑑᓈᕐᑎᑐᓄᑦ ᐊᒻᒪᓘᓐᓃᑦ ᐃᓕᒃᑯᐊᑎᕐᑐᓄᑦ ᓄᓇᓕᖓᓃᑦᑐᓂᑦ.
• ᐃᓚᐅᖃᑦᑕᓗᓂᓗ ᐸᕐᓇᑐᓂᑦ ᐃᓂᓪᓚᑎᕆᔪᓐᓂᓗ ᐱᓇᓱᒉᑦ ᖃᓄᐃᑦᑑᓂᖏᓐᓂᑦ ᓄᐃᑕᑎᑦᓯᓕᕐᐸᑕ ᐱᓇᓱᐊᕈᓯᕐᒥᑦ.
• ᐃᓕᓵᒧᑦ ᒪᓂᔨᓗᓂ ᐊᕐᖁᑎᒋᒍᒪᒐᔭᖕᖑᐊᑕᖓᓂᑦ ᐃᓕᑦᓯᒐᓱᐊᓕᕐᐸᑦ, ᖃᐅᔨᑎᓪᓗᒍᓗ ᑭᖕᖒᒪᒋᒐᔭᕐᑕᖏᓐᓂᑦ ᕿᒥᕐᕈᒋᐊᑦᓯᐊᖃᑎᖃᓪᓗᓂ ᐊᓪᓚᓯᒪᔪᖁᑎᖏᓐᓂᑦ ᐃᓱᒪᒋᓪᓗᒋᓪᓗ ᐊᓕᐊᒋᔭᖏᑦ ᐊᑑᑎᒍᒪᒐᔭᖕᖑᐊᑕᖏᓪᓗ.
• ᐊᑐᐃᓐᓇᒍᕐᑎᓗᓂ ᑲᖐᓱᐊᓪᓗᓂᓗ,ᑐᓴᕋᑦᓴᓂᑦ ᐱᒋᐅᑦᓴᐅᑎᑦᓴᓂᓗ ᐃᓕᓵᓐᓅᓕᖓᔪᓂᑦ ᕿᓚᓈᓕᐅᒥᖁᓪᓗᒋᑦ ᐱᓇᓱᕝᕕᐅᓲᓂᑦ, ᑲᔪᖏᒋᐊᓪᓚᓗᒋᑦ ᐃᓕᓴᕐᕕᒥᑦ ᐊᒻᒪᓗ ᐊᓂᒎᑎᒍᓐᓇᑕᖏᓐᓂᑦ.
• ᐊᑐᐃᓐᓇᕈᕐᑎᖃᑕᐅᓗᓂ, ᐃᓂᓪᓚᑎᒋᖃᑕᐅᓗᓂᓗ, ᓄᐃᑦᓯᖃᑕᐅᓗᓂ ᐃᓕᓴᕐᓂᑯᑦ ᐱᒋᐅᑦᓴᑎᑦᓯᓂᕐᒥᓗ ᑐᓴᕋᑦᓴᖃᕐᑎᓯᓗᓂ; ᐱᓇᓱᖃᑎᖃᓪᓗᓂ ᐱᓇᓱᑦᑎᐅᖃᑎᒥᓂᑦ ᐊᑐᐃᓐᓇᒍᕐᑎᓗᑎ ᐊᑐᐊᒑᐱᓕᐅᕐᓗᑎ ᐊᕐᖁᓯᐅᓪᓗᑎᓗ ᐃᓕᓴᕐᓂᒨᓕᖓᔪᓂᑦ.
• ᑐᓴᐅᒪᑎᑦᓯᓂᕐᒥᑦ ᐱᓇᓱᕝᕕᓂᑦ ᐃᖏᕐᕋᑎᑦᓯᓂᕐᒥᑦ ᐊᓪᓚᓯᒪᔪᓂᑦ ᐃᓕᓭᕕᐅᑉ ᐃᓗᐊᓂ, ᓇᓪᓕᑳᒐᕐᓴᓂᑦ ᐱᓇᓱᒐᕐᓂᑦ ᐊᒻᒪᓗ ᐱᓇᓱᕝᕕᓕᒫᑦᓯᐊᓂᑦ, ᕿᓂᕐᓂᖅ,ᓱᕐᖁᐃᓯᑦᓯᐊᓂᖅ ᖃᐅᔨᒋᐊᕐᕕᐅᒐᔭᕐᑐᓂᑦ ᐊᑐᐃᓐᓇᐅᑎᑦᓯᓗᓂ, ᖃᕆᑕᐅᔭᕐᑎᒍᓪᓗ ᑐᕌᕐᕕᓴᓂᑦ.
• ᖃᐅᔨᓴᕐᓃᑦ , ᓈᒻᒪᓈᕐᓯᐊᒪᖔᓪᓗ, ᓇᓗᓀᒃᑯᑕᓕᐅᕐᓂᖅ ᓱᖏᐅᓴᕐᓂᓗ ᐃᓕᓴᕐᓂᑯᑦ ᐱᒋᐅᑦᓴᑎᑦᓯᓂᕐᒥᓗ ᑐᓴᕋᑦᓴᓂᑦ ᐃᓕᓵᕐᒧᓕᖓᔪᓂᑦ.
• ᑕᑯᑦᓴᐅᑎᑦᓯᓗᓂ ᓴᓂᓪᓕᒌᕐᑎᓯᓗᓂ ᐱᓇᓱᕝᕖᑦ ᐱᕙᓪᓕᐊᓂᖏᓐᓂᑦ ᐃᓕᓴᒐᑦᓴᖏᓐᓂᓗ ᖃᐅᔨᓴᕐᓂᑯᑦ ᐊᑐᐊᒐᕐᓂᓗ ᐊᕐᖁᑎᒋᓗᒍ ᑕᑯᒋᐊᕐᕕᓴᕐᒥᑦ.
• ᐃᓅᖃᑎᒌᖏᓐᓇᒐᓱᐊᕐᓗᒋᑦ ᐱᓇᓱᖃᑎᒋᖃᑦᑕᓗᒋᑦ ᑭᒡᒐᑐᕐᑏᑦ ᐱᓇᓱᕝᕕᓂᑦ ᐃᓕᓴᕐᕕᐅᓲᓕᒫᓪᓗ ᐊᒻᒪᓗ ᐊᓯᖏᑦ ᑎᒥᐅᔪᐃᑦ ᐃᑲᔪᕐᓯᒪᒍᓐᓇᑐᑦ ᐊᑐᐃᓐᓇᐅᑎᑦᓯᓂᕐᒥᑦ ᐊᕐᖁᓯᐅᕐᓂᒥᑦ ᐃᓕᓵᓂᑦ.
• ᐱᒍᒥᓇᕐᑎᓯᓗᓂ ᓱᖃᕐᓯᐅᑎᓂᑦ, ᐃᓕᓴᒐᑦᓭᑦ ᒪᓂᔭᐅᓯᒪᓂᖏᓐᓂᑦ.
• ᑭᐅᒍᓐᓇᓗᓂ ᐃᓗᐊᓃᑦᑐᓂᑦ ᓯᓚᑖᓃᑦᑐᓂᓪᓗ ᑐᓴᕋᑦᓴᓂᑦ ᑭᖕᖒᒪᒋᔭᐅᔪᓂᑦ.
• ᑐᓴᕐᑎᓯᓗᓂ ᓴᐳᒻᒥᓗᓂᓗ ᐃᓕᓵᓂᑦ ᐱᓇᓱᒍᒪᐅᑎᒻᒥᓂᑦ ᑕᑕᕐᓭᑎᓪᓗᒋᑦ ᐃᓕᓴᒐᑦᓴᓂᑦ ᐊᒻᒪᓗ ᐃᑲᔪᕐᓯᒪᒐᔭᕐᑐᓂᑦ ᐊᑭᓕᕐᑐᐃᓂᒃᑯᑦ.
• ᐊᑐᐃᓐᓇᒍᕐᑎᓗᓂ ᓄᑕᐅᓯᓕᕐᑎᕆᓗᓂᓗ ᐊᓪᓚᓯᒪᔪᖁᑎᒋᔭᐅᔪᓂᑦ ᒪᓕᒉᑦ ᒪᓕᓪᓗᒋᑦ ᐃᓕᓴᕐᓂᓕᕆᒥᕐᓂᑦ.

• ᐱᓇᓱᑦᑎᓂᒃ ᐊᒡᓚᖁᑎᓕᐅᖃᑦᑕᓗᓂ;
• ᑲᑎᕐᓱᐃᖃᑦᑕᓗᓂ ᓇᓗᓀᕐᓯᓯᐊᖃᑦᑕᓗᓂ ᐊᒡᓚᖃᑦᑕᓗᓂᓗ ᐃᑲᐅᕐᓂᓕᕆᐅᑎᓂᒃ ᐱᓇᓱᖕᖏᑑᓂᕋᐅᑎᓂᓪᓗ;
• ᓄᐃᑦᓯᖃᑦᑕᓗᓂ, ᐊᒡᓚᖃᑦᑕᓗᓂ ᓇᓗᓀᕐᓯᖃᑦᑕᓗᓂᓗ ᑮᓇᐅᔦᑦ ᐃᓚᖕᖏᑕᐅᒍᑎᑦᓴᖏᓐᓂᒃ (ᑲᕙᒪᒃᑯᓅᓕᖓᔪᓂᒃ, ᑲᕙᒫᐱᒃᑯᑦ ᐃᒡᓗᖁᑎᖏᓐᓅᓕᖓᔪᓂᒃ ᐅᕝᕙᓘᓐᓃᑦ ᑮᓇᐅᑦᔭᓵᓕᕆᕕᑦᑎᓅᓕᖓᔪᓂᒃ ᐃᖏᕐᕋᐅᑎᓕᕆᕕᑦᑎᓅᓕᖓᔪᓂᒃ);
• ᐱᓇᓱᑦᑏᑦ ᑮᓇᐅᑦᔭᓵᖏᓐᓂᒃ ᐊᓯᑦᔩᒋᐊᖃᑦᑕᓗᓂ ᑌᒣᒋᐊᖃᕐᓂᐸᑕ;
• ᐱᓇᓱᑦᑏᑦ ᐊᒡᓚᖁᑎᖏᓐᓂᒃ ᐊᓯᑦᔩᒋᐊᖃᑦᑕᓗᓂ ᑐᑭᓯᒪᐅᑎᑦᓴᓂᒃ;
• ᑭᐅᖃᑦᑕᓗᓂ ᐊᐅᓚᑦᓯᔩᑦ ᐱᓇᓱᑦᑏᓘᓐᓃᑦ ᐊᐱᕐᓲᑎᖏᓐᓂᒃ ᑮᓇᐅᑦᔭᓵᓅᓕᖓᔪᓂᒃ;
• ᐊᒡᓚᖁᑎᓂᒃ ᑲᑎᕐᓱᐃᖃᑦᑕᓗᓂ;
• ᐊᓯᖏᓐᓂᒃ ᐱᔭᑦᓴᖃᕐᒥᓗᓂ ᑕᒪᑐᒧᖓᐅᓕᖓᔪᓂᒃ.